You are currently viewing #የአማራ ተወላጆች በኦሮሚያ ሰማይ ስር! የኦሮሚያ ክልል ልዩ ኃይሎች በምስራቅ ወለጋ ኪረሙ ወረዳ ከማለዳው ጀምሮ በከፈቱት ተኩስ ከ30 በላይ የአማራ ተወላጆች መገደላቸው ታወቀ! ታሕሳስ 14…

#የአማራ ተወላጆች በኦሮሚያ ሰማይ ስር! የኦሮሚያ ክልል ልዩ ኃይሎች በምስራቅ ወለጋ ኪረሙ ወረዳ ከማለዳው ጀምሮ በከፈቱት ተኩስ ከ30 በላይ የአማራ ተወላጆች መገደላቸው ታወቀ! ታሕሳስ 14…

#የአማራ ተወላጆች በኦሮሚያ ሰማይ ስር! የኦሮሚያ ክልል ልዩ ኃይሎች በምስራቅ ወለጋ ኪረሙ ወረዳ ከማለዳው ጀምሮ በከፈቱት ተኩስ ከ30 በላይ የአማራ ተወላጆች መገደላቸው ታወቀ! ታሕሳስ 14 ቀን 2015 ዓ.ም… አሻራ ሚዲያ ይህ የሟቾች ቁጥር በአንድ ስፍራ ብቻ የተመዘገበ ሲሆን ህይወታቸውን ለማትረፍ እየሸሹ እንዳለ ከፀጥታ ኃይሎቹ በተተኮሰ ጥይት የተገደሉ ህፃናት፣ሴቶች እና አረጋውያን ብዛት ምን ያህል እንደሆነ ማወቅ እንዳልተቻለም ተመላክቷል። የኦሮሚያ ክልል ልዩ ኃይሎች በምስራቅ ወለጋ ዞን ጊዳ ኪረሙ ወረዳ ልዩ ስሙ ሀሮ አዲስአለም በተባለ ቀበሌ ተጠልለው በነበሩ ከ60 ሺ በላይ ተፈናቃዮች ላይ ዛሬ ታህሳስ 14/2015 ዓ/ም ከማለዳው ጀምሮ በከፈቱት ተኩስ በአንድ ስፍራ ብቻ ከ30 በላይ የአማራ ተወላጆች መገደላቸውን ህይወታቸውን ለማትረፍ እየሸሹ ያሉ የአይን እማኞች ገለፁ። በጊዳ ኪረሙ ወረዳ ሀሮ አዲስ አለም ቀበሌ ተጠልለው በሚገኙ የአማራ ተወላጆች ላይ የክልሉ ፀጥታ ኃይሎች ከማለዳው አንድ ሰዓት ጀምሮ በድሽቃ እና በብሬን ጭምር በመታገዝ ተኩስ መክፈታቸው አይዘነጋም። የአማራ ተወላጆቹ ከዚህ በፊት ሲፈፀምባቸው በነበረው ጥቃት ምክኒያት ሲኖሩበት ከነበረው በወረዳው ስር በሚገኙ የተለያዩ ቀበሌዎች ተፈናቅለው ሀሮ አዲስአለም በተባለች ቀበሌ ተጠልለው እንደነበር ይታወቃል። ከዚህ በፊት ተከፍቶባቸው በነበረው ጥቃት በርካታ ወጣቶች እና ጎልማሶች ሲገደሉ በርካታ ቁጥር ያላቸው ደግሞ ፅንፈኛ ናችሁ በሚል የታሰሩ ሲሆን በዚህም በሀሮ አዲስአለም ቀበሌ ተጠልለው ከሚገኙት ከ60 ሺ በላይ ተፈናቃዮች መካከል ከፍተኛውን ቁጥር የሚይዙት ህፃናት እና አረጋዊያን መሆናቸውን ነው ማረጋገጥ የተቻለው። ልዩ ኃይሉን ጨምሮ የክልሉ ፀጥታ ኃይሎች ዛሬ ታህሳስ 14/2015 ዓ/ም ከማለዳው አንድ ሰዓት ጀምሮ በቡድን መሳሪያ ጭምር በመታገዝ በእነዚህ ተፈናቃዮች ላይ በከፈቱት ተኩስ በአንድ ስፍራ ብቻ ከ30 በላይ የአማራ ተወላጆች መገደላቸው የተገለፀ ሲሆን ህይወታቸውን ለማትረፍ ከመጠለያ ካምፑ በመውጣት እየሸሹ እንዳለ ከፀጥታ ኃይሎች በተተኮሰ ጥይት የተገደሉ ህፃናት፣ ሴቶች እና አረጋውያንን ብዛት ምን ያህል እንደሆነ ለማወቅ እንዳልቻሉ ነው የአይን እማኞቹ ያረጋገጡት። የክልሉ ልዩ ኃይሎች የከፈቱባቸው ተኩስ በአራት አቅጣጫ ስለሆን የሚሸሹበት መንገድ ማጣታቸውን የገለፁት የአይን እማኞቹ፡ በየጫካው፣በየመንገዱ የበርካታ ሰዎች አስከሬን ወድቆ እንደሚገኝ አመላክተዋል። ልዩ ኃይሎቹ ዛሬ ከማለዳው አንድ ሰዓት ጀምሮ በተፈናቃዮቹ ላይ የከፈቱት ተኩስ ይህ ዜና እስከተጠናቀረበት ሰዓት ድረስ አልበረደም ሲሉ የገለፁት በስፍራው የሚገኙት የአይን እማኞች፡ ከሀሮ አዲስ አለም ቀበሌ በ40 ኪሎ ሜትር ገደማ ርቀት ላይ በምትገኘው አንገር ጉቴ ከተማ ያለው የሀገር መከላከያ ሰራዊት በአስቸኳይ ወደ አከባቢያቸው ተሰማርቶ የተረፉትን እንዲታደጋቸው ተማፅኖ አቅርበዋል። ዘገባው የአማራ ድምፅ ነው “ውድ የአሻራ ሚዲያ ቤተሰቦች የአሻራ ሚዲያ ቻናልን ላይክና ሰብስክራይብ በማድረግ ድጋፋችሁን ታሳዩን ዘንድ በአክብሮት እንጠይቃለን።” ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- // Youtube:- https://www.youtube.com/channel/UCPmgFzP2ZPmdGjHxXjigJaw // Facebook:- https://www.facebook.com/asharamedia24 // ቴሌግራም:- https://t.me/asharamedia24

Source: Link to the Post

Leave a Reply