You are currently viewing የአማራውን የዘር ፍጅት በማውገዝ ለንደን ላይ እየተካሄደ ባለው 11ኛ ቀኑን በያዘው የርሃብ አድማ የስቶፕ አማራ ጄኖሳይድ ዳይሬክተር ዮዲት ጌዲዮን በሃኪሞች ምክረ ሀሳብና ትዕዛዝ የርሃብ አድ…

የአማራውን የዘር ፍጅት በማውገዝ ለንደን ላይ እየተካሄደ ባለው 11ኛ ቀኑን በያዘው የርሃብ አድማ የስቶፕ አማራ ጄኖሳይድ ዳይሬክተር ዮዲት ጌዲዮን በሃኪሞች ምክረ ሀሳብና ትዕዛዝ የርሃብ አድ…

የአማራውን የዘር ፍጅት በማውገዝ ለንደን ላይ እየተካሄደ ባለው 11ኛ ቀኑን በያዘው የርሃብ አድማ የስቶፕ አማራ ጄኖሳይድ ዳይሬክተር ዮዲት ጌዲዮን በሃኪሞች ምክረ ሀሳብና ትዕዛዝ የርሃብ አድማውን እንድታቆም ተደረገ። አማራ ሚዲያ ማዕከል/አሚማ ሀምሌ 23 ቀን 2014 ዓ.ም አዲስ አበባ ሸዋ በኢትዮጵያ መንግስታዊ ሴራ እና መዋቅር ጭምር በመደገፍ አሸባሪዎች በአማራ ላይ እየፈጸሙት ያለውን እጅግ አሰቃቂ የዘር ፍጅትን የሚያወግዘው እና እንዲቆም የሚጠይቀው የለንደኑ የርሃብ አድማ 11ኛ ቀኑን ይዟል። የርሃብ አድማውን እያደረጉ ያሉት ብርቱ ሴቶች የስቶፕ አማራ ጄኖሳይድ ዳይሬክተር ዮዲት ጌዲዮን እና ያየሽይራድ ገሠሠ ሲሆኑ ከመካከላቸው ዮዲት ጌዲዮን ከሃምሌ 23/2014 ጀምሮ የርሃብ አድማውን እንድታቆም ተደርጓል። ዮዲት የርሃብ አድማውን ለማቆም የተገደደችውም በሃኪሞች ከታየች በኋላ የደም ሰኳሯ (blood sugar) በአደገኛ ሁኔታ ቀንሷል በመባሉና ሃኪሞች እንድታቆም የሰጧትን ምክረ ሃሳብ እና ትዕዛዝን መሰረት በማድረግ ነው። በዘርፉ ባለሙያዎች የህክምና ድጋፍ የተደረገላት መሆኑ ታውቋል፤ አሁን ላይ የርሃብ አድማውን ለማቆም ትገደድ እንጅ በአደባባይ ከርሃብ አድማው ጎን ለጎን ተቃውሞ ከሚያደርጉት ጀግኖች ጋር ትግሏን እንደምትቀጥልበት አስታውቃለች። የርሃብ አድማውን በጀመረች በ4ኛ ቀኗ በጤና ባለሙያዎች የድንገተኛ ህክምና ድጋፍ የተደረገላት ያየሽይራድ ገሠሠ አድማውን በመልካም የጤንነት ሁኔታ እንደቀጠለችበት መሆኗ ተገልጧል። በተያያዘ ዮዲት ጌዲዮን እንዳለችው በስዊዘርላንድ እና በተለያዩ ሀገራት የሚኖሩ ወገኖቻችን ለተባበሩት መንግስታት የምርመራ ቡድን ስለአማራው እልቂት መረጃ የማቅረብ ስራ እየሰሩ እየሰሩ ይገኛሉ። በጭና፣ ቆቦና በወለጋ፣ ቤኒሻንጉልና ሸዋ የተፈጸሙ ግፎችን በተመለከተ ከጥቃቱ የተረፉ ወገኖች የሰጡትን ምስክርነት አካተው በጋዜጠኞች የተሰሩ ቪዲዮዎችን በማህበራዊ ትስስር ገጿ እንድናጋራት ጠይቃለች። ብዙዎችን እያነጋገረ ያለው፣ የርሃብ አድማ በማድረግ ድምፅ እየሆኑ ያሉ ታጋዮችን ያስመሰገነው እና የአማራው ትግል የበለጠ መጠንከር እንዳለበት፣ የወሰኑ ታጋዮች እንደሚያስፈልጉት ያሳዬው የለንደኑ የርሃብ አድማ አሁንም እንደቀጠለ ነው።

Source: Link to the Post

Leave a Reply