በቅርቡ ራሳቸውን ከፖለቲካ ማግለላቸውን የገለጹት አቶ እስክንድር ነጋ ከሁለት ቀናት እስር በኋላ በትናንትናው ዕለት ተለቀዋል።
የባልደራስ ለእውነተኛ ዲሞክራሲ ፓርቲ መስራች እና የፓርቲው ፕሬዝዳንት የነበሩት አቶ እስክንድር ነጋ የካቲት 17/2015 ዓ.ም አመሻሽ ላይ በምዕራብ ጎጃም ዞን ቡሬ ወረዳ አካባቢ በፀጥታ ኃይሎች ተይዘው ከቆዩ በኋላ ትላንት መለቀቃቸውን ፓርቲው አስታውቋል፡፡
ጉዳዩን በተመለከተ አስተያየታቸውን የጠየቅናቸው የፓርቲው ጽህፈት ቤት ምክትል ኃላፊ ወ/ሮ ቀለብ የቀድሞው የባልደራስ መሪ “በቁጥጥር ስር የዋሉት ምንም አይነት የእስር ማዘዣ ሳይወጣባቸው እና የተለቀቁትም ለፍርድም ሳይቀርቡ ነው” ያሉት ወ/ሮ ቀለብ፣ ተጨማሪ አስተያየት ከመስጠት ግን ተቆጥበዋል፡፡
ስለ አቶ እስክንድር እስርም ሆነ ከእስር የመለቀቃቸው ጉዳይ በመንግሥት በኩል እስካሁን የተባለ ነገር የለም፡፡
ሙሉ ዘገባውን ከተያያዘው ፋይል ይከታተሉ፡፡
Source: Link to the Post
