You are currently viewing የአማራ ወጣቶች ማህበር በባህር ዳር የሚከተለውን መልዕክት አስተላልፏል! መስከረም 24 ቀን 2015 ዓ.ም (አሻራ ሚዲያ)የፋኖ አርበኛ ዘመነ ካሴ ችሎት ለመታደም በተገኙ በርካታ የባህር ዳር…

የአማራ ወጣቶች ማህበር በባህር ዳር የሚከተለውን መልዕክት አስተላልፏል! መስከረም 24 ቀን 2015 ዓ.ም (አሻራ ሚዲያ)የፋኖ አርበኛ ዘመነ ካሴ ችሎት ለመታደም በተገኙ በርካታ የባህር ዳር…

የአማራ ወጣቶች ማህበር በባህር ዳር የሚከተለውን መልዕክት አስተላልፏል! መስከረም 24 ቀን 2015 ዓ.ም (አሻራ ሚዲያ)የፋኖ አርበኛ ዘመነ ካሴ ችሎት ለመታደም በተገኙ በርካታ የባህር ዳር ከተማና አካባቢው ወጣቶች ላይ አገዛዙ የፈፀመውን ድብደባ ፣ ማወከብ እና እስር በፅኑ እናወግዛለን ‼️ **** የፋኖ አርበኛ ዘመነ ካሴን ችሎት ለመከታተል ከባህር ዳር ከተማና አካባቢው የመጣውን በርካታ የጀግናው አድናቂ ፣አክባሪ እና ተከታይ ወደ ችሎት እንዳይገባ ፤በችሎት አካባቢ መንገድ ዳር ቆሞ ድጋፉን እንዳይገልፅ መንግስታዊ አፈና ተካሄደብን ። በትላንትናው ዕለት በነበረው የፋኖ አርበኛ ዘመነ ካሴ ችሎት ወደ የሚታይበት የባህር ዳር ከተማ ከፍተኛ ፍ/ቤት የሚወስዱ ዋና ዋና መንገዶች በአገዛዙ ታዛዥ ወታደሮች በማስወረር ችሎት ለመታደም የመጣውን በርካታ የባህር ዳር ከተማና አካባቢው ወጣቶች ፥ነዋሪዎች ከፍተኛ የሆነ ድብደባ ፣ማዋከብ እና እስር አከናውነዋል ። በዚህም ምክንያት በርካታ የአማራ ወጣቶች ማህበር አባላትና ደጋፊዎች ፤የአማራ ፋኖ በባህር ዳር አባላት ፤ከባህር ዳር ከተማና አካባቢው የመጡ ቆራጥ ወጣቶች እንዲሁም የባህር ዳር ከተማና አካባቢው ነዋሪዎች በአገዛዙ ወታደሮች በትር ተፈንክተዋል ፣ዕጃቸው ተሰብሯል እንዲሁም ከፍተኛ የሆነ አካል ጉዳት ደርሶባቸዋል ።ይህ ተግባር እጅግ አስነዋሪ እና አሳፋሪ ነው ።በህጋዊና በሰላማዊ መንገድ ችሎት ለመከታተል በተገኘ ታዳሚ ላይ ይህንን ያህል የዱላ ውርጅብኝ ማድረግ አገዛዙ ከትላንት ስህተቱ እንዳልተማረ ፤አገዛዙ ስሙን እንጅ ግብሩን እንዳልቀየረ በደንብ አረጋግጠናል ።በቁጥር 1 ኢህአዲግ (ወያኔ መር አገዛዝ) እና በቁጥር 2 ኢህአዲግ (ኦህዴድ መር ብልፅግና) መንግሰት ምንም አይነት ለውጥ እንደ ሌለ በሰላማዊ ታጋዮች ፥በሰላማዊ የአማራ ወጣቶች ላይ የሚፈፅመው ድብደባ ፣አፈና እና የጅምላ እስር ትልቅ ማሳያ ነው ። በተጨማሪም በርካታ ችሎት ለመታደም የተገኙ ወጣቶች ታፍሰው ታስረዋል ። በአፈሳ የታሰሩ ወጣቶችም የሚገኙት ፦ ቀበሌ -13 የሚገኘው 3ኛ ፓሊስ ጣቢያ ፣ቀበሌ -16 የሚገኘው 6ኛ ፓሊስ ጣቢያ ፣ቀበሌ -14 የሚገኘው 9ኛ ፓሊስ ጣቢያ ወዘተ ነው ።አፈናው ከችሎቱ ዋዜማ ቀን ጀምሮ የአርበኛ ዘመነ ካሴ ምስል ያለበት ቲ ሸርት የለበሱ ወጣቶች በማሰር እንደ ተጀመረ አረጋግጠናል ።በተጨማሪም ሌሎች ወጣቶችን ለማፈን እንቅስቃሴ ላይ እንዳሉ አረጋግጠናል ። በመሆኑም በአሁኑ ወቅት በግፍ እስር የሚገኙ በርካታ ወጣቶች ያለምንም ቅድመ ሁኔታ እንዲፈቱ እናሳስባለን ። በማሰር ፣በመደብደብ እና በማዋከብ የሚቆም ትግል የለም ።ትግላችን እስከ ቀራኒዮ ነው ። የትግላችን መዳረሻ የአማራ ነፃነት ነው‼️ ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- Youtube:- https://www.youtube.com/channel/UCPmgFzP2ZPmdGjHxXjigJaw Facebook:- https://www.facebook.com/asharamedia24 ቴሌግራም:- https://t.me/asharamedia24

Source: Link to the Post

Leave a Reply