You are currently viewing የአማራ ክልል የትምህርት ቢሮ በዘንድሮው የ12ኛ ክፍል ሃገር ዓቀፍ ፈተና ዙርያ የሰጠውን መግለጫ ተመለከትኩት።  በቅድሚያ ክልሉ የአጣሪ ቡድን ልኮ ችግሮቹን መፈተሹ ያስመሰግነዋል። የቀረበው…

የአማራ ክልል የትምህርት ቢሮ በዘንድሮው የ12ኛ ክፍል ሃገር ዓቀፍ ፈተና ዙርያ የሰጠውን መግለጫ ተመለከትኩት። በቅድሚያ ክልሉ የአጣሪ ቡድን ልኮ ችግሮቹን መፈተሹ ያስመሰግነዋል። የቀረበው…

የአማራ ክልል የትምህርት ቢሮ በዘንድሮው የ12ኛ ክፍል ሃገር ዓቀፍ ፈተና ዙርያ የሰጠውን መግለጫ ተመለከትኩት። በቅድሚያ ክልሉ የአጣሪ ቡድን ልኮ ችግሮቹን መፈተሹ ያስመሰግነዋል። የቀረበው ሪፖርት ግን ጎዶሎ፤ የተምታታ፤ ያልተደራጀና መፍትሄ አልባ ሆኖ አግኝቸዋለሁ። አበሳጭም ነው (በተለይ ተማሪዎች ችግሩ ላይ ማተኮር ትተው አርፈው ያጥኑ አይነት እንድምታ ያለው ሃላፊነት የጎደለው የሃላፊው ንግግር) እስቲ የተከሰተውን ሁኔታ እንገምግምና እንጠብቅ የነበረውን የመፍትሄ አቅጣጫ ላስቀምጥ። 1ኛ፤ ቅድመ ፈተና ሲጀመር የክልሉ ትምህርት ቢሮ በጦርነት የተጎዱ ስነልቦናቸው የተጎዳ ተማሪዎችን ለፈተና ማስቀመጥ አልነበረበትም። ያለ ምንም ማካካሻ ጊዜ በምን አግባብ እንዲፈተኑ እንዳደረገ ሊገባኝ አልቻለም። ይህ ቸልተኝነት ነው። ይህንን ውሳኔ ወስነው እነዚህን ተማሪዎች ፈተና እንዲዎስዱ ማስገደዳቸው ትልቅ ጥፋት ነበር። ቢያንስ ይህንን ጥፋት ማጥፋታቸውን አምነው በግልጽ ተማሪዎችን፤ መምህራንንና ወላጆችን ይቅርታ መጠየቅ ነበረባቸው። ከዚህ አንጻር ሪፖርቱ ሃላፊነትን ወደጎን የገፋ ስንኩል ሆኖ አግኝቸዋለሁ። 2ኛ፤ በፈተና ወቅት በፈተና ወቅት የፈተና ወረቀቱ ተሰርቋል እየተባለ ተማሪዎቹ ሲረበሹ ነበር። ተመሳሳይ ችግር ከቅርብ አመታት ወዲህ መስማት እየተለመደ መጥቷል። ይህንን ችግር ለመፍታት የቀረበ የመፍትሄ አሰራር የለም። ሪፖርቱ ይህንን ትልቅ ችግር ያለመፍትሄ አልፎታል። 3ኛ፤ ከፈተና በኋላ ሌላው ችግር የተከሰተው ውጤቱ ላይ ነበር። ቢያንስ በመረጃ የምናውቀው የተወሰኑ ተማሪዎች ውጤት ተሳስቶ እንዲስተካከል ተደርጓል። በሚገርም ሁኔታ ሪፖርቱ ይህ ስህተት እንዴት ሊከሰት እንደቻለ መርምሮ የችግሩን ምክንያት ሳይነግረን ቀርቷል። በምትኩ አዛው ቆሜ አርሜያለሁ አይነት መልስ ሰጥቶናል። የችግሩን ምንጭ መርመሮ አለመግለጹ ተማሪው በኤጀንሲው ላይ ያለውን አመኔታ እንዲያጣ ስለሚያደርገው ት/ቢሮ ችግሩ በደንብ አጣርቶ ኤጀንሲው ሃላፊነት እንዲወስድ ማድረግ ይገባው ነበር። ሪፖርቱ ይህንን ሳያሳየን ቀርቷል። ሌላው አሳፋሪው ነገር “በችግሩ ላይ ማተኮር አቁማችሁ ተማሪዎች በደንብ አጥኑና ጥሩ ውጤት አስመዝግቡ” የሚል ተልካሻ፤ ሃላፊነት የጎደለው፤ ኢ-ሞራላዊ፤ insensitive; irresponsible; ችግሩን ወደተማሪዎች የመግፋት እንድምታ ያለው ቃላቶች መጠቀም አልነበረበትም። ባጠቃላይ ሪፖርቱ ለተፈጠረው ችግር ሃላፊነት የወሰደውን አካል ሳይነግራን ወደፊት ተመሳሳይ ችግሮች አንዳይፈጠር ምን አይነት የማስተካከያ እርምጃ ወይም አዲስ አሰራር እንደተቀመጠ ሳይነግረን “በእጃችን አርመን አይተናል” የሚል ከአንድ አስፈጻሚ አካል የማይጠበቅ poor and inadequate ሪፖርት ሆኖ አግኝቸዋለሁ። ከዚህ በተሻለ መንገድ ሳይንሳዊ በሆነ መንገድ ተጠንቶ ሊቀርብ ይገባል ባይ ነኝ። ለተከሰተው ችግርም ሃላፊነት የሚወስድ ተቋም ማየት እንሻለን። ለወደፊቱም ተመሳሳይ ችግር እንዳይፈጠር concrete and solid የአሰራር ለውጦች ሊኖሩ ይገባል። የትምህርት ጥራት ጉዳይ ተማሪዎችን ብቻ ሳይሆን ማህበረሰብን በሙሉ የሚመለከት ሃገራዊ አጀንዳ ሊሆን ይገባዋል። Solomon Kibret

Source: Link to the Post

Leave a Reply