You are currently viewing የአማራ ተወላጆች ወደ አዲስ አበባ አንዳይገቡ ጎሀፅዮን ላይ የሚፈፀመው እገዳ ዛሬም መቀጠሉ ተገለፀ! ታሕሳስ 11 ቀን 2015 ዓ.ም አሻራ ሚዲያ ፣ ባህርዳር መነሻቸውን ከአማራ ክልል ያደረጉ…

የአማራ ተወላጆች ወደ አዲስ አበባ አንዳይገቡ ጎሀፅዮን ላይ የሚፈፀመው እገዳ ዛሬም መቀጠሉ ተገለፀ! ታሕሳስ 11 ቀን 2015 ዓ.ም አሻራ ሚዲያ ፣ ባህርዳር መነሻቸውን ከአማራ ክልል ያደረጉ…

የአማራ ተወላጆች ወደ አዲስ አበባ አንዳይገቡ ጎሀፅዮን ላይ የሚፈፀመው እገዳ ዛሬም መቀጠሉ ተገለፀ! ታሕሳስ 11 ቀን 2015 ዓ.ም አሻራ ሚዲያ ፣ ባህርዳር መነሻቸውን ከአማራ ክልል ያደረጉ መንገደኞች በኦሮሚያ ክልል ሰሜን ሸዋ ዞን ስር በሚገኘው ጎሀፅዮን ላይ ሲደርሱ የአማራ ተወላጅ በመሆናቸው ብቻ ወደ አዲስ አበባ እንዳይገቡ የሚፈፀመው እገዳ ዛሬም መቀጠሉን ነው መንገደኞቹ ለአማራ ድምፅ የገለፁት። 2014 ዓ/ም ወደ መጨረሻዎቹ ወራት አከባቢ መነሻቸውን ከአማራ ክልል የተለያዪ አከባቢዎች ያደረጉ መንገደኞች ከአዲስ አበባ ደጀን ባለው የፌደራል መስመር ጎሀፅዮን ላይ እንዲሁም ከአዲስ አበባ ደሴ ባለው የፌደራል መስመር ሸኖ አከባቢ ሲደርሱ በማንነታቸው ተለይተው ወደ አዲስ አበባ እንዳይገቡ ሲታገዱ እንደነበር የአማራ ድምፅ መዘገቡ የሚታወስ ነው። ይህ ድርጊት በ2015 ዓ/ም የቀጠለ ሲሆን በዚህም በርካታ መንገደኞች በማንነታቸው ብቻ ተለይተው ወደ አዲስ አበባ እንዳይገቡ በኦሮሚያ ክልል ፀጥታ ኃይሎች እገዳ እየተፈፀመባቸው ይገኛል። በተለይ ከታህሳስ 06/2015 ጀምሮ መነሻቸውን ከአማራ ክልል ጎንደር እና ጎጃም አከባቢ ያደረጉ መንገደኞች ከአዲስ አበባ ደጀን ባለው የፌደራል መስመር ፍልቅልቅን አልፈው ጎሀፅዮን ላይ ሲደርሱ በማንነታቸው ተለይተው በኦሮሚያ ክልል ፀጥታ ኃይሎች ወደ አዲስ አበባ እንዳይገቡ እገዳ እየተፈፀመባቸው እንደሆነ ነው የአማራ ድምፅ ሚድያ መንገደኞቹ በማነጋገር ማረጋገጥ የቻለው። መንገደኞቹ በኦሮሚያ ክልል ሰሜን ሸዋ ዞን ስር በሚገኘው ጎሀፅዮን ሲደርሱ ክልሉ ፀጥታ ኃይሎች ከተሳፈሩበት ተሽከርካሪ እንዲወርዱ ከተደረጉ ቦኋላ የአማራ ተወላጅ የሆኑ ተጓዦች ተለይተው ወደ አዲስ አበባ እንዳይገቡ እየታገዱ መሆናቸውን ነው የተናገሩት። ወደ አዲስ አበባ እንዳይገቡ የተከለከሉበት ምክኒያት ምንድነው በሚል ጥያቄ ያነሱ መንገደኞች በፀጥታ ኃይሎቹ ድብደባ እየተፈፀመባቸው እንደሆነም መንገደኞቹ ለአማራ ድምፅ ገልፀዋል። ለትምህርት ወደ ተለያዩ ዩኒቨርስቲዎች የሚጓዙ ተማሪዎች እና የህክምና ቀጠሮ ያለባቸው ህመምተኞች እንዲሁም ወደ ውጪ ሀገራት ለመጓዝ የበረራ ቀጠሮ ያለባቸው ሰዎች ወደ አዲስ አበባ እንዳይገቡ በመታገዳቸው ምክኒያት ከፍተኛ ችግር ላይ መሆናቸውን ለአማራ ድምፅ የገለፁ ሲሆን፡ የኦሮሚያ ክልላዊ መንግስት መንገደኞችን በማንነታቸው እየለ በማንገላታት የሚፈፅመውን ህገ ወጥ ድርጊት የፌደራሉ መንግስት ጣልቃ በመግባት በአስቸኳይ እንዲያስቆም ተማፅኖ ማቅረባቸውን የአማራ ድምፅ ዘግቧል። “ውድ የአሻራ ሚዲያ ቤተሰቦች የአሻራ ሚዲያ ቻናልን ላይክና ሰብስክራይብ በማድረግ ድጋፋችሁን ታሳዩን ዘንድ በአክብሮት እንጠይቃለን።” ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- // Youtube:- https://www.youtube.com/channel/UCPmgFzP2ZPmdGjHxXjigJaw // Facebook:- https://www.facebook.com/asharamedia24 // ቴሌግራም:- https://t.me/asharamedia24

Source: Link to the Post

Leave a Reply