You are currently viewing የኢትዮጵያ ሰብዓዊ መብቶች ጉባዔ (ኢሰመጉ) “የሰዎች በህይወትና በሰላም የመኖር መብት ይከበር!” በሚል ባወጣው አስቸኳይ መግለጫ  በአሙሩ ወረዳ አጋምሳ ቀበሌ የሸኔ ታጣቂ ቡድን ማንነት ተኮ…

የኢትዮጵያ ሰብዓዊ መብቶች ጉባዔ (ኢሰመጉ) “የሰዎች በህይወትና በሰላም የመኖር መብት ይከበር!” በሚል ባወጣው አስቸኳይ መግለጫ በአሙሩ ወረዳ አጋምሳ ቀበሌ የሸኔ ታጣቂ ቡድን ማንነት ተኮ…

የኢትዮጵያ ሰብዓዊ መብቶች ጉባዔ (ኢሰመጉ) “የሰዎች በህይወትና በሰላም የመኖር መብት ይከበር!” በሚል ባወጣው አስቸኳይ መግለጫ በአሙሩ ወረዳ አጋምሳ ቀበሌ የሸኔ ታጣቂ ቡድን ማንነት ተኮር ጥቃት መፈጸሙን ገለጸ። አማራ ሚዲያ ማዕከል/አሚማ ጳጉሜ 4 ቀን 2014 ዓ.ም… አዲስ አበባ ሸዋ በኦሮሚያ ክልል ሆሮጉድሩ ወለጋ ዞን አሙሩ ወረዳ አጋምሳ ከተማ ላይ ነሃሴ 23/2014 ዓ.ም የሸኔ ታጣቂ ቡድን በአካባቢው በመግባት ማንነትን መሰረት በማድረግ በርካታ የአካባቢውን ንጹሃን ሰዎች መግደሉን አስታውቋል። ከዚህ በተጨማሪም በርካታ ሰዎችን ማፈኑን ገልጧል። ይህ ድርጊት የተፈጸመውም አካባቢው ላይ የነበረው የጸጥታ ኃይል ነሃሴ 22/2014 ዓ.ም. አካባቢውን ለቆ ወደ ሌላ ግዳጅ ከሄደ በኋላ መሆኑን ጠቅሷል። በዚህም ምክንያት በአጠቃላይ ከነሃሴ 23 እስከ 25/12/2014 ዓ.ም ድረስ በርካታ ንጹሃን የአካባቢው ተወላጆች መገደላቸውን፣ የአካል ጉዳት እንደደረሰባቸው እንዲሁም በአጋምሳ ከተማ የነበሩ በርካታ ሰዎች አካባቢውን ለቀው በመሄድ በከፍተኛ ችግር ውስጥ እንደሚገኙ ኢሰመጉ አካባቢው ላይ ከነበሩ ሰዎች አገኘሁት ያለውን መረጃ ዋቢ በማድረግ በሪፖርቱ አካቷል። ወደፊት ጥልቅ ምርመራ በማድረግ በጥቃቱ ዙሪያ ዝርዝር ሪፖርት እንደሚያቀርብ የገለጸው ኢሰመጉ ዘር ተኮር ግድያ፣ እገታ እና መፈናቀል በንጹሃን ላይ በሸኔ ታጣቂ ቡድን ተፈጽሟል ከማለት ያለፈ ጥቃቱ በአማራዎች ላይ ስለመፈጸሙ ስም ጠርቶ በግልጽ ለማስፈር አልቻለም። አማራ ሚዲያ ማዕከል (አሚማ) ከማንነት ተኮር ጥቃቱ የተረፉ ሰዎችን ዋቢ በማድረግ በአማራዎች ላይ የተፈጸመውን የአሸባሪው ሸኔን ጥቃት ተከትሎ ከ43 በላይ አማራዎች ታግተው በጥይትና በስለት ስለመገደላቸው መዘገቡ ይታወሳል። በመጨረሻም ኢሰመጉ መንግስት ማንነት ላይ መሰረት ያደረጉ ጥቃቶችና የደህንነት ስጋት አለባቸው የሚባሉ አካባቢዎችን በመለየት የጸጥታ ሁኔታዎችን በትኩረት መከታተል የሰዎች በህይወትና በሰላም የመኖር፣ ንብረት የማፍራት መብቶች እንዲጠበቁ ኃላፊነቱን እንዲወጣ ጠይቋል። በደረሰባቸው ጥቃት ምክንያት ሆሮጉድሩ ወለጋ ዞን አሙሩ ወረዳ አጋምሳ ከተማ የተፈናቀሉ ሰዎች እንዲቋቋሙ፣ ሰብዓዊ እርዲታና ፍትህ እንዲያገኙ እንዲደረግ እንዲሁም ደህንነታቸው ተጠብቆ፣ ንብረት አፍርተው በነጻነት እንዲኖሩ ዋስትና እንዲሰጥ እና የሚሰጡ ድጋፎችም ለሚያስፈልጋቸውና ለጥቃት ተጋላጭ ለሆኑ የሕብረተሰብ ክፍሎች ትኩረት እንዲደረግ አሳስቧል።

Source: Link to the Post

Leave a Reply