የኦሮሞ ብሔረሰብ አስተዳደር ህዝብ የሐገር መከላከያና የአማራ ልዩ ኃይል እና የሚሊሻ አባላት የሚውል 1 ነጥብ 6 ሚሊየን ብር በላይ ወጭ የተደረገበት የዕለት ምግብ ድጋፍ አደረገ

የኦሮሞ ብሔረሰብ አስተዳደር ህዝብ የሐገር መከላከያና የአማራ ልዩ ኃይል እና የሚሊሻ አባላት የሚውል 1 ነጥብ 6 ሚሊየን ብር በላይ ወጭ የተደረገበት የዕለት ምግብ ድጋፍ አደረገ

አዲስ አበባ ፣ ህዳር 1 ፣ 2013 (ኤፍ.ቢ.ሲ) የኦሮሞ ብሔረሰብ አስተዳደር ህዝብ የትህነግ ጁንታን ህግና ስርዓት ለማስከበር ለተሰለፉት የሐገር መከላከያና የአማራ ልዩ ኃይል እና የሚሊሻ አባላት የሚውል 1 ነጥብ 6 ሚሊየን ብር በላይ ወጭ የተደረገበት የዕለት ምግብ ድጋፍ አደረገ።

መከላከያ ሰራዊቱ የሃገር ዳር ድንበር እያስከበረ የትግራይን ህዝብ በልማት እየደገፈ የኖረ የአብራክ ክፋያችን ሆኖ ሳለ የዘራፊው ቡድን ጥቃት መፈጸሙ አሳዝኖናል ብለዋል የብሔረሰብ አስተዳደሩ የሃገር ሽማግሌዎች፡፡

የሃገር ሽማግሌዎች መንግስት በአጥፊ ቡድኑ ህወሃት ላይ እየወሰደ ያለውን ህግ የማስከበር ርምጃም እንደግፋለንም ብለዋል።

የኢትዮጵያን ህዝብ በብሔር በመከፋፈል ዜጎች በማንነታቸው ጥቃትና እንግልት እንዲደርስባቸው ህገወጡ ትህነግ ከኦነግ ሸኔ ጋር በመቀናጀት ጥፋት ሲፈፅም ቆይቷል፣ ከሰሞኑም በመከላከያ ኃይላችን ላይ የፈጸመው ጥቃት እብሪተኛነቱን ያረገገጠ መሆኑን ተናግረዋል።

መንግስት የከሃዲውን ቡድን ጥቃት በመመከት ህግና ስርዓትን ለማስከበር በሚያደርገው ጥረት የኦሮሞ ብሔረሰብ አስተዳደር እስከ ጦር ግንባር ለመሰለፍ ዝግጁ መሆኑንም አረጋግጠዋል።

የኦሮሞ ብሔረሰብ አስተዳደር ዋና አስተዳዳሪ አህመድ ሐሰን እንዳሉት ከሃዲው የትህነግ ህገወጥ ቡድን የሃገር መከታ በሆነውና የትግራይን ህዝብ ከ20 ዓመታት በላይ ሰላሙን በመጠበቅና ልማቱን እያገዘ ባለው የሃገር መከላከያ ሰራዊት ላይ ጥቃት ማድረሱ ከተሰማበት ዕለት ጀምሮ የብሔረሰብ አስተዳደሩ ህዝብ ከመንግስት ጎን በመቆም ቁርጠኝነቱን እያሳየ ነው ብለዋል።

ለዚህም ህዝቡ ለሰራዊት የኋላ ደጀንነቱን ለማረጋገጥ ከ1 ነጥብ 6 ሚሊየን ብር በላይ ወጭ የተደረገበት የዕለት ምግብ ድጋፍ ማድረጉን ገልጸዋል።

ህገወጡ ትህነግ ከኦነግ ሸኔ ጋር በመተባበር ዜጎች በማንነታቸው ጥቃትና እንግልት እንዲደርስባቸው አድርገዋል ያሉት ዋና አስተዳዳሪው ÷የኢትዮጵያ ህዝብም የትህነግን ጽንፈኛ የትግል አካሄድ በመገንዘብ ከመከላከያ ኃይልና ከአማራ ልዩ ኃይል ጎን መሰለፍ እንዳለበትም አሳስበዋል።

የመከላከያ ኃይልና የአማራ ልዩ ኃይል የትህነግ ከሃዲ ቡድን ላይ እያደረጉት ያለውን የህግ ማስከበር ዘመቻ በመደገፍ ህዝቡ የተለያዩ የምግብና ሌሎች ቁሳቁሶችን ድጋፍ ማድረጉን ቀጥሏል ሲል አብመድ ዘግቧል።

The post የኦሮሞ ብሔረሰብ አስተዳደር ህዝብ የሐገር መከላከያና የአማራ ልዩ ኃይል እና የሚሊሻ አባላት የሚውል 1 ነጥብ 6 ሚሊየን ብር በላይ ወጭ የተደረገበት የዕለት ምግብ ድጋፍ አደረገ appeared first on Welcome to Fana Broadcasting Corporate S.C.

Source: Link to the Post

Leave a Reply