You are currently viewing የኢፌዴሪ ፌዴሬሽን ምክር ቤት ታሪካዊ ስህተት እንዳይሠራ ሲሉ የጉራጌ ሲቪክ ማህበራት ጥሪ አቀረቡ። አማራ ሚዲያ ማዕከል/አሚማ    ነሃሴ 9 ቀን 2014 ዓ.ም        አዲስ አበባ ሸዋ የ…

የኢፌዴሪ ፌዴሬሽን ምክር ቤት ታሪካዊ ስህተት እንዳይሠራ ሲሉ የጉራጌ ሲቪክ ማህበራት ጥሪ አቀረቡ። አማራ ሚዲያ ማዕከል/አሚማ ነሃሴ 9 ቀን 2014 ዓ.ም አዲስ አበባ ሸዋ የ…

የኢፌዴሪ ፌዴሬሽን ምክር ቤት ታሪካዊ ስህተት እንዳይሠራ ሲሉ የጉራጌ ሲቪክ ማህበራት ጥሪ አቀረቡ። አማራ ሚዲያ ማዕከል/አሚማ ነሃሴ 9 ቀን 2014 ዓ.ም አዲስ አበባ ሸዋ የፌደሬሽን ምክር ቤት ታሪካዊ ስህተት እንዳይሰራ ሲሉ የጉራጌ ሲቪክ ማህበራት የተላለፈ ምክረ ሀሳብ ያዘለ ጥሪ:_ ለኢፌዴሪ የፌዴሬሽን ምክር ቤት ለኢፌዴሪ ጠ/ሚኒስትር ክቡር ዶ/ር ዐብይ አህመድ ለኢፌዴሪ ም/ጠ/ሚኒስትር ክቡር አቶ ደመቀ መኮንን ለብልጽግና ፓርቲ ጽ/ቤት ኀላፊ ክቡር አቶ አደም ፋራህ ለብልጽግና ፓርቲ ሥራ አስፈጻሚ ኮሚቴ አባላት አዲስ አበባ ጉዳዩ፦ የኢፌዴሪ ፌዴሬሽን ምክር ቤት ታሪካዊ ስህተት እንዳይሠራ የቀረበ መምከሪያ ነጥቦች የጉራጌ የክልልነት ጥያቄን በመንግስት የክላስተር አደረጃጀት እንዲቀየር የጸጥታ መዋቅሩ፣ የኮማንድ ፖስቱ እና ከላይ እስከ ታች ያለው የብልጽግና አመራር ተደምሮ በግፊት የመጣ መዋቅር መሆኑ ይታወቃል። ይህንን አስከትሎ ከጉራጌ ዞን ካሉ ማህበረሰቦች ጋር ምክክሮች ከተደረጉ በኋላ ትክክለኛውን የሕዝብ ድምጽ በሚወክሉ የሕዝብ እንደራሴዎች አማካይነት 52 ለ 40 የክላስተር አደረጃጀት ሐሳቡ ውድቅ ሆኗል፡፡ ይሁን እንጂ የክላስተር አደረጃጀት ሐሳቡ ውድቅ የተደረገበት የአመራር አካል የሚከተሉትን ሕገወጥ ድርጊቶች እየፈጸመ ነው፡፡ 1) ይህ ሕጋዊ ስብሰባ የትኛውም የወረዳ፣የዞን፣የክልል እና የፌዴራል የመንግስት እና የመንግስት ሚዲያዎች አልዘገቡትም፡፡ ይህ የሕዝብን ድምጽ መናቅና ዴሞክራሲያዊ ውሳኔን መደፍጠጥ ነው፡፡ በግልባጩ በሕገ ወጥ መንገድ እየተካሄዱ ያሉ የተወሰኑ የወረዳ ም/ቤት ስብሰባዎችን እየዘገቡ ነው፡፡ 2) የመንግስት ሚዲያዎች የጉራጌ ዞን የነሐሴ 05 ቀን የዞን ም/ቤት ውሳኔ ካለመዘገባቸውም በላይ በዕለቱ የግል ሚዲያዎች የዘገቡት እና የቀረጹት ሚሞሪ የደህንነት መዋቅሩ ወስዶባቸዋል፤ 3) ኮማንድ ፖስቱ በዞኑ ውስጥ ምንም ዓይነት ስብሰባ እንዳይካሄድ ወስኖ ሳለ ህጉን በተጣረሰ መልኩ የቀቤናና የማረቆ ወረዳዎች ውስጥ የዞኑ ምክር ቤት አጽድቆ የወሰነውን በመቃወም የክላስተር አደረጃጀትን ለማስመለስ የወረዳ ምክር ቤት ስብሰባ ተካሂዷል። ይህንን ሂደት ማስቆም የሚገባቸው አካላት ምንም ሲያደርጉ አልታየም። 4) በርግጥ የወረዳ ምክር ቤቶች በዞን ምክር ቤት የተወሰነ ውሳኔን የመሻር ሕጋዊ መብትም የላቸውም። በመሆኑም የዚህ ዓይነቱ ሕገ ወጥ አካሄድ እንደ ሀገር ዴሞክራሲያዊ ማዕከላዊነትን የሚንድና በሀገራችን የዴሞክራሲ ሥርዓት መጥፎ ጠባሳ ጥሎ የሚያልፍ ነው፡፡ 5) ረቡዕ ነሐሴ 11 ቀን 2014 ዓ/ም የጠራው የፌዴሬሽን ም/ቤት ክላስተሩን ያጸደቁ 10 ዞኖችና 6 ልዩ ወረዳዎችን ስብሰባ የጠራ ቢሆንም ማዕከላዊ አጀንዳው የጉራጌ ጉዳይ እንደሚሆን ይጠበቃል፡፡ ጉራጌን ወክለው በፌዴሬሽን ምክር ቤት የተወከሉት ሶስት የጉራጌ ብልጽግና አባላት ተወካዮችም የክላስተር አደረጃጀት ተግባራዊ እንዲደረግ ሽንጣቸውን ገትረው ሲሰሩ የነበሩ አመራሮች ናቸው፡፡ በመሆኑም ረቡዕ በሚደረገው የፌዴሬሽን ምክር ቤት ስብሰባ ከጉራጌ ጥቅም የተጻረረ አቋም ይዘው እንደሚገቡ እናምናለን፡፡ ስለዚህም፦ 1) የፌዴሬሽን ምክር ቤት የጉራጌ ዞን የሕዝብ እንደራሴዎች ከሦስት ዓመት በፊት ያቀረቡት የጉራጌ የክልልነት ጥያቄ ምላሽ እንዲሰጥበት አበክረን እንጠይቃለን፡፡ 2) የብልጽግና ፓርቲና እሱ የሚመራው መንግስት ነሐሴ 05 ቀን 2014 ዓ/ም የክላስተር አደረጃጀትን የዞኑ ም/ቤት ውድቅ ያደረገው በመሆኑ፤ ሕገ ወጥ ድርጊቶችን ከማድረግ እንዲቆጠቡ እንጠይቃለን፡፡ 3) ከመንግስት ፍላጎት ውጪ ሰላማዊ በሆነ መልኩ ክርክር ተደርጎበት ሕዝብ ያሸነፈበት ውሳኔ በሀገራችን የዲሞክራሲ ሥርዓት ውስጥ የዴሞክራሲ ሀሁ ጅምር ስለሆነ ይህ ጅምር ወደ ኋላ እንዳይመለስ ምክር እንሰጣለን። 4) እነዚህ የዲሞክራሲ ሀሁ ዎች እንዳይቀለበሱ በጉራጌ ዞን የሚኖሩ ብሔር ብሔረሰቦች፣ የኢትዮጵያ ሕዝቦች፣ የሚዲያ ተቋማት፣ የማኅበረሰብ አንቂዎች፣ እና የመብት ተሟጋቾች ሁሉ ድምጽ እንዲያሰሙልን በአክብሮት እንጠይቃለን። ከሰላምታ ጋር • ዓለም አቀፍ የጉራጌ ማኅበር • የጉራጌ ጎየ ማኅበር • የቶት የወጣቶች ማኅበር • አዳብና በክስታኔ የወጣቶች ማኅበር

Source: Link to the Post

Leave a Reply