You are currently viewing የተባበሩት መንግስታት ድርጅት ምዕራብ ወለጋ የተፈጸመውን አሰቃቂ የጅምላ ግድያ ላይ ባለሥልጣናት ፈጣን፣ ገለልተኛ እና ጥልቅ ምርመራ እንዲያካሂዱ ጠየቀ። አማራ ሚዲያ ማዕከል/አሚማ    ሰኔ…

የተባበሩት መንግስታት ድርጅት ምዕራብ ወለጋ የተፈጸመውን አሰቃቂ የጅምላ ግድያ ላይ ባለሥልጣናት ፈጣን፣ ገለልተኛ እና ጥልቅ ምርመራ እንዲያካሂዱ ጠየቀ። አማራ ሚዲያ ማዕከል/አሚማ ሰኔ…

የተባበሩት መንግስታት ድርጅት ምዕራብ ወለጋ የተፈጸመውን አሰቃቂ የጅምላ ግድያ ላይ ባለሥልጣናት ፈጣን፣ ገለልተኛ እና ጥልቅ ምርመራ እንዲያካሂዱ ጠየቀ። አማራ ሚዲያ ማዕከል/አሚማ ሰኔ 16 ቀን 2014 ዓ.ም አዲስ አበባ ሸዋ የሰብዓዊ መብቶች ጉዳይ ኃላፊ ሚሼል ባችሌት ” በቶሌ መንደር የተፈጸመው የጭካኔ ግድያ እና የነዋሪዎች በጥቃቱ ምክንያት ተገድዶ መፈናቀል ዘግንኖኛል ” ብለዋል። ቅዳሜ ዕለት ምዕራብ ኦሮሚያ ውስጥ የተፈጸመው ጥቃት እማኝን ባልደረባቸው እንዳነጋገሩ እና ወደ መንደሩ የገቡት ታጣቂዎች በነሲብ ተኩስ ከፍተው ብዙዎችን እንደገደሉ መረዳታቸውን ገልጸዋል። ከሟቾቹ አብዛኞቹ #ሴቶች እና #ሕጻናት መሆናቸውን እንዲሁም ቢያንስ 2 ሺ ሰዎች ከአካባቢው ለመሸሽ መገደዳቸውን አመልክተዋል። 4 ሰዓት በፈጀው ጥቃት ታጣቂዎቹ በርካታ ቤቶችን ማቃጠላቸውንም ገልፀዋል። በጥቃቱ በመቶዎች የሚቆጠሩ የአማራ ተወላጆች መገደላቸውን አስከሬን አሁንም በመንገዶች ላይ ወድቀው ሊገኙ እንደሚችሉ ገልጸዋል። ባችሌትም ባለሥልጣናት ” ጥቃቱ በአፋጣኝ መጣራቱን፤ ሰለባዎች እና ቤተሰቦቻቸው እውነት፣ ፍትህ እና ካሣ የማግኘት መብታቸውን እንዲሁም አጥፊዎችን በተጠያቂነት መያዛቸውን እንዲያረጋግጡ ” ጥሪ አቅርበዋል። በተጨማሪም ቁጥራቸው በውል ያልታወቀ ሰዎች በጥቃቱ ወቅት መታገታቸውን እና ያሉበት እንደማይታወቅም አጽንኦት በመስጠት ባለሥልጣናት የታገቱት ነጻነታቸውን እንዲያገኙ አስፈላጊ እና ሕጋዊ ርምጃዎችን እንዲወስዱም ማሳሰባቸውን ዶቼ ቨለ ሬድዮ ዘግቧል።

Source: Link to the Post

Leave a Reply