You are currently viewing የአዲስ አበባ ንግድ ቢሮ ለመጪዎቹ በዓላት የምርት እጥረት ስጋት የለብኝም አለ፡፡

የአዲስ አበባ ንግድ ቢሮ ለመጪዎቹ በዓላት የምርት እጥረት ስጋት የለብኝም አለ፡፡

የቢሮዉ ኃላፊ አቶ አደም ኑሪ ሸማቹ ህብረተሰብ የምርት እጥረት እንዳያጋጥመዉ የከተማ አስተዳደሩ በምክትል ከንቲባ የሚመራ ኮሚቴ ማቋቋሙን ገልፀዋል፡፡

ኮሚቴዉ በስሩ ሶስት ንኡሳን ኮሚቴዎችን ያቀፈ ሲሆን እስከ ወረዳ ድረስ ቁጥጥር የሚያደርግ መሆኑንም አስታዉቀዋል፡፡

ንኡሳን ኮሚቴዎቹ የአቅርቦት ሁኔታን የሚያመቻቹ፣ ህገወጥ እና ምክንያታዊ ያልሆነ የዋጋ ጭማሪን የሚቆጣጠር እና የሚከታተል እንዲሁም እለታዊ የዋጋ መረጃዎችን ተደራሽ የሚያደርግ ኮሚቴ መሆናቸዉም ተመላክቷል፡፡

ከግብርና እና ኢንደስትሪ ምርቶች ጋር በተያያዘ የከተማዋ ነዋሪ የሚፈልገዉን አጥንቻለዉ ያለዉ ቢሮዉ

ዶሮ 60 ሺህ

እንቁላል 6 ሚሊየን

ጤፍ 90 ሺህ ኩንታን

የፓልም ዘይት 5.4 ሚሊየን ሊትር

እና ስኳር 30 ሺህ ኩንታን ገበያዉ ላይ እንዲኖር እየሰራ እንደሚገኝ ቢሮዉ አስታዉቋል፡፡

በተጨማሪም 15 ሺህ ያህል የእርድ ከብት በ4ቱም የገበያ ማእከላት እና በጊዜያዊ የመሸጫ ቦታዎች ላይ ለሸማቹ እንዲቀርብ እየሰራሁ እገኛለዉ ብሏል ቢሮው፡፡

ተቆጣጣሪ ኮሚቴዉ ከፖሊስ ደንብ ማስከበር እና የምግብ እና መድኀኒት ቁጥጥር ባለስልጣን ጋር በመሆን፣ ያለ አግባብ እና ምክንያታዊ ያልሆነ የምርት ዋጋ ጭማሪን፣ የምርት መሸሸግ እንዳይኖር እና የጥራት ቁጥጥሮችን በፋብሪካዎች እና መጋዘኖች እንደሚያደርግ የተገለፀ ሲሆን ህብረተሰቡም አስፈላጊዉን ትብብር እንዲያደርግ ቢሮዉ ጥሪዉን አቅርቧል

በአብዱሰላም አንሳር

ታህሳስ 21 ቀን 2015 ዓ.ም

Facebooktwitterredditpinterestlinkedinmail

Source: Link to the Post

Leave a Reply