You are currently viewing “የአማራ ህዝብ ተደራዳሪ ልዑካን መሪዎችን ስለማስተዋወቅ” ከአማራ ማህበር በአሜሪካ (AAA) የተሰጠ መግለጫ ጥቅምት 14 ቀን 2015 ዓ.ም… አሻራ ሚዲያ ፣ ባህርዳር የተከበርከው የአማራ…

“የአማራ ህዝብ ተደራዳሪ ልዑካን መሪዎችን ስለማስተዋወቅ” ከአማራ ማህበር በአሜሪካ (AAA) የተሰጠ መግለጫ ጥቅምት 14 ቀን 2015 ዓ.ም… አሻራ ሚዲያ ፣ ባህርዳር የተከበርከው የአማራ…

“የአማራ ህዝብ ተደራዳሪ ልዑካን መሪዎችን ስለማስተዋወቅ” ከአማራ ማህበር በአሜሪካ (AAA) የተሰጠ መግለጫ ጥቅምት 14 ቀን 2015 ዓ.ም… አሻራ ሚዲያ ፣ ባህርዳር የተከበርከው የአማራ ህዝብ ሆይ የአማራ ሕዝብ ላለፋት ሦስት አሥርት አመታት በአገረ ምድሩ በማንነት ተለይቶ መንግሥታዊ ውክልና ተነፍጎ ከአገራዊ ማሕበራዊ ኢኮኖሚያዊ አና ፖለቲካ ተሳትፎ እንዲገላል በማድረግ ተክታታይ የዘር ፍጅትና የማያባራ የማፋናቀል ጥቃት አየተፈፀመበት ቆይቷል፡፡ አማራ በማንነት ተደራጅቶ የተፈፀመበትን መዋቅራዊ አና ተቋማዊ ጥቃቶች መመከት ባለመቻሉ ብዙ መከራ ሲቀበል አመታትን አሳልፏል ፡፡ በረጅም ጊዜ የሕዝባችን ብሶት የተነሳውን ሁለገብ የአማራ ሕዝብ ንቅናቄ ለመቋቋም የተነሳው የትግራይ ሕዝብ ነፃነት (ትሕነግ) ከማዕከላዊ ስልጣን መወገዱን አምኖ ሊቀበል ባለመፍቀዱ በፈጠረው ቅራኔ አንጺሁም ሀገራችን ኢትዮጵያን ለማፍረስ አና የአማራን ሕዝብ ለማንበርከክ ጦርነት ቀስቅስ ሰፊዉን ምድርህን ያካለለ ተደጋጋሚ ወረራ በመፈጸም ክፍተኛ የንጹሃን አልቂት፣ መፈናቀል የአካልና የመንፈስ ጉዳት እንዲሁም የመሰረት ልማትና የንብረት ውድመት አደርሶብሃል፡፡ በዚህም የተነሳ የዚህ ጦርነት ዋና ተፋላሚ እንደትሆን አስገደዶሀል ራስህን ከወራሪው ትሕነግ ለመከላከል ተገድህ በገባህበት ጦርነት ከፍ ያለ መስዋዕትነት የከፈልክ ቢሆንም በአቤቱታ ፍትሕ ልታገኝባችው ያልቻልካችውን በወያኔ የሥልጣን ዘመን ወደ ትግራይ የተከለሉ የአማራ ርስቶችህን ለመቆጣጠርና የወያኔን ግስጋሴ ለመግታት ችለሃል ፡፡ ይህን ጦርነት ለማስቆም በአፍሪካ ሕብረት መሪነት እና በአለም አቀፉ ማሕበረሰብ አመቻችነት የሠላም ድርድር ጥረቶች እየተደረጉ አንደሆነ ይታወቃል። ሆኖም የዚህ ድርድር እቅድና አካሄድ የማታወቀውን ያህል የብልፅግና መራሹን መንግሥት እና ትሕነግ/ወያኔን/ እንጂ አማራውን በባለጉዳይነት ያካተተ አይደለም፡፡ ይህ ድርድር በ1983 ዓ/ም አንተ ባልተሳተፍክበት ወያኔና ኦነግ እንዳደረጉት ሥልጣን የሚቃረጡበትና እጣ ፋንታህን የሚወስኑበት መድረክ ሊሆን አይገባም ፡፡ ባለፉት ዓመታት ለተራዘመ መከራ የዳረገህ በአማራው የአስተዳደር መዋቅር በወያኔ ምስለኔነት የተተከለው ኢህዴን/ብአዴን/አዴፓ/የአማራ ብልጽግና የሚባለው ስብስብ እንደሆነ ይታወቃል። ሆኖም የአማራው ንቅናቄ እነዚሀን በስምህ እየማሉ የአያት ቅደመ አያት ርስቶችህን አሳልፈው ለትሕነግ የሰጡ ቡድኖች አስወግዶ የአማራው አስተዳደር በእውነተኛ የአማራ መሪዎች አንዲያዝ የማያስችል ድርጅትና አመራር አልፈጠረም በዚህ ምክንያት ብአዴን የንቅናቄውን መንፈስ ሰልቦ በስልጣን ለማየት የቻለ ከመሆኑም በላይ፡ ታማኝ አገልጋይነቱን ከትሕነግ ወደ ኦሕዴደ በመቀየር”ብልጽግና” ነኝ ብሎ በአማራው ላይ የሚደርሰውን መንግሥታዊ ጥቃት እንዲቀጥል አስችሎታል። ለዚህም በ”አሮሞ ክልል” የተፋፋመው መንግሥት መር የአማራ ጭፍጨፋ በአማራ ክልል በህግ ማስከበር ስም የሚካሄደው የነቁ አማራዎችን የማሳደድ ዘመቻ እንዲሁም አማራው ወደ አገሪቱ ዋና ከተማ ወደ አዲስ አበባ እንዳይገባ የሚጣሉበት እገዳዎች ህያው ምስክሮች ናችው ፡፡ ብአዴን (የአማራ ብልጽግና) ሆነ ኦህዴድ (የኦሮሞ ብልጽግና) የሚመራው መንግሥት በሥልጣን ዘመናቸው በአማራው ላይ ስለፈፀሙት ወንጆል መጠየቅ ያለባችው እንጂ የአማራውን ፍላጎት ሊያራምዱ የሚታሰቡ ወይም የአማራን ጥቅሞች እና ፍላጎቶች ወክለው መደራደር የሚችሉ አይደሉም። የአማራውን ንቅናቄ አደራጅተው ይመራሉ ተብለው ተስፋ ተጥሎባችው የነበሩ ድርጅቶችም ብዙ ሳይራመዱ ጥቂት መሪዎቻቸው በብልጽግና የስልጣን ዳረጎት ተሸንግለው ከዓላማቸው በማፈንገጣቸው የአማራውን እምነት ከማጣታቸውም በላይ በድርድሩ ጉዳይም አማራው ዋና ባለጉዳይ ሆኖ መቅረብ እንደሌለበት በይፋ አቋማቸውን ገልጸዋል፡፡ በአፍሪካ ሕብረት መሪነት ሊካሔድ በታሰበው የሠላም ድርድር ዙሪያ ስለአማራው መወከል አስፈላጊነት ሊመካከሩ የነበሩ በኢትዮጵያ፣ በአሜሪካ፤በካናዳ፤በአውሮፖ፤በአውስትራሊያ እና በኒውዝላንድ የሚገኙ የአማራ ድርጅቶች (Grassroots Amhara organazations) ድርድሩን ለሚያስተባብሩት ዓለም አቀፍ አካላት በዚህ ጦርነት የአማራውን ዋና ባለጉዳይነት ለማመልከት በእውነተኛ ወኪሎቹ በድርድሩ እንጺሳተፉ ካልተደረገ ድርድሩ ዘላቂ ሠላም ሊያስገኝ እንደማይችል የሚያስገነዝብ የማሳሰቢያ ደብዳቤ በነሐሴ ወር 2014 ዓ/ም(August 2022) ልከዋል ከዚህም በላይ የአማራ ማህበር በአሜሪካ (AAA) ባስተባበረው የአማራ ድርጅቶች መሪዎችና የአማራውን ፍላጎት በጥልቀት የሚረዱና በብቃት ለአማራው ፍላጎት ሊሟገቱ የሚችሉ ንቁ አማራዎች በተሳተፉበት ስብስብ የአማራ ተደራዳሪ ልዑካን ተመርጠዋል ከዚህ በታች ስማቸው የተዘረዘሩ አራት እንቁ ልጆችህም የልዑካኑ ቡድን መሪዎች እንዲሆኑ ተሰይመዋል ፡፡ እነርሱም ፡- 1. ጀነራል ተፈራ ማሞ 2. ዶ/ር ደሳለኝ ጫኔ 3. ዶ/ር ወንድወሰን አሰፋ 4. አቶ ቴዎድሮስ ትርፌ በቀጣይም ከልዑካኑ ቡድን መሪዎች የሚቀርቡ ጥያቄዎችን በንቃት በመከታተል ለጦርነቱ በግንባር እንደተሰለፍከው ሁሉ የድርድሩም ዋና ባለጉዳይ መሆንህን ለማሳወቅ ወኪሎችህን እንድትደግፍ ጥሪ እናቀርባለን ፡፡ ጥቅምት 13/2015 ዓ/ም ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- Youtube:- https://www.youtube.com/channel/UCPmgFzP2ZPmdGjHxXjigJaw Facebook:- https://www.facebook.com/asharamedia24 ቴሌግራም:- https://t.me/asharamedia24

Source: Link to the Post

Leave a Reply