You are currently viewing የባለአደራው ምክር ቤት ምሥረታ ታስቦ መዋሉን ባልደራስ አስታውቋል። አማራ ሚዲያ ማዕከል/አሚማ   መጋቢት 2 ቀን 2014 ዓ.ም         አዲስ አበባ ሸዋ በባለአደራ ም/ቤት ምስረታውን ከ…

የባለአደራው ምክር ቤት ምሥረታ ታስቦ መዋሉን ባልደራስ አስታውቋል። አማራ ሚዲያ ማዕከል/አሚማ መጋቢት 2 ቀን 2014 ዓ.ም አዲስ አበባ ሸዋ በባለአደራ ም/ቤት ምስረታውን ከ…

የባለአደራው ምክር ቤት ምሥረታ ታስቦ መዋሉን ባልደራስ አስታውቋል። አማራ ሚዲያ ማዕከል/አሚማ መጋቢት 2 ቀን 2014 ዓ.ም አዲስ አበባ ሸዋ በባለአደራ ም/ቤት ምስረታውን ከመዘከር የተገኙት የባልደራስ ፕሬዝደንት አቶ እስክንድር ነጋ “በአዲስ አበባ ያለው የተረኝነት መንፈስ ከመቼውምጊዜ በላይ ተባብሷል” ብለዋል። “በግፍ የታሰሩት በመንፈስ ከእኛ ጋር ናቸው” ያሉት ደግሞ የፓርቲው የድርጅት ጉዳዮች ኃላፊ አቶ ስንታየሁ ቸኮል ናቸው። መጋቢት 1 ቀን 2011 ዓ.ም በአዲስ አበባ በባልደራስ የስብሰባ አዳራሽ የተመሠረተው የአዲስ አበባ ባለአደራ ምክር ቤት 3ተኛ ዓመት ክብረ በዓል በባልደራስ ዋና ጽ/ቤት ሻማ በማብራት ታስቧል፡፡ የአዲስ አበባ ባለአደራ ምክር ቤት በኢንጀር ታከለ ኡማ የከንቲባነት ዘመን የተጀመረውን የተረኝነት አካሄድ በመቃወም መቋቋሙ ተጠቅሷል፡፡ ህወሓትን ተክቶ ገዥውን ፓርቲ በመምራት ላይ የሚገኘው ኦህዴድ፣ የአዲስ አበባ ሕዝብ ራሱን በራሱ የማስተዳደር መብት በመደፍጠጥ ከተማዋን በሃይል የኦሮሚያ አካል የማድረግ እንቅስቃሴ ላይ ይገኛል ሲል ባልደራስ አውግዟል፡፡ ይህ የከተማውን ሕዝብ መብት የባለአደራው ምክር ቤት በነበረው የሲቪክ ማህበር ቁመና ማስጠበቅ የማይቻል ስለነበር፣ በሕዝቡ ጥያቄ በየካቲት 2012 ዓ.ም ባልደራስ ለእውነተኛ ዲሞክራሲ እንደ ፖለቲካ ድርጅት ሆኖ መወለዱን አውስቷል፡፡ ትላንት በነበረው ሥነ ስርዓት የታደሙት የባልደራስ አባላት፣ በአሁኑ ጊዜ በእስር ላይ የሚገኙትን እህትና ወንድሞቻቸውን በማስታወስ፣ በግፍ መታሰራቸውን ጠቅሰው ያለምንም ቅድመ ሁኔታ እስከሚፈቱ ድረስ ያላሰለሰ ትግላቸውን ለማጠናከር ቃል ገብተዋል፡፡ በአዲስ አበባ ያለው የተረኝነት እንቅስቃሴ ከመቼውም ጊዜ በላይ ተባብሶ እንደሚገኝ የጠቀሱት የፓርቲው ፕሬዘደንት እስክንድር ነጋ፣ “ገዥዎቻችን ጠብመንጃ ይዘዋል፣ እኛ ደግሞ እውነትን ይዘናል፡፡ እነሱ በጠብመንጃቸው ይመኩ፣ እኛ ደግሞ፣ ኃይል የእግዚአብሔር ነው እያልን በያዝነው እውነት እንመካለን፤ ያለጥርጥርም እናሸንፋቸዋለን” ብለዋል፡፡ የባልደራስ አደረጃጀት ጉዳይ ዘርፍ ኃላፊው አቶ ስንታየሁ ቸኮል በበኩላቸው “በግፍ የታሰሩት የባልደራስና የአዲስ አበባ ወጣቶች በአካል ከእኛ ጋር ባይኖሩም በመንፈስ ግን ከእኛ ጋር መሆናቸውን አውቀን አደራቸውን ተቀብለን መታገል አለብን፤ እነሱ ታስረው እኛ እዚህ የደመቀ ስነ ስርዓት ለማድረግ ስለከበደን ለብዙዎች ጥሪ ከማድረግ ተቆጥበናል” ብለዋል፡፡ በመጨረሻም ባልደራስ ስነ ስርዓቱ ሻማ በማብራት እለቱ ታውሶ መርሃ ግብሩ ተፈጽሟል ብሏል፡፡

Source: Link to the Post

Leave a Reply