You are currently viewing የአማራ ብሔራዊ ንቅናቄ (አብን) ማዕከላዊ ኮሚቴ በአዲስ አበባ ከተማ ለሁለት ቀናት ባካሄደው ጉባኤ የተለያዩ አጀንዳዎች ላይ ሰፊና ጥልቅ ውይይት በማድረግና ውሳኔዎችን አሳለፈ። አማራ ሚዲያ…

የአማራ ብሔራዊ ንቅናቄ (አብን) ማዕከላዊ ኮሚቴ በአዲስ አበባ ከተማ ለሁለት ቀናት ባካሄደው ጉባኤ የተለያዩ አጀንዳዎች ላይ ሰፊና ጥልቅ ውይይት በማድረግና ውሳኔዎችን አሳለፈ። አማራ ሚዲያ…

የአማራ ብሔራዊ ንቅናቄ (አብን) ማዕከላዊ ኮሚቴ በአዲስ አበባ ከተማ ለሁለት ቀናት ባካሄደው ጉባኤ የተለያዩ አጀንዳዎች ላይ ሰፊና ጥልቅ ውይይት በማድረግና ውሳኔዎችን አሳለፈ። አማራ ሚዲያ ማዕከል/አሚማ ታህሳስ 25 ቀን 2014 ዓ.ም አዲስ አበባ ሸዋ የአማራ ብሔራዊ ንቅናቄ (አብን) ማዕከላዊ ኮሚቴ በአዲስ አበባ ከተማ ታህሳስ 23 እና 24 ቀን 2014 ዓ.ም የተለያዩ አጀንዳዎች ላይ ሰፊና ጥልቅ ውይይት በማድረግና ውሳኔዎችን አሳልፏል። ማዕከላዊ ኮሚቴው:_ ፩. በአሸባሪው ትሕነግ የሚመራው የትግራይ ወራሪ ሠራዊት በሃገራችን ኢትዮጵያ በተለይም በአማራ እና በአፋር ክልሎች ላይ ያደረሰውን ሰብዓዊ እና ቁሳዊ ውድመት እንዲሁም ከወራሪው ኃይል በቀጣይ ሊሰነዘሩ የሚችሉ ጥቃቶችን እና አደጋዎችን አስመልክቶ ሰፊ እና ጥልቅ ውይይት ማድረጉን አስታውቋል። መላው የሃገራችን ሕዝብ ፣ ጀግናው የሃገር መከላከያ ሠራዊታችን ፣ የአማራ እና የአፋር ልዩ ኃይሎቻችን ፣ ፋኖ እና ጥምር የጸጥታ ኃይሎች በሙሉና በመላው ዓለም የሚገኙ ኢትዮጵያውያን እና ትውልደ ኢትዮጵያውያን ወረራውን ለመመከት ያከናወኑትን አኩሪ ተጋድሎ እና የተመዘገበውን አንጸባራቂ ድል ንቅናቄው በጥንካሬ ገምግሟል። በኅልውና ተጋድሎው በነበረው ተሳትፎ ያሳየውን ጥንካሬ እና ድክመት ገምግሞ አቅጣጫዎችን አስቀምጧል፣ አሸባሪው የትሕነግ ቡድን እንዲሁም ቡድኑ በሚመራው ወራሪ ኃይል የደቀነው የኅልውና አደጋ ጨርሶ እስኪከስም ድረስ ሊከናወኑ የሚገባቸውን ስራዎች በመለየትም አቅጣጫ አስቀምጧል ነው ያለው። አብን የሽብር ቡድኑ ከሚመራው ወራሪ ኃይል የሚመጣው አደጋ ጨርሶ እስኪከስም ድረስ መላው የሃገራችን ሕዝብና መንግስት በተገኘው ድል ሳይዘናጉ ተጋድሎዉን አጠናክረው እንዲቀጥሉ ለመላው የሃገራችን ሕዝብ በተለይም የጥቃቱ ቀጥተኛ ገፈት ቀማሽ ለሆነው የአማራ እና የአፋር ሕዝብ ጥሪውን አስተላልፏል። ከዚህ ጋር በተያያዘ የመልሶ ማቋቋም ስራዎችን ከሌሎች አካላት ጋር በትብብር የሚያሰራ ማዕቀፍ ተዘጋጅቶ ተግባራዊ እንዲሆን ውሳኔም አሳልፏል። ፪. አብን ከመንግሥት በኩል የቀረበውን የአብረን እንስራ ጥያቄና እስካሁን የተከናወኑ ስራዎችን በመገምገም ፓርቲው የህዝብ ስልጣን የሚገኘው ከሕዝብ ድምጽ እና ከምርጫ ሳጥን ነው ብሎ የሚያምን ቢሆንም ፣ ገዥው ፓርቲ እና መንግስት ከተፎካካሪ የፖለቲካ ፓርቲዎች ጋር አብሮ ለመስራት ያሳዩትን ተነሳሽነትና ጅማሮ በበጎ መገምገሙን ገልጧል። የማዕከላዊ ኮሚቴው ከገዥው ፓርቲ ጋር የሚኖረው ግንኙነትና ትብብር የንቅናቄውን ስትራቴጅካዊ ግቦች ታሳቢ ያደረገና የሃገራችንን ብሎም የአማራን ሕዝብ ጥቅም ባስጠበቀ መልኩ ሊከናወን እንደሚገባ ገምግሟል። ትብብሩ እና ግንኙነቱ ፓርቲው የቆመላቸውን ስትራቴጅካዊ ግቦች በሚያስከብር መንገድ እንዲቀጥል አሳሳስቦ በአፈፃፀም የታዩ ክፍተቶችን በማረም ዝርዝር የአፈፃፀም ውሳኔ አሳልፏል። ፫. ማዕከላዊ ኮሚቴው የፓርቲውን የስራ እና የፋይናንስ አፈፃፀም ሪፖርት የገመገመ ሲሆን ፣ ንቅናቄው ተጠናክሮ እንዲቀጥል የሚያስችሉ ቀጣይ ሥራዎች እንዲከናወኑ አቅጣጫ በማስቀመጥ ስብሰባውን በስኬት አጠናቋል ሲል አብን አስታውቋል።

Source: Link to the Post

Leave a Reply