You are currently viewing የአዲስ አበባ ከተማ አስተዳደር እስከ ነገ ከቀኑ 6:00 ሰዓት ድረስ ተገቢውን ምላሽ እንዲሰጥ የደብረ ዕንቁ ልደታ ለማርያም ሰበካ ጉባኤ ጽ/ቤት ጠየቀ። አማራ ሚዲያ ማዕከል/አሚማ   ግንቦት…

የአዲስ አበባ ከተማ አስተዳደር እስከ ነገ ከቀኑ 6:00 ሰዓት ድረስ ተገቢውን ምላሽ እንዲሰጥ የደብረ ዕንቁ ልደታ ለማርያም ሰበካ ጉባኤ ጽ/ቤት ጠየቀ። አማራ ሚዲያ ማዕከል/አሚማ ግንቦት…

የአዲስ አበባ ከተማ አስተዳደር እስከ ነገ ከቀኑ 6:00 ሰዓት ድረስ ተገቢውን ምላሽ እንዲሰጥ የደብረ ዕንቁ ልደታ ለማርያም ሰበካ ጉባኤ ጽ/ቤት ጠየቀ። አማራ ሚዲያ ማዕከል/አሚማ ግንቦት 5 ቀን 2014 ዓ.ም አዲስ አበባ ሸዋ የአዲስ አበባ ከተማ አስተዳደር እስከ ነገ ከቀኑ 6:00 ሰዓት ድረስ ተገቢውን ምላሽ እንዲሰጥ የደብረ ዕንቁ ልደታ ለማርያም ሰበካ ጉባኤ ጽ/ቤት ጠይቋል። ደብሩ በራሱ ይዞታ ላይ ለመሥራት ያቀደውና ግንባታው እየተፋጠነ የሚገኘውን በአይነቱ ልዩ የሆነ የመስቀል ግንባታ ፕሮጀክት ለመደገፍ የሩጫ መርሐግብር አዘጋጅቶ እየተንቀሳቀሰ መሆኑ ተገልጧል። ከመስከረም 29 ቀን 2014 ዓ.ም ጀምሮ የአዲስ አበባ ከተማ አስተዳደር ለሩጫ መርሐግብሩ ፈቃድ ሳይሰጥ መቆየቱ ይታወሳል። በተመሳሳይ የደብሩ ሰበካ ጉባኤ ያቋቋመው የሩጫ መርሐግብሩ አስተባባሪ ኮሚቴ ሩጫውን የፊታችን ግንቦት 7 ቀን 2014 ዓ.ም ለማከናወን የከተማ አስተዳደሩን ለአራተኛ ጊዜ የጠየቀ ቢሆንመ በመንግስት በኩል ምንም አይነት የፍቃድም ሆነ የክልከላ ምላሽ አለመሰጠቱ ተመላክቷል። የደብሩ ሰበካ ጉባኤ ጽ/ቤት በዛሬው ዕለት ባወጣው መግለጫ የከተማ አስተዳደሩ ተገቢውን ምላሽ እስከ ነገ ቅዳሜ ከቀኑ 6:00 ሰዓት ድረስ ምላሽ እንዲሰጥ ጠይቆ ተገቢውን ምላሽ የማያገኝ ከሆነ በሕግ አግባብ የቅድስት ቤተ ክርስቲያንን መብት ለማስከበር እንደሚሰራ ነው የገለፀው። ዘገባው የተዋህዶ ሚዲያ ማዕከል ነው።

Source: Link to the Post

Leave a Reply