You are currently viewing የኢትዮጵያ ሰብአዊ መብቶች ጉባኤ_ኢሰመጉ በኪረሞ ወረዳ ሀሮ አዲስ ዓለም ቀበሌ በአማራዎች ላይ ከተፈጸመው ጥቃት በተጨማሪ ርሃብ ስለመኖሩ መረጃ እንደደረሰው አስታወቀ። አማራ ሚዲያ ማዕከል/አ…

የኢትዮጵያ ሰብአዊ መብቶች ጉባኤ_ኢሰመጉ በኪረሞ ወረዳ ሀሮ አዲስ ዓለም ቀበሌ በአማራዎች ላይ ከተፈጸመው ጥቃት በተጨማሪ ርሃብ ስለመኖሩ መረጃ እንደደረሰው አስታወቀ። አማራ ሚዲያ ማዕከል/አ…

የኢትዮጵያ ሰብአዊ መብቶች ጉባኤ_ኢሰመጉ በኪረሞ ወረዳ ሀሮ አዲስ ዓለም ቀበሌ በአማራዎች ላይ ከተፈጸመው ጥቃት በተጨማሪ ርሃብ ስለመኖሩ መረጃ እንደደረሰው አስታወቀ። አማራ ሚዲያ ማዕከል/አሚማ ጥቅምት 4 ቀን 2014 ዓ.ም አዲስ አበባ ሸዋ የኢትዮጵያ ሰብአዊ መብቶች ጉባኤ_ኢሰመጉ በአስቸኳይ መግለጫው እንዳሰፈረው በኪረሞ ወረዳ ሀሮ አዲስ ዓለም ቀበሌ “ሸኔ” ሲሉ የሚጠሩት የሽብር ቡድን ከመስከረም 30 ሰን 2014 ጀምሮ በአማራዎች ላይ ጥቃት ስለመፈጸሙ መረጃ እንደደረሰው አስታውቋል። በተኩሱም የሰው ሕይወት ስለመጥፋቱ፣በጥቃቱ የቆሰለ እና ጫካ የገባ ስለመኖሩን፣በተጨማሪም ርሃብ ስለመኖሩ መረጃ ደርሶኛል ብሏል። በሕይወት የመኖር፣ የአካል ደህንነት፣ የነፃነት እንዲሁም የንብረት መብት ሁኔታዎች እንደ ሀገር በአሳሳቢነት ደረጃ መቀጠላቸውን የገለጸው ኢሰመጉ በኦሮሚያ ክልል በምስራቅ ወለጋ ዞን ኪረሙ ወረዳ፤ ሀሮ፣ ባጊን እና ኪረሙ ቀበሌዎች ከመስከረም ወር 2014 ዓ.ም ጀምሮ ባሉት ተከታታይ ቀናት በሸኔ ታጣቂዎች በነዋሪዎች ላይ ጥቃት ይፈፀም እንደነበር አውስቷል። መስከረም 26/2014 ዓ.ም በአካባቢው የነበረው የኦሮሚያ ልዩ ኃይል በግዳጅ ምክንያት ከአካባቢው መውጣቱን ተከትሎ ከመስከረም 30/2014 ዓ.ም ጀምሮ ባሉት ተከታታይ ቀናት የሸኔ ታጣቂዎች ተኩስ በመክፈት የአማራ ብሔር ተወላጅ የሆኑ ሰዎችን እንደገደሉ፣ የአካል ጉዳት እንዳደረሱ እና ንብረትም እንዳወደሙ ከምንጮች መረዳቱን ገልጧል። ታጣቂዎቹ በአካባቢው በመኖራቸው የተነሳ ነዋሪዎች የሟቾችን አስክሬን ለማንሳት እና የአካል ጉዳት የደረሰባቸውን ሰዎች ወደ ህክምና ለመውሰድ እየተቸገሩ መሆናቸውን በወቅቱ ስለመግለጻቸው አስታውቋል። ሴቶች እና ሕፃናት አሁንም በጫካ ውስጥ እንዳሉ እና ለጥቃት እንደተጋለጡ እንዲሁም ነዋሪዎች በምግብ እጦት ላይ መሆናቸውን ኢሰመጉ ካሰባሰባቸው መረጃዎች ለመረዳት ችሏል ነው ያለው፡፡ ለግዳጅ ሄዶ የነበረው የኦሮሚያ ልዩ ኃይልም በ2/2/2014 ዓ.ም ወደ ሀሮ ቀበሌ ተመልሶ የነበረ ቢሆንም በእለቱ አመሻሹን ተመልሶ ስለመውጣቱ በመግለጫው አካቷል። የሸኔ ታጣቂዎች በአካባቢው በብዛት እንዳሉ እና ነዋሪዎች በከፍተኛ የደህንነት ስጋት ውስጥ መሆናቸውን እንዲሁም ይህ መግለጫ እስከሚወጣበት ቀን ድረስ በአካባቢው የተኩስ ድምፅ እንደነበር ለኢሰመጉ የሚደርሱት መረጃዎች እንዳመለከቱ ገልጧል። አሚማ አሸባሪው ኦነግ ሸኔ በንጹሃን አማራዎች ላይ ለአራተኛ ቀን ዛሬ ጥቅምት 4 ቀን 2014 ግልጽ ጦርነት ከፍቶ ስለመዋሉ እና አንድም የመንግስት አካልና ሰብአዊ እርዳታ እንዳልደረሳቸው ተጎጅዎችን ዋቢ አድርጎ መዘገቡ ይታወሳል።

Source: Link to the Post

Leave a Reply