You are currently viewing የአማራ  ህዝብ ተደራዳሪ ወኪሎች የእኛ ወኪሎች ናቸው‼️ ~~~~ የአማራ ወጣቶች በባህርዳር  ~~~~ በአፍሪካ ህብረት አደራዳሪነት እየተካሄደ ያለው የሰላም ውይይት እየደገፍን ፤በትህነግ እና…

የአማራ ህዝብ ተደራዳሪ ወኪሎች የእኛ ወኪሎች ናቸው‼️ ~~~~ የአማራ ወጣቶች በባህርዳር ~~~~ በአፍሪካ ህብረት አደራዳሪነት እየተካሄደ ያለው የሰላም ውይይት እየደገፍን ፤በትህነግ እና…

የአማራ ህዝብ ተደራዳሪ ወኪሎች የእኛ ወኪሎች ናቸው‼️ ~~~~ የአማራ ወጣቶች በባህርዳር ~~~~ በአፍሪካ ህብረት አደራዳሪነት እየተካሄደ ያለው የሰላም ውይይት እየደገፍን ፤በትህነግ እና በኦህዴድ (ብልፅግና) መካከል የሚደረገው የሰላም ውይይት (ድርድር) የአማራ ህዝብ በትክክል ተወክሏል ብለን አናምንም ።በመሆኑም የአማራ ወጣቶች ማህበር በባህር ዳር የሚከተሉትን መልዕክቶች ማስገንዘብ እንፈልጋለን ። 1).የጦርነቱ ሰለባ የአማራ ህዝብ ነው ።ላለፉት ሁለት አመታት በሶስት ዙር በተካሄደው አስከፊ ጦርነት በርካታ ወገኖቻችንን ህይወታቸውን አጠዋል ፤ከፍተኛ የአካል ጉዳት ደርሷል ።ውስብስብ የሆነ የስነ ልቦና ችግር የገጠማቸው ወገኖቻችንን በርካቶች ናቸው ።ከፍተኛ የሆነ ሀብት ንብረት ወድሟል ።በርካታ የመሰረተ ልማት ተቋማት ወድመዋል ። 2). በራሳችን ጉዳይ ሌሎች አይወክሉንም ።ላለፉት 27 ዓመታት ወያኔ መር የመንግስት አስተዳደር ይሁን ፤የቅርቡ የኦህዴድ (ብልፅግና) መር አሰተዳደር የአማራን ህዝብ ጥቅም ፣ፍላጎት እና ጥያቄ ያስከበረ(ያከበረ) ፤ለማስከበር ፍላጎት ያለው የመንግስት አስተዳደር ፈፅሞ አልታየም ። በመሆኑም በአማራ ህዝብ ጉዳይ ፤በራሳችን ጉዳይ ሌሎች እንዲወክሉን ፈፅሞ አንሻም ፤ያለፈው ታሪክ እንዲደገም አንፈልግም[ከዚህ ቀደም በትክክል የአማራ ህዝብ ያልተወከለበት የህገ መንግስት ማፅደቅ ፤ የድንበር ማካለል ምክንያት አስካሁን የደረሰብን ዘግናኝ መከራ ማስታወስ ተገቢ ነው] ።ይህ ባልሆነበት ሁኔታ የሚደረግ ውይይት (ድርድር) ምንም አይነት መፍትሄ አያመጣም ።ለመጪው ትውልድ አደገኛ መርዝ ተክሎ መሄድ ነው ። 3).የአማራ ህዝብ ተደራዳሪ ወኪሎች የእኛ ወኪሎች ናቸው ።እነዚህም ፦ ሀ.ዶ/ር ደሳለኝ ጫኔ ለ.ዶ/ር ወንድወሰን አሰፋ ሐ.አቶ ቴዎድሮስ ትርፌ መ.ብ/ጀ ተፈራ ማሞ ከላይ የተጠቀሱት የአማራ ህዝብ ተደራዳሪ አባላት በሁሉም የአማራ ወጣቶች ብሎም በአማራ ህዝብ ዘንድ ከፍተኛ ተቀባይነት ፤ተደማጭነት ያላቸው ፣የህዝባችን ችግር የተገነዘቡ ፣የህዝባችንን ጥቅምና ፍላጎት አሳልፈው የማይሰጡ እንደሆኑ ስለምናምን የአማራ ወጣቶች ማህበር በባህር ዳር ሙሉ በሙሉ ያለንን አጋርነት(ይሁንታ) እንገልፃለን ። አማራ በቆራጥ ልጆቹ ተጋድሎ ታሪኩን ያድሳል‼️ ጥቅምት 23 ቀን 2015 ዓ.ም አሻራ ሚዲያ ፣ ባህርዳር ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- Youtube:- https://www.youtube.com/channel/UCPmgFzP2ZPmdGjHxXjigJaw Facebook:- https://www.facebook.com/asharamedia24 ቴሌግራም:- https://t.me/asharamedia24

Source: Link to the Post

Leave a Reply