የአማራ ክልል ኤሌክትሪክ አገልግሎት ከአሸባሪው የትህነግ ወራሪ ኃይል ነፃ የወጡአካባቢዎችን ከስር ከስር እየተከታተለ የጥገናና የወደሙ የኤሌክትሪክ መሰረተ ልማቶችን መልሶ በመገንባት ከተሞች…

የአማራ ክልል ኤሌክትሪክ አገልግሎት ከአሸባሪው የትህነግ ወራሪ ኃይል ነፃ የወጡ

አካባቢዎችን ከስር ከስር እየተከታተለ የጥገናና የወደሙ የኤሌክትሪክ መሰረተ ልማቶችን መልሶ በመገንባት ከተሞች በፍጥነት የኤሌክትሪክ ኃይል ተጠቃሚ እንዲሆኑ የሚያስተባብር ቡድን ማቋቋሙን አሳወቋል፡፡

በአገልግሎቱ የዲስትሪቢዩሽን ሲስተም ቴክኒካል ሳፖርት ኃላፊ አቶ ሽመላሽ ግርማው ከነገ ጀምሮ አንድ ቡድን ወደ ፍላቂት፣ ጋሸናና ጋሸና መስመር ወዳሉ ከተሞች የሚንቀሳቀስ መሆኑን ተናግረዋል፡፡

አሸባሪው ቡድን በወረራ በያዛቸው በወልድያ ዲስትሪክት ስር የሚገኙ 13 አገልግሎት መስጫ ማእከላትን ሙሉ በሙሉ፣ በደሴ ዲስትሪክት ስር የሚገኙ 23 አገልግሎት መስጫ ማዕከላትን ሙሉ በሙሉ እንዲሁም በደ/ብርሃን ዲስትሪክቶች ስር የሚገኙ 9 አገልግሎት መስጫ ማእከላት ላይ የኤሌክትሪክ ኃይል እንዲቋረጥ እንዲሁም ከፍተኛ የሆነ የመሰረተ ልማት ጉዳትና ውድመት ማድረሱን የክልሉ ኤሌክትሪክ አገልግሎት ገልጿል፡፡

ወራሪው ቡድን ደቡብ ጎንደር ዞን ገብቶ በነበረበት ወቅት ያወደመውን የኤሌክትሪክ መሰረተ ልማት አካባቢው ነፃ መውጣቱን በመንግስት እንደተገለፀ፤ የክልሉ ሠራተኞች ባደረጉት ከፍተኛ ርብርብ ወዲያውኑ መልሶ የማገናኘት ስራ በመስራት አካባቢው የኤሌክትሪክ አገልግሎት እንዲያገኝ መድረጉን ተመላክቷል፡፡

በደቡብ ጎንደር ዞን በሚገኙ 2 አገልግሎት መስጫ ማዕከላቶችና በስራቸው በሚገኙ ሳተላይ ጣቢያዎች ብቻ 2 ሚሊዮን 447 ሺህ 747 ብር የሚገመት ውድመት መድረሱን የአማራ ክልል ኤሌክትሪክ አገልግሎት አሳውቋል፡፡

ኢትዮ ኤፍ ኤም 107.8 የኢትዮጵያውያን
ህዳር 22 ቀን 2014 ዓ.ም

Source: Link to the Post

Leave a Reply