You are currently viewing የአማራ ክልል ፍርድ ቤቶች ወደ መደበኛ ስራ እንዲመለሱ ተወሰነ ታህሳስ19/2014/አሻራ ሚዲያ/ ላለፉት 47 ቀናት መደበኛ የዳኝነት አገልግሎታቸውን በከፊል ገድበው የቆዩት በአማራ ክልል የሚ…

የአማራ ክልል ፍርድ ቤቶች ወደ መደበኛ ስራ እንዲመለሱ ተወሰነ ታህሳስ19/2014/አሻራ ሚዲያ/ ላለፉት 47 ቀናት መደበኛ የዳኝነት አገልግሎታቸውን በከፊል ገድበው የቆዩት በአማራ ክልል የሚ…

የአማራ ክልል ፍርድ ቤቶች ወደ መደበኛ ስራ እንዲመለሱ ተወሰነ ታህሳስ19/2014/አሻራ ሚዲያ/ ላለፉት 47 ቀናት መደበኛ የዳኝነት አገልግሎታቸውን በከፊል ገድበው የቆዩት በአማራ ክልል የሚገኙ ፍርድ ቤቶች፤ ወደ መደበኛ ስራቸው እንዲመለሱ ውሳኔ ተላለፈ። ፍርድ ቤቶቹ ከትላንት ሰኞ ታህሳስ 18፤ 2014 ጀምሮ ወደ መደበኛ ስራቸው እንዲገቡ ውሳኔ ያስተላለፈው የክልሉ ጠቅላይ ፍርድ ቤት ነው። የአማራ ክልል ጠቅላይ ፍርድ ቤት ይህን ውሳኔውን ያሳወቀው በክልሉ ለሚገኙ 13 የዞን ፍርድ ቤቶች፣ ሶስት ምድብ ችሎቶች እና ሶስት የዳኝነት አገልግሎት የስራ ሂደቶች በትላንትናው ዕለት በጻፈው ደብዳቤ ነው። ጠቅላይ ፍርድ ቤቱ ውሳኔው በተዋረድ ለወረዳ ፍርድ ቤቶች እንዲተላለፍም ትዕዛዝ ሰጥቷል። በክልሉ የሚገኙ ፍርድ ቤቶች ካለፈው ህዳር 1፤ 2014 ጀምሮ የዳኝነት አገልግሎታቸውን በከፊል ሲሰጡ የቆዩት፤ በክልሉ ሲካሄድ በቆየው ጦርነት ምክንያት ነው። ባለፈው አንድ ወር ከአስራ አምስት ቀናት ውስጥ በክልሉ ፍርድ ቤቶች ሲስተናገዱ የቆዩት፤ የፍትሐ ብሔር ክርክሮች እንዲሁም ከአስቸኳይ ጊዜ አዋጅ እና ከክልሉ ዝርዝር የዘመቻ አፈፃፀም መመሪያ ጋር በተያያዘ የሚቀርቡ ጉዳዮች ብቻ ነበሩ።

Source: Link to the Post

Leave a Reply