የአማራ ፋኖ በባህር ዳር አባላት በጋሸና ግንባር ታላቅ መስዕዋትነት የከፈሉበት አንደኛ ዓመት በጧፍ ማብራት ታስቧል። አማራ ሚዲያ ማዕከል/አሚማ ህዳር 27 ቀን 2015 ዓ/ም…

የአማራ ፋኖ በባህር ዳር አባላት በጋሸና ግንባር ታላቅ መስዕዋትነት የከፈሉበት አንደኛ ዓመት በጧፍ ማብራት ታስቧል። አማራ ሚዲያ ማዕከል/አሚማ ህዳር 27 ቀን 2015 ዓ/ም አዲስ አበባ ሸዋ የአማራ ፋኖ በባህር ዳር አባላቱ በጋሸና ግንባር ታላቅ መስዕዋትነት የከፈሉበት አንደኛ ዓመት በጧፍ ማብራት ሲያስብ የሚከተለውን መረጃ አጋርቷል:_ የአማራ ፋኖ በባህር ዳር ጀግና አባላት አሸባሪው የህወሀት ኃይል የአማራ ህዝብን ለማዋረድ ፣ አንገት ለማስደፋት እና አገራችን ለማፈራረስ አልሞ ጦርነት በመክፈቱ ፤ ይህንን ጦርነት ለመቀልበስ በተደረገ ጦርነት ከፍተኛ ተጋድሎ ያደረገ የአማራ ፋኖ ስብስብ ነው። የአማራ ፋኖ በባህር ዳር በጋሸና ግንባር ተሰልፎ ጠላት አይሰበርም ብሎ የተማመነበትን የአርቢት ምሽግ ለመደርመስ ታላቅ መስዋዕትነት ከፍሏል። በተከፈለው የከበረ መስዕዋትነት 17 ጓዶቻችን ቁስለኛ ሲሆኑ ፤3 ጓዶቻችን የህይወት መስዕዋትነት ከፍለዋል። የህይወት መሰዋዕትነትን የከፈሉት የሚከተሉት ናቸው ፦ 1) ፋኖ ማንደፍሮ አድማሱ፣ 2) ፋኖ ሙሉቀን አዳነ እና 3) ፋኖ አስናቀው ንጋቱ ናቸው ። በዛሬው ዕለትም የአንደኛ የመስዋዕትነት መታሰቢያውን የአማራ ፋኖ በባህር ዳር አባላት ፣የተሰው ጓዶቻችን ቤተሰቦች በተገኙበት በጧፍ ማብራት ዘክረነዋል። የከፋላችሁት ታላቅ መሰዋዕትነት አማራ አንገቱ ቀና አድርጎ እንዲሄድ አድርጋችኃል። ለተከፈለው መስዕዋትነት ልባዊ ክብር አለን። ትግላችን አልተቋጨም ትግላችን ይቀጥላል። የትግላችን መዳረሻ የአማራ ህዝብ ነፃነት ነው ። አርበኝነት አማራዊ ውርሳችን ፤ፋኖነት ከአባቶቻችን የወረሰነው ታላቁ እሴታችን ነው!

Source: Link to the Post

Leave a Reply