You are currently viewing የአማራ ተማሪዎች ማህበር (አተማ) እና የአማራ ወጣቶች ማህበር (አወማ) በጋራ በመሆን የጠሩትን የተቃውሞ ሰልፍ ተከትሎ የታሰሩ አመራሮችና አባላት ተፈቱ። አማራ ሚዲያ ማዕከል/አሚማ   መጋቢ…

የአማራ ተማሪዎች ማህበር (አተማ) እና የአማራ ወጣቶች ማህበር (አወማ) በጋራ በመሆን የጠሩትን የተቃውሞ ሰልፍ ተከትሎ የታሰሩ አመራሮችና አባላት ተፈቱ። አማራ ሚዲያ ማዕከል/አሚማ መጋቢ…

የአማራ ተማሪዎች ማህበር (አተማ) እና የአማራ ወጣቶች ማህበር (አወማ) በጋራ በመሆን የጠሩትን የተቃውሞ ሰልፍ ተከትሎ የታሰሩ አመራሮችና አባላት ተፈቱ። አማራ ሚዲያ ማዕከል/አሚማ መጋቢት 19 ቀን 2014 ዓ.ም አዲስ አበባ ሸዋ የአማራ ተማሪዎች ማህበር(አተማ) ከአማራ ወጣቶች ማህበር(አወማ) ጋር በጋራ በመሆን የጠሩትን የተቃውሞ ሰልፍን ተከትሎ 4 የአተማ አመራሮችና አባላት መታሰራቸው ይታወሳል። የአማራ ተማሪዎች ማህበር (አተማ) በይፋዊ የማህበራዊ የትስስር ገጹ እንደገለጸው መጋቢት 18 2014 ዓ.ም ከነበረው የተቃውሞ ሰልፍ ጋር ተያይዞ ታስረው የነበሩት የአማራ ተማሪዎች ማህበር (አተማ) ሊቀ መንበር እሸቱ ጌትነትንና የሒሳብ ሹሙ ሠምረ አብ አየለን ጨምሮ ሌሎች አራቱ የማህበሩ አባላት ከሰዓት በኋላ ከእስር ተፈተዋል። የአማራ ተማሪዎች ማህበር (አተማ) እና የአማራ ወጣቶች ማህበር (አወማ) ከዘንድሮው የ12ኛ ክፍል ተማሪዎች ውጤት እና አተራረም ጋር በተያያዘ ተቋሙ ላይ የተስተዋሉ ችግሮች በተማሪዎች በተለይም በአማራ ተማሪዎች ላይ እያደረሰ ያለውን ሁለንተናዊ በደል በመቃወም የጠሩት የተቃውሞ ሰልፍ በበርካታ ወከባ ውስጥ እንዲያልፍ መገደዱ ይታወቃል፡፡ ወከባው መጋቢት 17 ቀን 2014 ዓ.ም የማህበሩ ሊቀ መንበር እሸቱ ጌትነት ለሥራ ጉዳይ አዲስ አበባ ሂዶ ሲመለስ ከባሕር ዳር አውሮፕላን ጣቢያ ጀምሮ የደኅንነት አካላት ክትትል ሲያደርጉ ከቆዩ በኋላ ከቀኑ 9፡00 ሰዓት ላይ አፍነው ወስደውት እንደነበር አተማ አውስቷል፡፡ መጋቢት 18/2014 በጎንደር እና በደብረ ታቦር ተማሪዎች መታሰራቸውንና በደብረ ታቦር በርካታ ተማሪዎች ላይ ድብደባ መፈጸሙንም አተማ አውስቷል። በአጠቃላይ ጥያቄዎችን በማፈን የሕዝብን ሰላም ለማረጋገጥ እየሞከረ ያለው የክልሉ መንግሥት በበርካታ ከተሞች ከፍተኛ የጸጥታ ሃይል በመመደብ ሰልፉ እንዳይካሄድ አደርጓል፡፡ ነገር ግን በተማሪዎችና በወጣቶች በኩል የነበረው ዲሲፕሊንና የበዛ ታጋሽነት የከፋ ነገር እንዳይፈጠር አድርጎታል ያለው አተማ በዚህ ሁሉ ወከባ ውስጥም ቢሆን በባሕር ዳር፣በደብረ ታቦር እና በደብረ ማርቆስ በጥቂቱም ቢሆን ሰልፉ ተካሂዷል፤ በደብረ ብርሃን በተሻለ ሁኔታ የተካሄደ ሲሆን በቆቦ በድምቀት ተካሂዷል ሲል ገልጧል፡፡ የተደረገው አፈና፣ወከባ፣ድብደባ እና እስር ፍርሃት የሚፈጥር ሳይሆን ጠላቶቻችንን በማያሻማ መልኩ ለይተን ከዚህ የበለጠ መታገል እንደሚገባን የሚያመላክት በመሆኑ እስከመጨረሻው የምንታገል መሆኑን ለመግለጽ እንወዳለን ያለው አተማ ነው፡፡

Source: Link to the Post

Leave a Reply