You are currently viewing የአማራ ኢመርጀንሲ ፈንድ ከቀያቸው ለተፈናቀሉ ተጋላጭ የህብረተሰብ ክፍሎች ከ2.5 ሚሊዮን ብር በላይ የሚገመት አልሚ ምግቦችን ድጋፍ አደረገ፡፡ አማራ ሚዲያ ማዕከል/አሚማ   መጋቢት 26 ቀን…

የአማራ ኢመርጀንሲ ፈንድ ከቀያቸው ለተፈናቀሉ ተጋላጭ የህብረተሰብ ክፍሎች ከ2.5 ሚሊዮን ብር በላይ የሚገመት አልሚ ምግቦችን ድጋፍ አደረገ፡፡ አማራ ሚዲያ ማዕከል/አሚማ መጋቢት 26 ቀን…

የአማራ ኢመርጀንሲ ፈንድ ከቀያቸው ለተፈናቀሉ ተጋላጭ የህብረተሰብ ክፍሎች ከ2.5 ሚሊዮን ብር በላይ የሚገመት አልሚ ምግቦችን ድጋፍ አደረገ፡፡ አማራ ሚዲያ ማዕከል/አሚማ መጋቢት 26 ቀን 2014 ዓ.ም አዲስ አበባ ሸዋ አማራ ኢመርጀንሲ ፈንድ በአሜሪካ አገር ያሉ አማራ ማህበር በአዉሮፓ፣ በካናዳ፣ በኒዉዘርላንድ፣ በስዊድን የተሰባሰቡ ማህበራት በአንድነት የመሰረቱት የድጋፍ ስብስብ መሆኑን የማህበሩ አስተባባሪ አቶ ጌታቸው በየነ ተናግረዋል። አስተባባሪው ጨምረው እንደገለጹት በአሁኑ ሰአት ትልቅ ትኩረት በመስጠት እቅድ አቅደን በዋግኽምራ ብሄረሰብ አስተዳደር ለተጎዳው ህዝባችን ለመድረስ እየተንቀሳቀሱ ነው። በመሆኑም በዛሬው እለት ያመጣነው ድጋፍ 562 ኩ/ል የስንዴ ዱቄት፣መኮሮኒ እና አልሚ ምግቦች ሲሆኑ ለእናቶች ፣ለህፃናትና ለነብሰ-ጡሮች የሚሆን ነው ብለዋል። ወደፊት ብዙ እቅዶች አሉን ገበሬዉን መልሶ ለማቋቋም አንድ በሬ ለገበሬ ፣አንድ ትራክተር ለአንድ መንደር እና እኔም ለእህቴ የሚል ፕሮጀክት፤ በጦርነቱ ጊዜ ጾታዊ ጥቃት ለደረሰባቸው እህቶቻችን እና ጉዳት ለደረሰባቸው ፋኖ እና ሚኒሻ አባላት ህክምና እንዱያገኙ አቅደን እየሰራን ነዉም ብለዋል አስተባባሪው። የዋግኽምራ ብሔረሰብ አሰተዳደር አደጋ መከላከልና መቆጣጠር ምግብ ዋስትና ማስተባበሪያ ጽ/ቤት ቡድን መሪ ወ/ሮ ዝና ወርቃለም በበኩላቸው አማራ ኢመርጀንሲ ፈንድ ሦስት ሳምንት ባልሞላ ጊዜ ዉስጥ ያመጣልን አልሚ ምግብ አጥቢዎችን፣ነብሰ ጡሮችን ፣ህፃናትን ፣አረጋውያንን እና አካል ጉዳተኞችን ታሳቢ ያደረገ ሲሆን በተፈጠረው ችግር ተሰምቶናል ብለው ለ2ኛ ጊዜ በአካል ተገኝተው ላደረጉት ድጋፍም ምስጋና አቅርበዋል ሲል የዘገበው የዋግኽምራ ኮሚዩኒኬሽን ነው።

Source: Link to the Post

Leave a Reply