You are currently viewing # የኢትዮጵያ የፌዴራል ጠበቆች ማኅበር ተቃውሞ ገጠመው! ሰ.ሜሪካ :- ሐምሌ 27/2014 ዓ.ም                    አሻራ ሚዲያ አዲስ የተቋቋመው የኢትዮጵያ የፌደራል ጠበቆች ማኅበ…

# የኢትዮጵያ የፌዴራል ጠበቆች ማኅበር ተቃውሞ ገጠመው! ሰ.ሜሪካ :- ሐምሌ 27/2014 ዓ.ም አሻራ ሚዲያ አዲስ የተቋቋመው የኢትዮጵያ የፌደራል ጠበቆች ማኅበ…

# የኢትዮጵያ የፌዴራል ጠበቆች ማኅበር ተቃውሞ ገጠመው! ሰ.ሜሪካ :- ሐምሌ 27/2014 ዓ.ም አሻራ ሚዲያ አዲስ የተቋቋመው የኢትዮጵያ የፌደራል ጠበቆች ማኅበር የቦርድ አባላት ውስጥ ሴቶች ባለሙያዎች እንዲካተቱ ባለመደረጉ ነው ተቃውሞው የተነሳው። ከነዚሁ ከቀናት በፊት ሥራቸውን ከጀመሩት የቦርድ አባላት መካከል ሴት የሕግ ባለሙያዎች አለመካተታቸውን በተመለከተ ተቃውሞውን ያሰማው የኢትዮጵያ ሕግ ባለሙያ ሴቶች ማኅበር ነው። በኢትዮጵያ ውስጥ ለዘመናት የሕግ ሙያ ራሱን በራሱ የሚያስተዳድርበትን የጠበቆች ማኅበር ማቋቋም ሳይቻል ቀርቶ በዚህ ዓመት ነበር በከፊል ዘርፉን የማስተዳደር ሥልጣን ይዞ ወደ ሥራ እንዲገባ የተደረገው። ይህ ማኅበር በተቋቋመበት አዋጅ መሠረትም ጠቅላይ ሚኒስትሩ የማኅበሩን የቦርድ አባላት የሚሾሙ ሲሆን በዚህ መሠረት አባላቱ ተሹመዋል። በዚህም በጠቅላይ ዐቃቤ ሕግ አቅራቢነት በጠቅላይ ሚኒስትሩ ሰባት አባላት ያሉት ቦርድ የተሾመ ሲሆን፣ ከቦርድ አባላቱ መካከል አንዲት ሴት እንኳን አለማካተቱ ቅሬታ እንዲነሳ ምክንያት ሆኗል። ሰባት አባላት ባሉት ቦርድ ውስጥ የሴቶች ተሳትፎ አለመኖሩ ላይ ቅሬታ ያቀረበው እና ውሳኔው እንዳሳሳበው የኢትዮጵያ ሕግ ባለሙያ ሴቶች ማኅበር ገልጿል። ማኅበሩ እስከ ቅርብ ጊዜ ድረስ ባለው መረጃም ኢትዮጵያ ውስጥ ካሉ 3089 የፌደራል ጠበቆች ውስጥ 362ቱ ብቻ ሴቶች መሆናቸውን ይፋ አድርጓል። በሙያው ውስጥ ቁልፍ ሚና ይጫወታል ተብሎ በሚታመነው የዚህ ቦርድ የአመራር ቦታ ላይ ታዲያ ሴቶች አለመካተታቸው በሙያው ውስጥ ያሉ ሴቶችን ያላሳተፈ መሆኑ ጫናው ቀላል አይሆንምም ብሏል ማኅበሩ። የኢትዮጵያ ሕግ ባለሙያ ሴቶች ማኅበር ከዚህ ቀደም በፌደራል መንግሥቱ እና በትግራይ ኃይሎች መካከል የሚደረገውን ድርድር ሁለቱም ተደራዳሪ አባላትን በሚያዋቅሩበት ወቅት የማኅበረሰቡ ግማሽ አካል የሆኑትን ሴቶችን አላሳተፉም ሲል መግለጫ ማውጣቱ ይታወሳል። ሐምሌ 27ቀን 2014 ዓ/ም ለፈጣንና አዳዲስ መረጃዎች የአይበገሬዎቹ ልሳን:- Youtube:- https://www.youtube.com/channel/UCPmgFzP2ZPmdGjHxXjigJaw Facebook:- https://www.facebook.com/asharamedia24 ቴሌግራም:- https://t.me/asharamedia24

Source: Link to the Post

Leave a Reply