የታሸገ ውሃ ከኢትየጵያ ገበያ ሊጠፋ ይችላል ተባለ

የፕላስቲክ ማምረቻ የግብዓት እጥረቱ ካልተቀረፈ የታሸገ ውሃ   ከኢትየጵያ ገበያ ሊጠፋ ይችላል ተባለ

የውጭ ምንዛሬ እጥረት ምክንያት  በኢትዮጵያ ያሉ  የፕላስቲክና ጎማ ፋብሪካዎችን    የማምረት አቅማቸውን ከ40 %   በታች  የሆነ ሲሆን  በዚህም ምክንያት  ፕላሲትክን ለማምረት  የግበአት አጥረት ተከስቷል።

የኢትዮጵያ  ፕላስቲክ  እና ጎማ አምራቾች   ማህበር  በ 100 ፋብሪካዎች ላይ በተደረገ   የዳሰሳ  ጥናት  ደርሼበታለው ባለው መሰረት  በውጭ ምንዛሬ ባመጣው   የግብአት ግዢ  ችግር በዘርፉ ላይ ካሉ  ፋብሪካዎች 85% ቱ  ከ40% ባነሰ አቅም እያመረቱ እንደሚገኙ ገልፇል።

በዘርፉ ከ 4,500 በላይ  የሚገኙ ሲሆን በውጭ ምንዛሬ እጥረት  ከ20 ፋብሪካዎች በላይ እንደተዘጉ የማህበሩ ፕሬዝዳንት  አቶ ምንተስኖት  ለማ ዛሬ በሰጡት መግለጫ ተናግረዋል ።
ሰሞኑን በሀገሪቱ የተፈጠረው የታሸገ  ውሃ   እጥረት ፕላስቲክን ለማምረት  የሚያስፈልጉት  እቃዎች  ለማሰገባት ዶላር ማግኘት ስላልተቻለ  ነው ብለዋል።

“ከፕላስቲክና  እጥረት ጋር ተያይዞ የታሸጉ  ውሃዎች ከገበያ ሊጠፉ ይችላሉ።  ወደ ውጭ ሀገር አሽገን የምንልካቸው የግብርና ምርቶች ላይላኩ ይችላሉ ።የመኪና ጎማዎች  ማምረቻዎችም በግብአት እጥረት በቂ ምርት ባለማምረታቸው ጎማዎች  እየተወደዱ  ይገኛሉ ። ይሄን ለመቅረፍ  ከመንግስት ጋር እያወራን ነው ።በጎ ምላሽ አግኝተናል ። ”  ሲሉ ተናግረዋል።

The post የታሸገ ውሃ ከኢትየጵያ ገበያ ሊጠፋ ይችላል ተባለ appeared first on Fidel Post.

Source: Link to the Post

Leave a Reply