You are currently viewing የአማራ ፋኖ በኮምቦልቻ የመጀመሪያ ዙር አባላቱን በድምቀት አስመርቋል። አማራ ሚዲያ ማዕከል/አሚማ   መጋቢት 19 ቀን 2014 ዓ.ም         አዲስ አበባ ሸዋ የአማራ ፋኖ በኮምቦልቻ የመ…

የአማራ ፋኖ በኮምቦልቻ የመጀመሪያ ዙር አባላቱን በድምቀት አስመርቋል። አማራ ሚዲያ ማዕከል/አሚማ መጋቢት 19 ቀን 2014 ዓ.ም አዲስ አበባ ሸዋ የአማራ ፋኖ በኮምቦልቻ የመ…

የአማራ ፋኖ በኮምቦልቻ የመጀመሪያ ዙር አባላቱን በድምቀት አስመርቋል። አማራ ሚዲያ ማዕከል/አሚማ መጋቢት 19 ቀን 2014 ዓ.ም አዲስ አበባ ሸዋ የአማራ ፋኖ በኮምቦልቻ የመጀመሪያ ዙር አባላቱን መጋቢት 18/2014 በኮምቦልቻ ከተማ በርካታ ተጋባዥ የክብር እንግዶች፣ ብዙ ሽህ የዝግጅቱ ታዳሚዎችና የፋኖ አመራሮችና አባላት በተገኙበት በድምቀት አስመርቋል። የአማራ ፋኖ በኮምቦልቻ አሸባሪዎች እና በመንግስት መዋቅር ውስጥ የተሰገሰጉ የዘር ማጥፋት ተባባሪዎቻቸው በአማራ ህዝብ ብሎም በኢትዮጵያ ላይ እያደረሱት ያለውን የተደራጀ እና የተቀናጀ ጥቃት በማውገዝ የተለያዩ አውደ ግንባሮች ድረስ በማቅናት ታግሏል። ይህ የአማራ ፋኖ በኮምቦልቻ ትንሽ ቁጥር ባላቸው ጀግኖች ተመስርቶ የአባላት ቁጥሩ እየጨመረ ሲመጣ ከመከላከያ እና ከአማራ ልዩ ኃይል ጋር በመሰለፍ በግንባር መሳተፋቸውንና ከፍ ያለ ተጋድሎ በማድረግ ለድል መብቃታቸውን የአማራ ፋኖ በኮምቦልቻ አዛዥ ምስጋን ደስዬ ተናግረዋል። በትግሉ ወቅትም ከጠላት ትጥቅ በመማረክ ራሳቸውን የበለጠ ማደራጀት መቻላቸው ተገልጧል። ፋኖ ምስጋን ደስዬ እንደ አማራ የገጠመንን ሁለንተናዊ ፈተና በድል ለማለፍ “አንድ እንሁን” ሲሉ ጥሪ አቅርበዋል። የብ/ጄኔራል አሳምነው ጽጌ ምስል እና “አንድ ሁኑ” የሚል ዘመን ተሻጋሪ መልዕክት ያለበት በአረንጓዴ፣ ቢጫ፣ቀይ ሰንደቅ የተዋበ ቲሸርት የለበሱ በብዙ መቶዎች የሚቆጠሩ የፋኖ አባላት በዝግጅቱ ተገኝተው ወታደራዊ ትርኢት አሳይተዋል። በመድረኩ የተገኘው ድምጻዊ ዱባለ መላክም አዲስ እና ተወዳጅ ስራውን በሚያምር መልኩ ለታዳሚዎች አቅርቧል። መድረኩ ከንግግር በተጨማሪ ቀረርቶ እና ሽለላን ጨምሮ የተለያዩ የሙዚቃ እና የግጥም ስራዎች ቀርበውበታል። የምስራቅ አማራ ፋኖ እና ሸዋ ፋኖን ጨምሮ ከተለያዩ አካባቢዎች የመጡ የፋኖ አመራሮች እና አባላት በምርቃት ስነ ስርዓቱ ላይ ተሳትፈዋል፤ ይህም ፋኖ አማራ በቀጣይ አንድ ሆኖ እና ተቀራርቦ ለመስራት ለያዘው እቅድ የተሻለ እድል እንደሚሰጥ ይታመንበታል። በመጨረሻም አማራ ፋኖ በኮምቦልቻን ከጎኑ በመሆን አስፈላጊ በሆኑ ጉዳዮች ሁሉ የተባበሩትና መልካም አፈጻጸም ያሳዩ አመራሮችና አባላትም የእውቅና እና የምስክር ወረቀት ተሰጥቷቸዋል። በእለቱም ቀጣይ ዙር የፋኖ ስልጠና የአባላት ምዝገባም መጀመሩን አሚማ በስፍራው ተገኝቶ ተመልክቷል።

Source: Link to the Post

Leave a Reply