You are currently viewing የአዲስ አበባ እና የደብረ ማርቆስ ዩኒቨርስቲ ተማሪዎች፣ በአማራ ሕዝብ ላይ የሚፈጸመውን የዘር ፍጅት በመቃወም አደባባይ ወጥተዋል። አማራ ሚዲያ ማዕከል/አሚማ    ሰኔ 18 ቀን 2014 ዓ.ም…

የአዲስ አበባ እና የደብረ ማርቆስ ዩኒቨርስቲ ተማሪዎች፣ በአማራ ሕዝብ ላይ የሚፈጸመውን የዘር ፍጅት በመቃወም አደባባይ ወጥተዋል። አማራ ሚዲያ ማዕከል/አሚማ ሰኔ 18 ቀን 2014 ዓ.ም…

የአዲስ አበባ እና የደብረ ማርቆስ ዩኒቨርስቲ ተማሪዎች፣ በአማራ ሕዝብ ላይ የሚፈጸመውን የዘር ፍጅት በመቃወም አደባባይ ወጥተዋል። አማራ ሚዲያ ማዕከል/አሚማ ሰኔ 18 ቀን 2014 ዓ.ም አዲስ አበባ ሸዋ የአዲስ አበባ እና የደብረ ማርቆስ ዩኒቨርስቲ ተማሪዎች፣ በአማራ ሕዝብ ላይ የሚፈጸመውን የዘር ፍጅት በመቃወም ሰኔ 18/2014 አደባባይ ወጥተዋል። በአዲስ አበባ ዩኒቨርስቲ ሰላማዊ በሆነ መልኩ የዘር ማጥፋት ወንጀል እየተፈጸመበት ላለው ለሰፊው የአማራ ህዝብ ድምጽ ለመሆኑ በወጡ ተማሪዎች ላይ የፌደራል ፖሊስ ድብደባ እና እስር መፈጸሙን ተማሪዎች አረጋግጠዋል። በግቢው ውስጥ ያሉ ተማሪዎችም ጫና እየተደረገባቸው መሆኑን ጠቁመው ዩኒቨርስቲው ደህንነታችን ያስከብራል ብለን ለማመን ይቸግረናል ብለዋል። ከአሚማ ጋር ቆይታ ያደረጉ የአዲስ አበባ ዩኒቨርስቲ ተማሪዎች መንግስት በአማራ ላይ እየተፈጸመ ያለውን የዘር ፍጅት ለማስቆም አልቻለም ይልቁንስ እጁ አለበት በሚል ለወደፊቱም ትግላቸውን አጠናክረው እንደሚቀጥሉ ተናግረዋል። ተማሪዎች ” ሞት ይብቃን፣ አትግደሉን…ያልሞትነው ተራችን ገና ስለሆነ ነው ፣ ዛፉ ከሰው ልጅ ያንሳል እንጂ አይበልጥም ፣ አባይን የምንገድበው ለሰው ፣ ለድሃ እንጂ ለዛፍ ማጠጫ አይደለም” የሚሉና ሌሎች መልዕክቶችን አሰምተዋል። በተመሳሳይ የደብረ ማርቆስ ዩኒቨርስቲ ተማሪዎች በኦሮሚያ ክልል ፤ ምዕራብ ወለጋ ጊምቢ ወረዳ ፤ ቶሌ ቀበሌ ላይ ባለፈው ሰኔ 11 /2014 በአማራ ላይ የተፈፀመውን ጭፍጨፋ በሰላማዊ ሰልፍ አውግዘዋል። በደብረ ማርቆስ ዩኒቨርስቲ የተካሄደው የተቃውሞ ሰልፍ ከዩኒቨርስቲው ወደ ከተማ በማቅናት ፍጹም ሰላማዊ በሆነ መልኩ የተከናወነ መሆኑን አሚማ ያነጋገራቸው ተማሪዎች አስታውቀዋል። ሰኔ 17/2014 የጎንደር ዩኒቨርስቲ ተማሪዎችና መምህራን ፍጹም ላማዊ በሆነ መልኩ ድምጻቸውን ማሰማታቸው ይታወሳል።

Source: Link to the Post

Leave a Reply