You are currently viewing የኢትዮጵያ ዕርቀ ሰላም ኮሚሽን መፍረሱ ተገለጸ!! ባህርዳር :- የካቲት 22/2014                   አሻራ ሚዲያ #Ethiopia  | ኮሚሽኑ ቢሮውን ከነቁሳቁሱ እንዲሁም ከዘንድ…

የኢትዮጵያ ዕርቀ ሰላም ኮሚሽን መፍረሱ ተገለጸ!! ባህርዳር :- የካቲት 22/2014 አሻራ ሚዲያ #Ethiopia | ኮሚሽኑ ቢሮውን ከነቁሳቁሱ እንዲሁም ከዘንድ…

የኢትዮጵያ ዕርቀ ሰላም ኮሚሽን መፍረሱ ተገለጸ!! ባህርዳር :- የካቲት 22/2014 አሻራ ሚዲያ #Ethiopia | ኮሚሽኑ ቢሮውን ከነቁሳቁሱ እንዲሁም ከዘንድሮው በጀቱ የቀረውን በሙሉ ለአገራዊ ምክክር ኮሚሽን እንዲያስረክብ በቃል መታዘዙም ታውቋል። ከሶስት ዓመታት በፊት በአዋጅ የተቋቋመው የኢትዮጵያ እርቀ ሰላም ኮሚሽን የተቋቋመበትን ዓላማ ሳያሳካ መፍረሱ ተገለጸ፡፡ ኮሚሽኑ በአዋጅ የተሰጠው የስልጣን ዘመን መገባደጃ ላይ ለህዝብ ተወካዮች ም/ቤት የስልጣን ጊዜ እንዲራዘምለት ጠይቆ ነበር። እስካሁን በህዝብ ተወካዮች ም/ቤት በኩል የኮሚሽኑን የሥራ ጊዜ ለማራዘም ዝግጁነት እንደሌለ ተነግሯል። ይህንን ተከትሎ የእርቀ ሰላም ኮሚሽን ቢሮውን ከነቁሳቁሱ እንዲሁም ከዘንድሮው በጀቱ የቀረውን በሙሉ በቅርቡ ለተቋቋመው ለአገራዊ ምክክር ኮሚሽን እንዲያስረክብ በቃል መታዘዙም ታውቋል። ኮሚሽኑ በሥራ በቆየበት 3 ዓመት መንግስት በየዓመቱ በሚሊዮን የሚቆጠር ገንዘብ ሲመድብለት የነበረ ሲሆን፤ በሥራ ዘመኑ መጠናቀቂያ 2014 በጀት ዓመት ከ21 ነጥብ 4 ሚሊዮን ብር በላይ አጠቃላይ በጀት ተይዞለት ነበር። ከሃምሌ ወር 2013 ጀምሮ የሥራ ዘመኑ እስካበቃበት ባለፈው ጥር ወር መጨረሻ ኮሚሽኑ ከተመደበለት በጀት ከ4 ሚሊዮን ብር በላዩን የተጠቀመ ሲሆን ቀሪውን ለምክክር ኮሚሽን እንዲያስረክብ ታዟል። በያዝነው የካቲት ወር የህዝብ ተወካዮች ም/ቤት ለእርቀ ሰላም ኮሚሽን በፃፈው ደብዳቤ ኮሚሽኑ የሥራ ዘመኑ መጠናቀቁን ገልጾ፤ ባለፉት 3 ዓመታት ያከወናቸውን ሥራዎች በተመለከተ የተጠቃለለ ሪፖርት ለሚመለከተው አካል እንዲያቀርብ ማሳሰቡን ሸገር ኤፍ ኤም ሬድዮ ዘግቧል። የእርቀ ሰላም ኮሚሽን ግጭትና ቁርሾን በአገራዊ እርቅ ደምድሞ ሰላም የሰፈነባትን ኢትዮጵያን ይፈጥራል፤ ለዘመናት የዘለቁ ግጭቶችን መንስኤ ከመሰረቱ በማጥናት መፍትሄ ለማምጣት ያግዛል ተብሎ የተቋቋመ ነበር። በተጨማሪ በዳይና ተበዳዮችን የመለየት ሥራ ሰርቶ ይቅር ያባብላል፣ ሌሎችም በአዋጅ የተሰጠውን ኃላፊነትና ግዴታ ተወጥቶ ኢትዮጵያን ሰላም ያደርጋል ተብሎ ተስፋ የተጣለበት ቢሆንም ፍሬውን ሳያሳይ የሥራ ዘመኑ ማብቃቱ ተገልጿል።(አዲስ ማለዳ) ፎቶ:- የእርቀሰላም ኮምሽን አባላት ለፈጣንና አዳዲስ መረጃዎች የአይበገሬዎቹ ልሳን:- ቴሌግራም :- https://t.me/asharamedia24 Facebook :- https://www.facebook.com/asharamedia24 youtube :- https://www.youtube.com/channel/UChir2nIy58hlLQRYyHIQeHA

Source: Link to the Post

Leave a Reply