የቱኒዚያን ፕሬዚደንት የሰደቡ የፓርላማ አባል የእስር ቅጣት ተላለፈባቸው

https://gdb.voanews.com/c2eb0000-0aff-0242-18a7-08d9e92f52b7_w800_h450.jpg

የተበተነው የቱኒዚያ ፓርላማ አባል የሆኑት ያሲን አያሪ በሌሉበት የሀገሪቱ የጦር ፍርድ ቤት የዐሥር ወራት እስር ቅጣት እንደ ወሰነባቸው ለሮይተርስ ተናገሩ ።  

ፕሬዚደንቱ የሀገሪቱን ፓርላማ ሥልጣን አልባ የሚያደርግ ውሳኔ መወሰናቸውን የተቃወሙት ያሲን አያሪ “የጦር መፈንቅለ መንግሥት”  በማለታቸው  ፕሬዚደንቱን  እና የጦር ሰራዊቱን ሰድበዋል የሚል ክስ ቀርቦባቸው እስር ተፈርዶባቸዋል። ፕሬዚደንት ካይስ ሳይድ ፣ በአውሮፓዊያኑ ሐምሌ 25 ፓርላማውን ከበተኑ በኋላ ፣ የመንግሥት መዋቅር ሥልጣንን  ውድቅ በማድረግ የአብዛኞቹን መስሪያቤቶች ኃላፊነቶች  መቆጣጠራቸው ሰፊ የሀገር ውስጥ እና የውጭ ሀገራት ውግዘት አምጥቶባቸዋል። 

የሀገሪቱን ጠቅላይ ፍርድ ምክር ቤት በተመሳሳይ ያገዱት ፕሬዚደንት የአሁኑ የእስር ውሳኔ ፣ ተቀናቃኞቻቸውን ሊበቀሉ ይችላሉ የሚለውን የተቃዋሚዎቻቸው የቀደመ ስጋት አጠናክሯል።   

በአሁኑ ጊዜ በፓሪስ የሚገኙት ያሲን አያሪ የተፈረደባቸውን እስራት በተመለከተ  ለሮይተርስ በስልክ ሲናገሩ ፣ “ ትናንት በብራሰልስ ሳኢድ ፣ አምባገነን እንዳልሆኑ ተናገሩ።

ዛሬ ግን የጦር ፍርድ ቤቱ በአንድ ሕግ አውጪ ላይ፣ የመናገር መብትን በተጻረረ መልኩ የእስር ቅጣት ፈረደበት’’  ሲሉ ፕዝደንቱን ወቅሰዋል።  ፕሬዝደንቱ በአውሮፓዊያን የቀን አቆጣጠር 2011 ዓ.ም  በሀገሪቱ የፈነዳው  አብዮት ውጤት የሆኑ መብቶች እና ነጻነቶችን እንደሚያስከብሩ፣ ዴሞክራሲን ወደ ቱኒዚያ እንደሚያመጡ ፣ ከወራት በኃላ ሕዝበ  ውሳኔ እንደሚከናወንና አዲስ ሕገ መንግሥትም እንደሚረቀቅ ተናግረዋል። በዓመቱ መጨረሻ አዲስ ፓርላማ ምርጫ እንሚደረግም አክለዋል ። 

 

Source: Link to the Post

Leave a Reply