You are currently viewing “የኢትዮጵያዊነት ስሜት አለህ ስለዚህ አንተ አማራ ነህ!” በሚል ቤቴን ነዳጅ አርከፍክፈው አቃጥሎብኛል፤ ሀብት ንብረቴን በሙሉ ዘርፈውኛል! አምሳ አለቃ ምስጋናው ገለታው ከሆሮ ጉድሩ ዞን አሙ…

“የኢትዮጵያዊነት ስሜት አለህ ስለዚህ አንተ አማራ ነህ!” በሚል ቤቴን ነዳጅ አርከፍክፈው አቃጥሎብኛል፤ ሀብት ንብረቴን በሙሉ ዘርፈውኛል! አምሳ አለቃ ምስጋናው ገለታው ከሆሮ ጉድሩ ዞን አሙ…

“የኢትዮጵያዊነት ስሜት አለህ ስለዚህ አንተ አማራ ነህ!” በሚል ቤቴን ነዳጅ አርከፍክፈው አቃጥሎብኛል፤ ሀብት ንብረቴን በሙሉ ዘርፈውኛል! አምሳ አለቃ ምስጋናው ገለታው ከሆሮ ጉድሩ ዞን አሙሩ ወረዳ! አማራ ሚዲያ ማዕከል/አሚማ… መስከረም 4 ቀን 2014 ዓ.ም አዲስ አበባ ሸዋ አምሳ አለቃ ምስጋናው ገለታው ባቦ ይባላሉ። በአካባቢው በየነ ገለታው በሚል ስምም ይታወቃሉ። አምሳ አለቃ ምስጋናው ይህን ሀገርና ህዝብን ለውስብስብ ፈተና የዳረገውን ዘረኛ አሰራር እንደማይደግፉት ይናገራሉ። በወያኔ መራሹ የኢህአዴግ ዘመን ለ12 ዓመታት በመከላከያ ሰራዊት ውስጥ አገልግለዋል። በምዕራብ እዝ የ43ኛ ክ/ጦር፣ 1ኛ ሬጅመንት፣ 1ኛ ሻምበል ውስጥ ያገለገሉት አምሳ አለቃው አሁን ላይ በሆሮ ጉድሩ ዞን አሙሩ ወረዳ መከኖ ቀበሌ እየኖሩ ነው። ይሁን እንጅ አሸባሪው፣ ወራሪውና ጽንፈኛው ኦነግ ሸኔ እና የክፉ አላማ ተጋሪዎቻቸው እየተከታተሉ አላስቀመጧቸውም። በተለይ ሀገራዊ እይታቸው ስለማይመቻቸው ለማጥፋት በየጊዜው የሚከታተሏቸው አምሳ አለቃ ምስጋናው ከመከላከያ ከወጡ በኋላ አሁን ላይ በሚሊሻነት እያገለገሉ መሆኑንም ጠቅሰዋል። ይሁን እንጅ እየተከታተሉ እረፍት የነሷቸው ጽንፈኛ ኦነጋዊያን ነሃሴ 27 ቀን 2013 ዓ/ም በ87 ዚንጎ ቆርቆሮ የሰሩትን የመኖሪያ ቤታቸውን ነዳጅ እያርከፈከፉ አቃጥለውባቸዋል። ነሃሴ 29 ቀን 2013 ደግሞ 5 ከብቶችን ዘርፈዉባቸዋል፤ 10 ኩንታል(ኩ/ል) በቆሎ፣3 ኩ/ል ጤፍ፣ 1 ኩ/ል ተኩል ስንዴ፣ 1 ኩ/ል ገብስ፣ 1 ኩ/ል አተር እንዲሁም4 ዘመናዊ እና 24 ባህላዊ ቀፎ አቃጥለውባቸዋል። አምሳ አለቃ ምስጋናው ፍትህ የሚፈልጉ መሆናቸውን ለአሚማ አስታውቀዋል። በተመሳሳይ የአሙሩ ወረዳ አስተዳዳሪ አቶ በላይ ጎሹ ለሚዲያ መረጃ ሰጥታችኋል በሚል በአካባቢው የሚኖሩ አማራዎችን በእኩልነት እያስተናገዱ እንዳልሆነ ተነግሯል። አቶ በላይ ግን የቀረበባቸውን ቅሬታ አስተባብለዋል።

Source: Link to the Post

Leave a Reply