You are currently viewing የአንጋፋው የሥነ ጽሑፍ መምህር እና ሐያሲ ተባባሪ ፕሮፌሰር ዘሪሁን አስፋው ስርዓተ ቀብር ተፈጸመ የአማራ ሚዲያ ማዕከል የካቲት 29 2015 ዓ/ም አዲስ አበባ የአንጋፋው የሥነ ጽሑፍ መምህር…

የአንጋፋው የሥነ ጽሑፍ መምህር እና ሐያሲ ተባባሪ ፕሮፌሰር ዘሪሁን አስፋው ስርዓተ ቀብር ተፈጸመ የአማራ ሚዲያ ማዕከል የካቲት 29 2015 ዓ/ም አዲስ አበባ የአንጋፋው የሥነ ጽሑፍ መምህር…

የአንጋፋው የሥነ ጽሑፍ መምህር እና ሐያሲ ተባባሪ ፕሮፌሰር ዘሪሁን አስፋው ስርዓተ ቀብር ተፈጸመ የአማራ ሚዲያ ማዕከል የካቲት 29 2015 ዓ/ም አዲስ አበባ የአንጋፋው የሥነ ጽሑፍ መምህር እና ሐያሲ ተባባሪ ፕሮፌሰር ዘሪሁን አስፋው ስርዓተ ቀብር ዛሬ በአዲስ አበባ መንበረ ጸባዖት ቅድስት ሥላሴ ካቴድራል ተፈጽሟል። ተባባሪ ፕሮፌሰር ዘሪሁን አስፋው በኢትዮጵያ የሥነ ፅሑፍ እድገት ላይ ጉልህ አሻራ አኑረዋል። ከ1976 ዓ.ም ጀምሮ ህይወታቸው እስካለፈበት ጊዜ ድረስ በአዲስ አበባ ዩኒቨርሲቲ በመምህርነት፣ በተመራማሪነትና በአማካሪነት ሲሰሩ ቆይተዋል። በስነ ፅሑፍ ሃያሲነታቸው አንቱታን ያተረፉት ተባባሪ ፕሮፌሰር ዘሪሁን፤ በዩኒቨርሲቲው የቋንቋና ስነ ፅሑፍ ትምህርት ክፍል ኃላፊ በመሆንም አገልግለዋል። አንጋፋው የስነፅሑፍ ሰው “የሥነ ጽሑፍ መሰረታውያን”፣ “ከበዓሉ ግርማ እስከ አዳም ረታ” ስነ ፅሑፋዊ ተሀዝቦት እንዲሁም “የልብ ወለድ አዋጅ” የተሰኙ ሶስት መጻሕፍትን ለንባብ አብቅተዋል። በተጨማሪ የአጭር ልብወለድ ንድፍና ተግባራዊነት ላይ የሚያተኩር መፅሐፍ አጠናቀው ለሕትመት በማሰናዳት ላይ ነበሩ፡፡ በተለያዩ ጊዜያት ያቀርቧቸው የምርምር ሥራዎች፣ በውጭና በሀገር ውስጥ የምርምር መፅሔቶች ላይ ታትመውላቸዋል፡፡ በ1944 ዓ.ም በደሴ ከተማ የተወለዱት ተባባሪ ፕሮፌሰር ዘሪሁን፣ የሁለተኛ ደረጃ ትምህርታቸውን በደሴ ወይዘሮ ስህን ትምህርት ቤት ተከታትለው፣ በበዕደ ማርያም ትምህርት ቤት አጠናቅቀዋል። በቀድሞው የቀዳማዊ ኃይለ ሥላሴ ዩኒቨርሲቲ ደግሞ የከፍተኛ ትምህርታቸውን ተከታትለዋል። በዩኒቨርሲቲ ትምህርታቸው ላይ እንዳሉ ዩኒቨርሲቲው በሚሰጠው አገልግሎት በኤርትራ ከረን ለአንድ ዓመት እንዳስተማሩና በእድገት በህብረት ዘመቻ በዓድዋ በአካባቢ ዘምተው የህብረተሰብ አገልግሎት መስጠታቸውን በህይወት ታሪካቸው መመዝገቡን ኢዜአ ዘግቧል፡፡ የዩኒቨርሲቲ ትምህርታቸውን እንዳጠናቀቁ መጀመሪያ በአለማያ ኮሌጅ ቀጥሎም በአዲስ አበባ ዩኒቨርሲቲ ለ42 ዓመታት በምርምር፣ በማስተማርና በማማከር አገልግሎት ላይ ቆይተዋል። በሥራ ዘመናቸው የተለያዩ ሽልማቶችን የተቀዳጁት ተባባሪ ፕሮፌሰር ዘሪሁን የአንድ ሴት ልጅና የሶስት ወንድ ልጆች አባት ነበሩ። ተባባሪ ፕሮፌሰር ዘሪሁን ከህልፈተ ህይወታቸው ጥቂት ቀናት አስቀድሞ ኢቢሲ ከሰው መሆን ፊልም ፕሮዳክሽን ጋር በመተባበር “ፍቅር እስከ መቃብር” መፅሐፍን በቴሌቪዥን ድራማ ለማቅረብ እያደረገ ላለው ዝግጅት ሙያዊ ሀሳቦችን አካፍለው ነበር። በፍቅር እሰከ መቃብር መፅሐፍ ዙሪያ መልከ ብዙ ጥናቶችን እንዳደረጉም የሙያ አጋሮቻቸው መስክረዋል። ምንጭ ኢቢሲ

Source: Link to the Post

Leave a Reply