You are currently viewing የኦሮሞ ብልጽግና መራሹ መንግሥት የሚፈፀመው አፈና ፓርቲያችን የተነሳንለትን ዓላማ ከማራመድ የማያስቀረው መሆኑን ተገንዝቦ፣ የሚፈጽመውን ሕገ-ወጥ ተግባር እንዲያቆም እንጠይቃለን ሲል ባልደራስ…

የኦሮሞ ብልጽግና መራሹ መንግሥት የሚፈፀመው አፈና ፓርቲያችን የተነሳንለትን ዓላማ ከማራመድ የማያስቀረው መሆኑን ተገንዝቦ፣ የሚፈጽመውን ሕገ-ወጥ ተግባር እንዲያቆም እንጠይቃለን ሲል ባልደራስ…

የኦሮሞ ብልጽግና መራሹ መንግሥት የሚፈፀመው አፈና ፓርቲያችን የተነሳንለትን ዓላማ ከማራመድ የማያስቀረው መሆኑን ተገንዝቦ፣ የሚፈጽመውን ሕገ-ወጥ ተግባር እንዲያቆም እንጠይቃለን ሲል ባልደራስ አሳሰበ፡፡ አማራ ሚዲያ ማዕከል/አሚማ ሚያዝያ 13 ቀን 2014 ዓ.ም አዲስ አበባ ሸዋ ባልደራስ በወቅታዊ ጉዳይ ባወጣው መግለጫ በአርባ ምንጭ የባልደራስ አመራሮች የተደረገውን እስር እገታ ሲል ጠርቶታል። ባልደራስ ለእውነተኛ ዲሞክራሲ ፓርቲን አገር አቀፍ የማድረግ ራዕይ ሰንቆ በትላንትናው ቀን ሚያዚያ 12/2014 ዓ.ም. አርባ ምንጭ ከተማ የገባው የባልደራስ የልዑካን ቡድን:_ 1ኛ. አቶ እስክንድር ነጋ የፓርቲው ፕሬዘደንት፣ 2ኛ. አቶ ስንታየሁ ቸኮል የፓርቲው የሥራ አስፈፃሚ ኮሚቴ አባልና የድርጅት ጉዳይ ኃላፊ፣ 3. ጋዜጠኞቹ ጌጥዬ ያለው እና ወግደረስ ጤናው እንዲሁም 4ኛ. የካሜራ ባለሙያ አቶ ሱራፌል አንዳርጌ ናቸው፡፡ የመጀመሪያው እቅድ፣ ባልደራስን አገራዊ ፓርቲ ለማድረግ የሚጀመረውን የፊርማ ማሰባሰብ ንቅናቄ በአርባምንጭ እና በወላይታ ሶዶ ከተማ ለማስጀመር የነበረ ሲሆን፣ በዚህ መሠረት ለሁለቱ ከተሞች አስተዳደሮች ጥያቄ ቀርቦ ከተፈቀደ በኋላ፣ “ከበላይ በመጣ ትዕዛዝ ” እንዲሻር ተደርጓል ብሏል፡፡ ሆኖም፣ ህዝባዊ የአዳራሽ ስብሰባ ተከለከለ ማለት፣ የፊርማ ማሰባሰቡ ተከለከለ ማለት ስላልሆነ፣ የፓርቲው ልዑክ ቡድን ሚያዚያ 12/2014 ዓ.ም ወደ አርባ ምንጭ ተጉዞ፣ አገራዊውን የፊርማ ማሰባሰብ ሂደት በአርባምንጭ ከተማ ማስጀመሩን ገልጧል፡፡ በዚህም መሠረት፣ የልዑካን ቡድኑ በከተማው ካሉ የድርጅቱ ደጋፊዎች ጋር በመሆን ከአዳራሽ ውጭ ፊርማ የማሰባሰብ ሥራውን አከናውኗል ብሏል፡፡ አመሻሽ ላይ ግን፣ ፖሊስ የልዑካን ቡድኑ አባላት ያረፉበት ሆቴል ድረስ በመሄድ በቁጥጥር ስር አውሏቸው ወደ ሴቻ ፖሊስ ጣቢያ ወስዶ አስሯቸዋል። የልዑካን ቡድኑ ታስረው ያደሩበት ጣቢያ የመኝታ ቦታ የሌለው በመሆኑ፣ በከፊል ያለ ፍራሽ መሬት ላይ፣ በከፊል ደግሞ ቁጭ ብለው ለማደር ስለመገደዳቸውም በመግለጫው ጠቁሟል፡፡ በነጋታው የሴቻ ፖሊስ ጣቢያ የታጋቾቹን ቃል በመቀበል ላይ እያለ፣ ከበላይ ስልክ ተደውሎ ቃል የመቀበል ሂደቱ እንዲቆም ከተደረገ በኋላ ወደ ጋሞ ዞን ፖሊስ መምሪያ እንዲወሰዱ ተደርጓል፡፡ ከዚያም በፖሊስ አጀብ ወደ አርባ ምንጭ አውሮፕላን ማረፊያ ተሸኝተው ወደ አዲስ አበባ እንዲመለሱ ስለመድጉ ፓርቲው አስታውቋል፡፡ በኦሮሞ ብልጽግና የሚመራው ይህ አፈና፣ አገራችን ምንም ዓይነት እውነተኛ የፖለቲካ አማራጭ ኃይል እንዳይኖራት ለማድረግ ታቅዶ እንደሆነ ፓርቲው እንደሚረዳ ነው ያስታወቀው፡፡ ከትላንት አሳሪዎች ውድቀት ያልተማረው ተረኛው የኦሮሞ ብልጽግና መንግሥት በሚወስደው አፋኝ እርምጃ ፓርቲያችን ሳይሸማቀቅ፣ የጀመረውን አገር አቀፍ የማድረግ እንቅስቃሴ በአዲስ አበባ ብቻ ሳይሆን በሌሎችም የአገሪቱ ክልሎች አጠናክሮ እንደሚቀጥል ለማስገንዘብ እንወዳለን ሲል ባልደራስ ገልጧል፡፡ የኦሮሞ ብልጽግና መራሹ መንግሥት የሚፈፀመው አፈና ፓርቲያችን የተነሳንለትን ዓላማ ከማራመድ የማያስቀረው መሆኑን ተገንዝቦ፣ የሚፈጽመውን ሕገ-ወጥ ተግባር እንዲያቆም እንጠይቃለን ብሏል፡፡ በመጨረሻም “ትግሉ ተጠናክሮ ይቀጥላል!” ብሏል ባልደራስ ለእውነተኛ ዲሞክራሲ ፓርቲ።

Source: Link to the Post

Leave a Reply