You are currently viewing የአማራ ድምጽ ሚዲያ ጋዜጠኛ ጎበዜ ሲሳይ ሲቪል በለበሱና በታጠቁ አካላት ከመኖሪያ ቤቱ ታፍኖ ተወሰደ።  አማራ ሚዲያ ማዕከል/አሚማ   ሚያዝያ 24 ቀን 2014 ዓ.ም         አዲስ አበባ…

የአማራ ድምጽ ሚዲያ ጋዜጠኛ ጎበዜ ሲሳይ ሲቪል በለበሱና በታጠቁ አካላት ከመኖሪያ ቤቱ ታፍኖ ተወሰደ። አማራ ሚዲያ ማዕከል/አሚማ ሚያዝያ 24 ቀን 2014 ዓ.ም አዲስ አበባ…

የአማራ ድምጽ ሚዲያ ጋዜጠኛ ጎበዜ ሲሳይ ሲቪል በለበሱና በታጠቁ አካላት ከመኖሪያ ቤቱ ታፍኖ ተወሰደ። አማራ ሚዲያ ማዕከል/አሚማ ሚያዝያ 24 ቀን 2014 ዓ.ም አዲስ አበባ ሸዋ ለሚኩራ ክፍለ ከተማ አያት አካባቢ ተከራይቶ ከሚኖርበት ቤት እያለ በርካታ ቁጥር ባላቸው ሲብል በለበሱ እና በታጠቁ አካላት ወዳልታወቀ ስፍራ ታፍኖ መወሰዱን ለማወቅ ተችሏል። ከስራ ባልደረባው ከጋዜጠኛ ጌትነት አሻግሬ ጋር አማራ ሚዲያ ማዕከል (አሚማ) ያደረገው ቆይታ እንዳመለከተው ሚያዝያ 23/2014 ከቀኑ 11 ሰዓት አካባቢ አያት ከስራ ሲወጡ በርከት ያለ ቁጥር ያላቸው የአዲስ አበባ ፖሊሶች ነጥለው በመውሰድ መንገድ ላይ አነጋግረው መልሰውታል። በስህተት ነው በማለት እንደገና እንደመለሱት ጋዜጠኛ ጌትነት ተናግሯል። ይሁን እንጅ ሚያዝያ 23/2014 ከረፋዱ 4 ሰዓት ገደማ ሲቢል የለበሱ እና የታጠቁ አካላት ወደ መኖሪያ ቤቱ አያት በመምጣት ከበባ በማድረግ አፍነው ወዳልታወቀ ስፍራ እንደወሰዱት ተገልጧል። አድራሻውን ለማወቅ እንደተቸገረች የምትናገረው ባለቤቱ ወ/ሮ መሰረት ደሳለኝ በበኩሏ ጋዜጠኛ ጎበዜ ለበዓል ከቤተሰብ ጋር መሰንበቱንና በእለተ አርብ ሚያዝያ 22/2014 ወደ አዲስ አበባ መመለሱን ገልጻለች። ሚያዝያ 23/2014 ሙሉቀን ስትደውልለት ብትውልም የሚጠራ ስልኩ እንደማይነሳ፣ በተመሳሳይ ሚያዝያ 24/2014 ስትደውል የእጅ ስልኩ እንደሚጠራ ነገር ግን እንደማይነሳ አውስታለች። በኋላ ግን ከአከራዮች ባገኘችው መረጃ መሰረት ለጥያቄ ይፈለጋል በሚል ታፍኖ እንደተወሰደ ተናግራለች፤ አድራሻው በትክክል እንዲታወቅም ጠይቃለች። በተያያዘ ወንድሙ ከድር ሲሳይ በበኩሉ ይህ የአፈና እና የሽፍታ አካሄድ በመሆኑ እቃወመዋለሁ በማለት ለአሚማ ገልጧል። በመሆኑም ጋዜጠኛ ጎበዜ ህጋዊ እና ህጋዊ መስመርን ተከትሎ የሚሰራ በመሆኑ በሚፈልጉት ጊዜ በህግ አግባብ ጠርተው መጠየቅ ይችሉ እንደነበር ጠቁሟል። ነገር ግን ይህ አካሄድ አፈና ሸመሆኑ በአስቸኳይ የሞመለከተው አካል አድራሻውን እንዲያሳውቅ ጥሪ አድርጓል። የሮሃ ሚዲያ ጋዜጠኛ መዓዛ መሀመድ በበኩሏ የአማራ ድምጽ ሚዲያ ጋዜጠኛ ጎበዜ ሲሳይ ታፍኖ ወዳልታወቀ ስፍራ መወሰዱ አግባብ አለመሆኑን ተናግራለች። ጋዜጠኛው እስከታች ወርዶ ለተበደሉ አካላት ሁሉ ድምፅ በመሆን እንደሚታወቅና የተፈጸመበት አፈናም ለምንም ለማንም እንደማይጠቅም ጠቂማለች። ህዝቡም ከጋዜጠኛ ጎበዜ ሲሳይ ጎን እንዲቆም ስትል ጥሪዋን አስተላልፋለች። ጋዜጠኛ ወግደረስ ጤናው እንዳለው ደግሞ የኦህዴድ ብልጽግና ስለህዝብ እና ስለ ሀገር የሚሰሩ አንጋፋ ጋዜጠኞችን በማፈንና ማሳደድ ተግባሩ የቀጠለበት ስለመሆኑ ተናግሯል። እንደአብነትም እነ ጋዜጠኛ ታዲዮስ ታንቱ፣ ታምራት ነገራ፣መዓዛ መሀመድ እና ሌሎች ላይ ሲፈጸም የነበረው አፈና ዛሬም በጋዜጠኛ ጎበዜ ላይ መደገሙን ተመልክተናል ብሏል። ይህም በፕሬስ ላይ ትናንት በወያኔ የነበረው አፈና ዛሬም ተባብሶ ስለመቀጠሉ አመላካች ነው ብሏል። በኦህዴድ ብልጽግና አካሄድ የፕሬስ ነጻነት ሳይኖር ለአማራ ድምጽ መሆን በራሱ እንደ ወንጀል ተቆጥሮ የሚያሳስር መሆኑን ተመልክተናል ያለው ደግሞ ጋዜጠኛ ጌጥዬ ያለው ነው። የመንግስት የአፈና አካሄድ ውድቀቱን በይበልጥ ሊያፋጥን በሚችል ተግባር የተሰማራ መሆኑን ያሳያል ሲልም ጌጥዬ አክሏል። ለዚህም ጋዜጠኞች ሸብረክ ሳይሉ ሙያው በሚፈቅደው ልክ ከእውነት ጋር እንዲቆሙም ጥሪ አቅርቧል። https://youtu.be/41zSE64c6rU

Source: Link to the Post

Leave a Reply