የኢትዮጵያ ሰብአዊ መብቶች ኮሚሽን (ኢሰመኮ) በረቂቅ የወንጀል ሥነ-ስርዓት ሕጉ ላይ ታኅሣሥ 21 ቀን 2013 ዓ.ም. ለአንድ ቀን የቆየ ምክክር አዘጋጀ። አማራ ሚዲያ ማዕከል/አሚማ ታህሳስ…

የኢትዮጵያ ሰብአዊ መብቶች ኮሚሽን (ኢሰመኮ) በረቂቅ የወንጀል ሥነ-ስርዓት ሕጉ ላይ ታኅሣሥ 21 ቀን 2013 ዓ.ም. ለአንድ ቀን የቆየ ምክክር አዘጋጀ። አማራ ሚዲያ ማዕከል/አሚማ ታህሳስ 22 ቀን 2013 ዓ.ም አዲስ አበባ ሸዋ በምክክር መድረኩ ላይ የኮሚሽኑ ባለሞያዎች ረቂቁን ከሰብአዊ መብቶች አንፃር በመገምገም መነሻ ጽሁፍ ያቀረቡ ሲሆን በዚህ ላይ ከተለያዩ ባለድርሻ አካላት ግብረ መልሶችን ሰብስበዋል፡፡ የኢሰመኮ ዋና ኮሚሽነር ዶ/ር ዳንኤል በቀለ ይህ ሰነድ ለረጅም ዓመታት በስራ ላይ የሚቆይ ሕግ እንደመሆኑ፣ ከመፅደቁ በፊት በሰብአዊ መብቶች ላይ ስለሚኖረው ውጤት መምከር እጅግ አስፈላጊ እንደሆነ ተናግረዋል፡፡ ኮሚሽኑ ካዘጋጃጀው የምክክር መድረክ ቀደም ብለውም በተለያዩ ባለድርሻ አካላት የተዘጋጁ መድረኮች መኖራቸውን የገለፁት ዋና ኮሚሽነር ይህ የሚበረታታ መሻሻል እንደሆነና ሊቀጥል እንደሚገባ ገልጸዋል። ኮሚሽኑ ከባለድርሻ አካላት የተሰጡትን ግብዓቶች በማካተት በመብቶች አያያዝ ላይ ከፍተኛ ሚና ለሚኖረው ለዚህ ረቂቅ አዋጅ ግብዓት እንዲውል የማርቀቅ ኃላፊነቱን ለወሰደው ጠቅላይ ዓቃቤ ሕግ እና አርቃቂ ቡድኑ በቅርቡ እንደሚያስገባም ይጠበቃል ብሏል ኮሚሽኑ፡፡

Source: Link to the Post

Leave a Reply