You are currently viewing የኢትዮጵያ አየር መንገድ በአፍሪካ ቀዳሚ የሚያደርገውን እጅግ ዘመናዊ አውሮፕላን በእጁ ሊያስገባ ነው።

የኢትዮጵያ አየር መንገድ በአፍሪካ ቀዳሚ የሚያደርገውን እጅግ ዘመናዊ አውሮፕላን በእጁ ሊያስገባ ነው።

አየር መንገዱ ከቦይንግ ኩባኒያ ታሪካዊ ያለውን ስምምነት ፈጽሟል።

የኢትዮጵያ አየር መንገድ እስካሁን በእጁ ከሚገኙት አውሮፕላኖች በሁለ ነገራቸው የተለዩ ናቸው የተባሉት ትሪፕል 777X አውሮፕላን ከቦይንግ ኩባንያ ለመግዛት ነው ስምምነት የፈፀመው።

የኢትዮጵያ አየር መንገድ ዋና ስራ አስፈጻሚ መስፍን ጣሰው እንደተናገሩት አየር መንገዱ ከቦይንግ ኩባኒያ ጋር ያደረገው ስምምነት ታሪካዊ መሆኑን ተናግረው የአፍሪካ ኩራት መሆናችንን ያሳያል ብለዋል።

በስምምነቱ መሰረት አየር መንገዱ የሚገዛቸው እነዚህ 20 ትሪፕል 777X አውሮፕላኖች ጠቅላላ ዋጋቸው 3.5 ቢሊዮን ዶላር መሆኑን ስራ አስፈጻሚው ተናግረዋል።

ይህ ማለት የአንዱ ትሪፕል 777X አውሮፕላን ዋጋ 440 ሚልዮን ዶላር ወይም በኢትዮጵያ 24.6 ቢልዮን ብር እንደሆነ ነው የተገለጹት።

አየር መንገዱ በፈረንጆቹ 2027 አመት ላይ ስምንት አውሮፕላኖች ለመግዛት 197 ቢልዮን ብር በላይ ወጪ የሚያደርግ ይሆናል።

ይህ ስምምነት የኢትዮጵያ አየር መንገድ እስከ 20 ተጨማሪ አውሮፕላኖች ለመግዛት መብት እንደሚሰጠው የቦይንግ ኩባኒያ ምክትል ስራ አስኪያጅ ብራድ ማክ ሙለን ተናግረዋል።

እንደዚሁም የኢትዮጵያ አየር መንገድ እስካሁን ድረስ ከቦይግ ኩባኒያ 104 ያህል አውሮፕላኖች እንደገዛም ነው ሃላፊው የተናገሩት።

የእነዚህ የቦይንግ አዲስ ትሪፕል 777X አውሮፕላኖች ግዢ አየር መንገዱን ከአፍሪካ ቀዳሚ እንደሚያደርገውም መስፍን ጣሰው ተናግረዋል።

ስምምነቱን ቦታው ላይ ሆኖ የተከታተለው ባልደረባችን ሔኖክ ወ/ገብርኤል ቦይንግ 777X አውሮፕላኖች የድሪምላይነር አውሮፕላን ሞዴል መሰል ሆነው የተሰሩ መሆናቸውና የዘመኑ ቴክኖሎጂዎች የተገጥመላቸው እንደሆኑ ነው የገለጸው።

እንደዚሁም አየር መንገዱ አሁን የሚገዛቸው ትሪፕል 777X አውሮፕላኖች የተሰሩበት ካርበን ፋይበር የተሰኝው መሳርያ አየር መንገዱ የነዳጅ ወጪውን እስከ 10 በመቶ እንዲቀንስ ያደርገዋል ሲል ባልደረባችን ሔኖክ ወ/ገብርኤል ዘግቧል።

Facebooktwitterredditpinterestlinkedinmail

Source: Link to the Post

Leave a Reply