You are currently viewing የአማራ ፋኖ አንድነት በወሎ ዋርካው ምህረት (ምሬ) ወዳጆን ዋና አዛዥ አድርጎ መምረጡን አስታወቀ። አማራ ሚዲያ ማዕከል/አሚማ   ሚያዝያ 10 ቀን 2014 ዓ.ም         አዲስ አበባ ሸዋ…

የአማራ ፋኖ አንድነት በወሎ ዋርካው ምህረት (ምሬ) ወዳጆን ዋና አዛዥ አድርጎ መምረጡን አስታወቀ። አማራ ሚዲያ ማዕከል/አሚማ ሚያዝያ 10 ቀን 2014 ዓ.ም አዲስ አበባ ሸዋ…

የአማራ ፋኖ አንድነት በወሎ ዋርካው ምህረት (ምሬ) ወዳጆን ዋና አዛዥ አድርጎ መምረጡን አስታወቀ። አማራ ሚዲያ ማዕከል/አሚማ ሚያዝያ 10 ቀን 2014 ዓ.ም አዲስ አበባ ሸዋ የአማራ ፋኖ አንድነት በወሎ ዋርካው ምህረት (ምሬ) ወዳጆን ዋና አዛዥ አድርጎ መምረጡን የምስራቅ አማራ ፋኖ ምክትል አዛዥ እስራኤል እሸቴ ከአማራ ሚዲያ ማዕከል (አሚማ) ጋር ያደረጉት ቆይታ አመልክቷል። የአማራ ፋኖ አንድነት በወሎ የተለያዩ የፋኖ አደረጃጀቶችን ወደ አንድ ማምጣትን አላማው በማድረግ ሚያዚያ 9/2014 ዓ.ም በደሴ ምክክር ማድረጉን ፋኖ እስራኤል እሸቴ ለአሚማ ተናግረዋል። በመሆኑም የምስራቅ አማራ ፋኖ ጀኔራል አሳምነው ጽጌ ብርጌድ እና ምስራቅ አማራ ፋኖ ምኒሊክ ብርጌድ በሚል ሁለት ብርጌድ እንዲደራጁ እና በቀጣይም ሁለቱ ወደ አንድ በመቀጠልም ከሌሎች የፋኖ አደረጃጀቶች ጋርም በተናበበ መልኩ በመስራት በአንድ ዕዝ እንዲመሩ ለማድረግ እየተንቀሳቀሱ መሆኑ ተገልጧል። በዚህም መሰረት የአማራ ፋኖ አንድነት በወሎ 13 ስራ አስፈጻሚ አባላትን ሲመርጥ ዋርካው ምሬ ወዳጆን በዋና አዛዥነት የመረጠ መሆኑን ለማወቅ ተችሏል። አማራ ፋኖ አንድነት በወሎም የአማራ ፋኖ አንድነትን ለማምጣት የሚሰራ ኮሚቴ አዋቅሮ ወደ ስራ ማስገባቱን ነው ፋኖ እስራኤል እሸቴ ለአሚማ የገለጹት። ፋኖ የአማራን ህዝብ ከተጋረጠበት የህልውና አደጋ ለመታደግና የአማራን ህዝብ ሁለንተናዊ ጥያቄዎች ለማስመለስ ብሎም ኢትዮጵያን በሀገር ውስጥ እና በውጭ ካሉ ጠላቶቿ በመታደግ አንድነቷን የሚያጸና፣ የቀደምት ጀግኖቹን አደራ በኃላፊነት ስሜት የሚወጣ ከስርዓት እና ከመንግስት ጥገኝነት የተላቀቀ ህዝባዊ ኃይል መሆኑ በተደጋጋሚ ይገለጻል።

Source: Link to the Post

Leave a Reply