You are currently viewing የባሕር ዳር ዩኒቨርሲቲ ለማይካድራ የዘር ጭፍጨፋ ሰለባዎች ድጋፍ አደረገ። አማራ ሚዲያ ማዕከል/አሚማ ታህሳስ1 ቀን 2014 ዓ.ም         አዲስ አበባ ሸዋ የባሕር ዳር ዩኒቨርሲቲ የሕግ…

የባሕር ዳር ዩኒቨርሲቲ ለማይካድራ የዘር ጭፍጨፋ ሰለባዎች ድጋፍ አደረገ። አማራ ሚዲያ ማዕከል/አሚማ ታህሳስ1 ቀን 2014 ዓ.ም አዲስ አበባ ሸዋ የባሕር ዳር ዩኒቨርሲቲ የሕግ…

የባሕር ዳር ዩኒቨርሲቲ ለማይካድራ የዘር ጭፍጨፋ ሰለባዎች ድጋፍ አደረገ። አማራ ሚዲያ ማዕከል/አሚማ ታህሳስ1 ቀን 2014 ዓ.ም አዲስ አበባ ሸዋ የባሕር ዳር ዩኒቨርሲቲ የሕግ ት/ቤትና መሬት አስተዳደር ተቋም ለማይካድራ የዘር ጭፍጨፋ ሰለባዎች የአልባሳት፣የምግብና የንፅህና መጠበቂያ ቁሳቁስ ድጋፍ አድርጓል፡፡ የተቋሙ ባልደረቦች ወደ አካባቢው ለጥናት በሄዱበት ጊዜ ወደ 40 የሚደርሱ በማይካድራዉ የዘር ጭፍጨፋ ሰለባዎች በከፍተኛ ችግር ላይ መሆናቸውንና አፋጣኝ እርዳታ እንደሚያስፈልጋቸው በመገንዘብ የተቋሙን ሀብት እና ሰራተኞችን በማስተባበር ወደ 259,676 ብር የሚያወጣ የምግብ፣ የአልባሳትና የንጽህና መጠበቂያ ቁሳቁስ ለ40 የጉዳቱ ሰለባዎች ተበርክቶላቸዋል፡፡ በማይካድራ ከተማ ተገኝተው ድጋፉን ያስረከቡት የሕግ ትምህርት ቤት ዲንና የመሬት አስተዳደር ኢንስቲትዩት ዳይሬክተር ዩኒቨርሲቲዉ ያደረገዉ ድጋፍ ከዘር ጭፈጨፋ የተረፉትን ወገኖች ከጎናችሁ ነን የሚለዉን መልዕክት ለማስተላለፍና ችግራቸው በዘላቂነት እስከሚቀረፍ ድረስ የእለት ችግራቸውን ለማስታገሰ የተደረገ እንደሆነ ጠቁመዋል፡፡ ኃላፊዎች አያይዘዉም ዩኒቨርሲቲው በሀገራዊ የሕልውና ዘመቻው ዘርፈ ብዙ ድጋፎችን በማድረግ ላይ የሚገኝ መሆኑን ጠቅሰዉ ወራሪዉ ሀይል የሰብአዊ መብት ጥሰት በፈፀመባቸዉ አካባቢዎች በመገኘት የደረሰውን ሰብአዊና ቁሳዊ ጉዳት በማጥናት ጉዳቱን ለዓለም አቀፉ ማህበረሰብ ማጋለጥ አንደኛዉ ተግባር እንደሆነም ገልፀዋል፡፡ እርዳታውን የተረከቡት የማይካድራ ጥቃት ሰለባዎች ማህበር ሊቀመንበር አቶ ግርማይ እንደገለጹት የባሕር ዳር ዩኒቨርሲቲ የማይካድራ የጉዳት ሰለባዎችን አስታውሶ ለችግራችን በመድረስ ይህንን ትልቅ ድጋፍና እገዛ ስላደረገላቸዉ በማሕበሩ ስም ከፍ ያለ ምስጋናቸዉን አቅርበዋል፡፡ ተጎጂዎች ከደረሰባቸዉ አካላዊ፣ ስነ-ልቦናዊ እና አዕምሯዊ ጉዳት በተጨማሪ በአሁኑ ወቅት ለከፍተኛ ችግር ተጋልጠዉ የሚገኙ በመሆናቸው ረጂ ተቋማት፣ የዲያስፖራው ማህበረሰብ፣ ባለሃብቶች እና ፍላጎት ያለዉ አካል ሁሉ የጉዳቱን ሰለባዎች ከችግራቸዉ ወጥተው በዘላቂነት ራሳቸውን ችለዉ እንዲቋቋሙ ለማድረግ አፋጣኝ የሆነ ድጋፍና እገዛ ሊያደርግላቸው እንደሚገባ የማሕበሩ ሊቀመንበር ገልፀዋል፡፡ ከገንዘብና ቁሳቁስ ድጋፍ በተጨማሪ እስከ አሁን ድረስ በቂ ህክምና ያላገኙ፣ከስነ-ልቦና ጉዳታቸዉ ያላገገሙ፣ ከአዕምሯዊ ስቃይ ያልተላቀቁ ተጎጅዎች ያሉ በመሆናቸዉ የተለያዩ አካላትን በማስተባበር ተገቢው ህክምና በአፋጣኝ እንዲደረግላቸዉ የጉዳቱ ሰለባዎች የጠየቁ ሲሆን ዩኒቨርሲቲዉ ከፍተኛ ችግር ላይ ወድቀዉ በሚገኙበት ወቅት ይህንን ድጋፍ ስላደረገላቸዉ ልባዊ ምስጋና አቅርበዋል ሲል ዩኒቨርስቲው በይፋዊ የማህበራዊ ትስስር ገጹ አስፍሯል፡፡

Source: Link to the Post

Leave a Reply