You are currently viewing የአማራ ፋኖ በይፋት ጀግና አባል ፋኖ ፍቃደ ሽፈራው በድንገት ህይወቱ አለፈ። አማራ ሚዲያ ማዕከል/አሚማ    ታህሳስ 28 ቀን 2015 ዓ/ም          አዲስ አበባ ሸዋ የፋኖ ፍቃደ ሺፈራ…

የአማራ ፋኖ በይፋት ጀግና አባል ፋኖ ፍቃደ ሽፈራው በድንገት ህይወቱ አለፈ። አማራ ሚዲያ ማዕከል/አሚማ ታህሳስ 28 ቀን 2015 ዓ/ም አዲስ አበባ ሸዋ የፋኖ ፍቃደ ሺፈራ…

የአማራ ፋኖ በይፋት ጀግና አባል ፋኖ ፍቃደ ሽፈራው በድንገት ህይወቱ አለፈ። አማራ ሚዲያ ማዕከል/አሚማ ታህሳስ 28 ቀን 2015 ዓ/ም አዲስ አበባ ሸዋ የፋኖ ፍቃደ ሺፈራው አጭር የህይወት ታሪክ !! ፋኖ ፍቃደ ሺፈራው ጥቅምት 5 በ1995 ዓ/ም ከአባቱ ከአቶ ሺፈራው ደመቀ እና ከእናቱ ወይዘሮ ሙላቷ ኃ/ማርያም በተርኖስ አምባ ቀበሌ በጣርማበር ወረዳ ተወለደ። እድሜው ለትምህርት እንደ ደረሰ ፣ በአርማኒያ ከተማ በሚገኘው በአንደኛ ደረጃ ሙሉ ሳይክል ትምህርት ቤት እና በአጠረት ሁለተኛ ደረጃ ትምህርቱን ተከታትሏል። የአማራ ፋኖ በይፋት ለአማራ ሚዲያ ማዕከል (አሚማ) በላከው መረጃ እንዳመለከተው ወጣቱ ገና በልጅነቱ አባቱን በሞት የተነጠቀው ፍቃደ፣ እናቱን እና ሁለት እህቶቹን ለመደገፍ ብሎ በለጋ እድሜው ትምህርቱን አቋርጦ በግብርና ስራ ላይ ተሰማርቷል። ወጣት ፈቃደ በዚህ መልኩ ከቤተሰቦቹ ጋር በሰላም እና በፍቅር እየኖረ ባለበት ሁኔታ፣ ወያኔ እስከ ጣርማ በር ድረስ በመዝለቅ በአማራውና በኢትዮጵያ ላይ የህልውና አደጋ በመጋረጡ፣ የአማራ ፋኖ በይፋትን በመቀላቀል ህዝብና ሀገርን ለመታደግ የበኩሉን ድርሻ በጀግንነት ተወጥቷል። ወያኔ ከአማራ ክልል ተጠራርጎ ከወጣ በኋላ ደግሞ፣ በአማራ ህዝብ ላይ በተለያዩ የሀገሪቱ ክፍሎች እየተፈፀመ የሚገኘውን ጅምላ ጭፍጨፋ ለመታገል ቁርጠኛ አቋም ወስዶ ከነሃሴ 2014 አንስቶ በጫካ የሚገኙ ፋኖ ወንድሞቹን ተቀላቅሏል። ፋኖ ፍቃደ ሽፈራው በጫካ በነበረው ቆይታ፣ ሁሌም እርጋታ የማይለየው፣ ሚዛናዊ የሆነ፣ ከትግል ወንድሞቹ ጋር በሰላምና በፍቅር የሚኖር፣ ከእድሜው በላይ አስተዋይ፣ ለታላላቆቹ እንኳን መካሪ፣ በትግሉ ውስጥ ከፍተኛ ቦታ ይደርሳል ተብሎ ተስፋ የተጣለበት ውድ የህዝብ ልጅ ነበር። በጫካ እያለ ህይወቱ በድንገተኛ አደጋ እስካለፈችበት ረብዕ፣ ታህሳስ 26 2015 ድረስም፣ የጫካውን አስቸጋሪ ህይወት በአስደማሚ ፅናት ተቋቁሞ፣ “እራበኝ፣ጠማኝ፣ ደከመኝ፣ የምተኛበት መሬት ቆረቆረኝ፣ የበረሃው ቃጠሎ ከአቅሜ በላይ ነው ” ሳይል ለህዝብና ለሀገሩ ያለውን ወገንተኝነት በተግባር አስመስክሯል። ፋኖ ፍቃደ ሽፈራው፣ በዚች ከንቱ ዓለም ባሳለፋቸው በጣም አጭር ዓመታት፣ በከንቱ እንደሚባዝኑት የዘመኑ ወጣቶች ሳይሆን፣ በታሪክ እንደምናውቃቸው ታላላቆቹ አርበኞች ሆኖ በመገኘት፣ ወድ ህይወቱን በጅምላ እየተጨፈጨፈ ለሚገኘው የአማራ ህዝብ እና ለሀገር አሳልፎ በመስጠት ከሰማእቶቻችን መካከል አንዱ ሆኗል። ጀግናው ወንድማችን በአካል ቢለየንም ግን፣ በቆመለት የተቀደሰ ዓላማ ዝንተ ዓለም ህያው ሆኖ የሚኖር ነው። “ታላቁ የፍቅር መገለጫ፣ ራስን ለሌሎች አሳልፎ መስጠት ነው” ብሎ ያስተማረንና፣ በተግባርም ለእኛ ፍቅር ብሎ የተዋረደልን፣የተንገላታልን፣ በአሰቃቂ ሁኔታ የተገረፈልን፣ በመስቀልም ላይ ተቸንክሮ የሞተልን ፈጣሪያችን ቸሩ መድኃኒዓለም፣ በግፍ እየተጨፈጨፉ ለሚገኙ ንፁሀን ብሎ የሞተውን የፋኖ ፍቃደን ነፍስ ተቀብሎ በአፀደ ገነት ያኖርልን ዘንድ ሳንታክ እንለምነዋለን። ለቤተሰቡ ለወዳጆቹ እና ጓደኞቹ መፅናናትን እንመኛለን። የፋኖ ፈቃደን ቤተሰብ ማግኘት ለምትሹ:- ሞባይል ስልክ_ 0921595303 የእህቱ የባንክ ቁጥር:- ትዝብት ዘለቀ ኃ/ሚካኤል የኢትዮዸያ ንግድ ባንክ ደብረሲና ቅርንጫፍ 1000435106203 ክብር ለፋኖ ፍቃደ ሺፈራው ! ክብር ለሰማዕቶቻችን! ዘላለማዊ ክብር ለህያው እግዚአብሔር!

Source: Link to the Post

Leave a Reply