You are currently viewing የትህነግ  የቅጥፈት ጥግ… ጳጉሜ 03/2014 ዓ.ም (አሻራ ሚዲያ) የአማራ ህዝብን የማጥፋት አላማ ይዞ በደደቢት በረሃ የተወለደው አሸባሪው ህወሃት አላማውን ለማሳካት ማኒፌስቶ ጭምር አዘ…

የትህነግ የቅጥፈት ጥግ… ጳጉሜ 03/2014 ዓ.ም (አሻራ ሚዲያ) የአማራ ህዝብን የማጥፋት አላማ ይዞ በደደቢት በረሃ የተወለደው አሸባሪው ህወሃት አላማውን ለማሳካት ማኒፌስቶ ጭምር አዘ…

የትህነግ የቅጥፈት ጥግ… ጳጉሜ 03/2014 ዓ.ም (አሻራ ሚዲያ) የአማራ ህዝብን የማጥፋት አላማ ይዞ በደደቢት በረሃ የተወለደው አሸባሪው ህወሃት አላማውን ለማሳካት ማኒፌስቶ ጭምር አዘጋጅቶ በተለያዩ ጊዜያቶች በክልሉ በስውርም ሆነ በጠራራ ፀሐይ ጀኖ ሳይድ ፈፅሟል። አሸባሪው ህወሃት ሀገር ባስተዳደረበት የስልጣን ዘመኑ ታላቋን ትግራይ የመመስረት ስውር ሴራ ይዞ በወልቃይት እና በራያ የፈፀመው የዘር ማጥፋት ፍጅት ከማንም የተሠወረ አይደለም። የሽብር ቡድኑ ሀገራዊ ለውጡን ተቃውሞ መቀሌ ከመሸገም በኋላ ከታሪካዊ የውጭ ጠላቶቻችን ጋር ተናቦና ተቀናጅቶ ሀገር የማርፈስ እና የአማራን ህዝብ ለማጥፋት በሰፊው ሠርቷል። ለዚህ ዕኩይ አላማው ስኬት ደግሞ የትግል አጋሮቼ ናቸው በሚላቸው በአሸባሪው ሸኔ እና ተላላኪዎቹ ታግዟል። የሽብር ቡድኑ በአማራ ህዝብ ላይ ያለውን ጥላቻ እና የፈፀመውን የዘር ማጥፋት ወንጀሎች ለመጥቀስ ሩቅ ማስታወስ አያስፈልግም። በቅርቡ በማይካድራ፣ በቆቦ በጭና እና በሌሎችም አካባቢዎች አሸባሪው የህወሓት ቡድን እና ተላላኪው ሸኔ በዜጎች ላይ የፈፀሙት ጥቃት የማኒፌስቶው አንድ አካል ነው። አሸባሪው ህወሓት ኢትዮጵያን ለማፈራረስ ነሐሴ 8 ቀን 2014 ዓ.ም ባወጣው የማጠቃለያ ምዕራፍ አካሔድና ስትራቴጂ ሠነድ መሠረት ሀገር የማፍረስ ጦርነቱን ጀምሯል። በሠነዱ ላይም ስለአማራ ህዝብ ያስቀመጠውን እንመልከት፦ “… በአማራ ክልል በተወሰነ መልኩም ቢሆን ፊቱን ወደ ልማት ያዞረ ገበሬ እየታየ ነው። ይህ ወደ ልማት ፊቱን ያዞረ ሃይል ትላንት እና ከትላንት ወዲያ የትግራይን መሬት በሃይል የወረረ፣ ሰብል ያቃጠለ፣ ንብረት ያለምንም ይሉኝታ የዘረፈ፣ ሴቶችን የደፈረ ሃይል ነው። ስለሆነም በሕዝባችን ላይ ባደረሰው ግፍ የማያዳግም እርምጃ ሊወሰድበት ሲገባ የተፈጠረውን ጊዜያዊ ክፍተት በመጠቀም ፊቱን ወደ እርሻው መልሷል፤ ይህ ሃይል የእርሻ ውጤቱን ወደ ቤቱ እንዲያስገባ ልንፈቅድለት አይገባም። ምክንያቱም የእርሻውን ውጤት ወደ ቤቱ ካስገባና በልቶ ከጠገበ ዳግም ወደ ትግራይ መዞሩና የቀደመውን ወንጀል መድገሙ አይቀርም። ስለሆነም ለጦርነት ባልተዘጋጁበትና በዐቢይ የሰላም ጥሪ በተዘናጋበት ጊዜ አስፈላጊ የሚባል ርምጃ መውሰድ ያስፈልጋል።…” ይላል። አሸባሪው ህወሓት ሠነዱን መሠረት አድርጎ የከፈተብንን ጦርነት ለመቀልበስ ጀገናው የመከላከያ ሰራዊታችን ያሣረፈበትን ምት መቋቋም ሲሳነው ያልተፃፈ ማንበብ ጀምሯል። በማህበራዊ ሚዲያዎች የአሸባሪው ህወሓት ደጋፊዎች እና አክቲቪስቶች አማራ ጠላቴ ነው ከሚለው መፈክራቸው አማራ ወዳጄ ነው ወደሚለው ተሸጋግረዋል። ለምን ይሆን? በእኛ እምነት የኢትዮጵያ ህዝብ ጠላት የሆነው አሸባሪ ቡድን ጣረ ሞት ላይ ሆኖ ሠላም ነው የምሻው ፤ የአማራ ህዝብ ጠላቴ ሳይሆን ወዳጄ ነው ብሎ የሚቀባጥረው ከገባበት ቅርቃር ለማምለጥ እንጂ ለህዝብ እና ለሀገር አስቦ እንዳልሆነ እናውቃለን። ድል ለጀግናው መከላከያ ሰራዊታችን!! © የኢትዮጵያ መከላከያ ሰራዊት ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- Youtube:- https://www.youtube.com/channel/UCPmgFzP2ZPmdGjHxXjigJaw Facebook:- https://www.facebook.com/asharamedia24 ቴሌግራም:- https://t.me/asharamedia24

Source: Link to the Post

Leave a Reply