የኢትዮጵያ አየር መንገድ እያሰመዘገበ ላለው አመርቂ የስራ አፈጻጸም ገንዘብ ሚኒሰቴር ምሰጋና አቀረበ

የኢትዮጵያ አየር መንገድ እያሰመዘገበ ላለው አመርቂ የስራ አፈጻጸም ገንዘብ ሚኒሰቴር ምሰጋና አቀረበ

አዲስ አበባ፣ ታህሳስ 21፣ 2013(ኤፍ ቢ ሲ) የገንዘብ ሚኒሰቴር በአለም አቀፍ ደረጃ የተከሰተው የኮሮና ቫይረስ ወረርሽኝ በአቪዬሽን ኢንዱስትሪው ላይ ያሳደረውን ተፅዕኖ ለመቋቋም የሚያስችሉ ስትራቴጂዎችን በመጠቀም የኢትዮጵያ አየር መንገድ ስለወሰዳቸው እርምጃዎች ምስጋና አቀረበ፡፡

ዛሬ የአየር መንገድ የስራ አፈጻጸም በገንዘብ ሚኒሰቴር በተገመገመገበት ወቅት ሚኒስትሩ አቶ አህመድ ሽዴ የአየር መንገዱ አመራር በወሰዳቸው ፈጣንና ፈጠራ የተሞላበት እርምጃዎች አሁን ለተገኘው ውጤት ወሳኝ ሚና እንደነበራቸው ገልፀዋል፡፡

በተጨማሪም ሚኒስትሩ በአየር መንገዱ የተወሰዱ የአመራር ውሳኔዎች አየር መንገዱን ከአፍሪካ አልፎ በአለም አቀፍ ደረጃ ተመራጭ እንዲሆን እንዳስቻለው ሚኒስትሩ ተናግረዋል፡፡

የኢትዮጵያ አየር መንገድ ዋና ስራ አስፈፃሚ አቶ ተወልደ ገ/ማሪያም ሪፖርታቸውን ባቀረቡበት ወቅት እንደተናገሩት አየር መንገዱ ቢዘህ ወቅት ውጤታማ መሆን የቻለው የቦርዱ አመራር፣ አስተዳደር አካለትና ሰራተኞች ቁርጠኛና ጠንካራ የስራ ባህል ስላላቸው እንደሆነ አስረድተዋል፡፡

በዚህ ወቅት ሌሎች አየር መንገዶች ኪሳራ ሲደርስባቸውና ሰራተኞቻቸውን ሲበትኑ፣ የኢትዮጵያ አየር መንገድ ግን የሚሰጣቸውን አገልግሎቶች በማስፋፋትና ትኩረቱን በመለዋወጥ በተለይም የካርጎ፣ የጥገና እና የሆቴል አገልግሎቶችን በስፋት በማከናወን የተሻለ ገቢ ማግኘት መቻሉን እንደተናገሩ ነው ከገንዘብ ሚኒስቴር ያገኘነው መረጃ የሚያመለክተው፡፡

አቶ ተወልደ በተጨማሪም እንደገለፁት ኤርፖርቶች እና ተርሚናሎች በተለያዩ የሀገሪቱ ክፍሎች በቀጣይነት እንደሚገነቡ ገልፀዋል፡፡

አየር መንገዱ የኮሮና ቫይረስ ወረርሽኝ ስርጭትን በመከላከል የመንገደኞቹንና የሰራተኞቹን ጤንነት ለመጠበቅ የተለያዩ እርምጃዎችን በመወሰድ የሰው ህይወት በማዳን ለሎሎች ተቋማት ተምሳሌት እንደሆነ በግምገማው ወቅት ተብራርቷል፡፡

ከፌስቡክ ገፃችን በተጨማሪ ወቅታዊ፣ ትኩስ እና የተሟሉ መረጃዎችን ለማግኘት፡-

የፋና ድረ ገጽ https://www.fanabc.com/ ይጎብኙ፤

ተንቀሳቃሽ ምስሎችን ለማግኘት የፋና ቴሌቪዥን የዩቲዩብ ቻናል https://www.youtube.com/c/fanabroadcastingcorporate/ ሰብስክራይብ ያድርጉ

ፈጣን መረጃዎችን ለማግኘት ትክክለኛውን የፋና ቴሌግራም ቻናል https://t.me/fanatelevision ይቀላቀሉ

ከዚህ በተጨማሪም በትዊተር ገጻችን https://twitter.com/fanatelevision ይወዳጁን

ዘወትር ከእኛ ጋር ስላሉ እናመሰግናለን!

The post የኢትዮጵያ አየር መንገድ እያሰመዘገበ ላለው አመርቂ የስራ አፈጻጸም ገንዘብ ሚኒሰቴር ምሰጋና አቀረበ appeared first on Welcome to Fana Broadcasting Corporate S.C.

Source: Link to the Post

Leave a Reply