You are currently viewing የኦነግ ሸኔ ታጣቂዎች በምስራቅ ሸዋ ዞን ቆቃ ከተማ ዘረፋ እና ውድመት ፈፀሙ! ታሕሳስ 10 ቀን 2015 ዓ.ም አሻራ ሚዲያ ፣ ባህርዳር በህዝብ ተወካዮች ምክር ቤት በአሸባሪነት የተፈረጀው የ…

የኦነግ ሸኔ ታጣቂዎች በምስራቅ ሸዋ ዞን ቆቃ ከተማ ዘረፋ እና ውድመት ፈፀሙ! ታሕሳስ 10 ቀን 2015 ዓ.ም አሻራ ሚዲያ ፣ ባህርዳር በህዝብ ተወካዮች ምክር ቤት በአሸባሪነት የተፈረጀው የ…

የኦነግ ሸኔ ታጣቂዎች በምስራቅ ሸዋ ዞን ቆቃ ከተማ ዘረፋ እና ውድመት ፈፀሙ! ታሕሳስ 10 ቀን 2015 ዓ.ም አሻራ ሚዲያ ፣ ባህርዳር በህዝብ ተወካዮች ምክር ቤት በአሸባሪነት የተፈረጀው የኦነግ ሸኔ ታጣቂዎች ትናንት ታህሳስ 09/2015 ዓ/ም በምስራቅ ሸዋ ዞን ሉሜ ወረዳ ስር በምትገኘው ቆቃ ከተማ ዘልቆ በመግባት ዘረፋ እና ውድመት መፈፀማቸውን የአከባቢው ነዋሪዎች ለአማራ ድምፅ ገለፁ። ትናንት ታህሳስ 09/2015 ዓ/ም ከምሽቱ አራት ሰዓት ገደማ ወደ ቆቃ ከተማ ዘልቀው የገቡት ታጣቂዎቹ፡ የአማራ ተወላጅ ንብረት በሆኑ የንግድ ተቋማት እንዲሁም መኖሪያ ቤቶች ላይ ዘረፋ መፈፀማቸውን ነው የአማራ ድምፅ ያነጋገራቸው የየከባቢው ነዋሪዎች የገለፁት። ታጣቂዎቹ በምሽት ወደ ከተማዋ እንደሚገቡ መረጃው እንደደረሳቸው ቤት ንብረታቸውን ለቀው መሸሻቸውን የገለፁት የአከባቢው ነዋሪዎች፣ በሰው ላይ ጉዳት አለመድረሱን ተናግረዋል። ምሽት አራት ሰዓት ገደማ የቡድን መሳሪያ ጭምር እየተኮሱ ወደ ከተማዋ የገቡት ታጣቂዎቹ፡ አብረዋቸው በነበሩ ጠቋሚዎች አማካኝነት ቤት ለቤት እየዞሩ የአማራ ትወላጆች ንብረት በሆኑ የንግድ ተቋማት እና መኖሪያ ቤቶች ላይ ዘረፋ እና ውድመት መፈፀማቸውን ነው ነዋሪዎቹ ለአማራ ድምፅ ያረጋገጡት። የቻሉትን ዘርፈው ያልቻሉትን በእሳት ካቃጠሉ ቦኋላ አኩለ ለሊት ላይ ወደ መጡበት ተመልሰዋል ያሉት የአከባቢው ነዋሪዎች፡በመንግስት ቸልተኝነት የተነሳ በተደጋጋሚ በሚፈፅምባቸው ጥቃት ከባድ ችግር ላይ መውደቃቸውን ገልፀዋል። መቂ ከተማን ጨምሮ በሉሜ/ሞጆ ወረዳ ስር ያሉ ቀበሌዎች እና አጎራባች በሆነው ዱግዳ ወረዳ ስር የሚገኙ ቀበሌዎች ላይ የኦነግ ሸኔ ታጣቂዎች በሰፊው እንደሚንቀሳቀሱ ነዋሪዎቹ አመላክተዋል በማለት አማራ ድምፅ መዘገቡን ጌትነት አሻግሬ ገልጿል። “ውድ የአሻራ ሚዲያ ቤተሰቦች የአሻራ ሚዲያ ቻናልን ላይክና ሰብስክራይብ በማድረግ ድጋፋችሁን ታሳዩን ዘንድ በአክብሮት እንጠይቃለን።” ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- // Youtube:- https://www.youtube.com/channel/UCPmgFzP2ZPmdGjHxXjigJaw // Facebook:- https://www.facebook.com/asharamedia24 // ቴሌግራም:- https://t.me/asharamedia24

Source: Link to the Post

Leave a Reply