የብርጋዴር ጀኔራል ተፈራ ማሞ የችሎት ውሎ፦የአማራ ብሔራዊ ክልላዊ መንግስት ጠቅላይ ፍ/ቤት ዛሬ ሰኔ 2 ቀን 2014 ዓ/ም በዋለው ችሎት የብርጋዴል ጀኔራል ተፈራ ማሞን ጉዳይ ተመልክቷል።በዚ…

https://cdn4.telegram-cdn.org/file/pvr0hh4HKMyr-NQWx1yKxTEa6paYy3q-SVMBdxs9LCOx-YF89jvtFrPgs8XvvM2zteCr-ecccOiViR6RyLLEH1fRQFdvlH56qD0L-1cb2D2EIKWFP2gmaCwtWDOpgNg5whjMRkfzXFFHgI0edvU64SpEJsIuw_OLvKODGrOmDUYMsOSsa14ux21ZQEww1xJmHjxQf5UPWTxaK3DWKcgfFmm8dg85Ar1tdC_7lPLXaPFprEDAPV2rF18YOt9sLy3uLKn03x8gWt3trGLM3V0AJMT38DDijp28Mj_nKYN4xibS0ZlNL6paGpe9HQlkxC7biTY7Wn12WzeT7JVR4sOkBQ.jpg

የብርጋዴር ጀኔራል ተፈራ ማሞ የችሎት ውሎ፦

የአማራ ብሔራዊ ክልላዊ መንግስት ጠቅላይ ፍ/ቤት ዛሬ ሰኔ 2 ቀን 2014 ዓ/ም በዋለው ችሎት የብርጋዴል ጀኔራል ተፈራ ማሞን ጉዳይ ተመልክቷል።

በዚህም ፤ የጊዜ ቀጠሮውን ጉዳይ መርማሪ ፖሊስ ምርመራየን ጨርሸ የምርመራ መዝገቡን ለዐቃቢ ህግ ለመላክ በዝግጅት ላይ ነኝ ያለ ሲሆን፣ የክልል ዐቃቤ ህግ በችሎት ቀርቦ አዎ ምርመራው አልቋል የክስ መመስረቻ ጊዜ 15 ቀናት ይሰጠኝ ሲል ጠይቋል።

የተከሳሽ ጠበቃ በበኩላቸው ምርመራ ካለቀ ደንበኛችን የተከሰሱበት ጉዳይ ዋስትና የሚያስከለክል ባለመሆኑ እና ተጠርጣሪው ደንበኛችን ታዋቂ ሠው በመሆናቸው ሊጠፉ ስለማይችሉ የደንበኛችን የዋስትና መብት ይከበርላቸው ሲሉ ተከራክረዋል።

ፍርድ ቤቱም ሲሰጥ የነበረው የጊዜ ቀጠሮ ምርመራው ያለቀ በመሆኑ የጊዜ ቀጠሮውን ጉዳይ ዘግቷል።

በመቀጠል የተጠርጣሪ ጠበቆች ባቀረቡት የዋስትና ጥያቄ ላይ ዐቃቤ ህግ አስተያየት እንዲሰጥበት አድርጓል።

ዐቃቤ ህግ በበኩሉ የተከሰሱበት ጉዳይ የሽብር ወንጀል ስለሆነ በተጨማሪም ከሚዲያ ጋር በተያያዙ ሌሎች ተጨማሪ ክሶች ሊቀርቡ ስለሚችሉ ዋስትና ሊፈቀድላቸው አይገባም ሲል ተከራክሯል።

ፍርድ ቤቱም የተጠርጣሪ የዋስትና ጥያቄ ላይ ብይን ለመስጠት ለነገ ለሰኔ 3/2014 ዓ/ም ቀጠሮ መስጠቱን ከአብክመ ጠቅላይ ፍርድ ቤት ያገኘነው መረጃ ያመለክታል።

ኢትዮ ኤፍ ኤም 107.8 የኢትዮጵያዊያን

ሰኔ 02 ቀን 2014 ዓ.ም

Source: Link to the Post

Leave a Reply