የከተራና የጥምቀት በዓልን ተከትሎ የትራፊክ መጨናነቅ እንዳይኖር ለትራፊክ ዝግ የሚደረጉ መንገዶችን የአዲስ አበባ ፖሊስ አስታወቀ፡፡       የጥምቀት በዓልን ያለምንም የፀጥታ ችግር በሰላም…

የከተራና የጥምቀት በዓልን ተከትሎ የትራፊክ መጨናነቅ እንዳይኖር ለትራፊክ ዝግ የሚደረጉ መንገዶችን የአዲስ አበባ ፖሊስ አስታወቀ፡፡
     
የጥምቀት በዓልን ያለምንም የፀጥታ ችግር በሰላም እንዲከበር የፀጥታ አካላት አስፈላጊውን ቅድመ ዝግጅት አጠናቀው ወደ ተግባር መግባታቸው ተገልጧል፡፡

በጥምቀት በዓል በርካታ ህዝብ ታቦታትን አጅቦ ከተለያዩ ቤተ-ክርስቲያናት  ወደ  ጥምቀተ ባህር የሚንቀሳቀስ በመሆኑ በትራፊክ ፍሰቱ ላይ መጨናነቅ እንዳይፈጠር ታቦታቱ በሚጓዙባቸው መንገዶች ተሽከርካሪዎችን ለአጭርም ሆነ ለረጅም ሰዓታት አቁሞ መሄድ የተከለከለ ሲሆን በተለይም በርካታ ህዝብ በሚታደምበት በጃን ሜዳ  ከጥር 10 ቀን 2016 ዓ/ም ጀምሮ ታቦታት ወደ መንበረ ክብራቸው እስኪመለሱ መንገዶቹ    ለተሸከርካሪዎች ዝግ እንደሚደረጉ የአዲስ አበባ ፖሊስ አስታውቋል፡፡

በዚህም መሰረት ፡-

– ከ6ኪሎ አደባባይ እስከ 3ተኛ ሻለቃ ፈረንሳይ ለጋሲዬን መንገድ
– ከ3ኛ ሻለቃ አደባባይ በምንሊክ ሆስፒታል እስከ  ቀበና አደባባይ
– ከምንሊክ  ሆስፒታል እስከ 6 ኪሎ ታክሲ ተራ
– ከቅድስተ ማርያም ቤ/ክርስቲያን  እስከ 6 ኪሎ፣
– ከ6ኪሎ እስከ መነን፣
– ከሀምሌ 19 እስከ ግብፅ ኢምባሲ፣
– ከቅድስተ ማሪያም መነጸር ተራ እስከ  ጃንሜዳ፣
– ከግንፍሌ ድልድይ ምንሊክ ሆስፒታል ውስጥ ለውስጥ፣
– ከግንፍሌ  መገንጠያ ምንሊክ ሆስፒታል ፊት ለፊት፣
– ከምንሊክ ሆስፒታል የኋላ በር እስከ ቤላ መገንጠያ ድረስ፣ መንገዶቹ ለተሽከርካሪ ዝግ እንደሚሆኑ አዲስ አበባ ፖሊስ አስታውቋል፡፡

በዓሉ እስከሚጠናቀቅ ድረስ በጃን ሜዳና በዙሪያው ተሽከርካሪ አቆሞ መሄድ ፍፁም የተከለከለ መሆኑን ፖሊስ እየገለፀ አሽከርካሪዎች የትራፊክ ፖሊስ አባላትን ትእዛዝ በመቀበል የድርሻቸውን እንዲወጡ አዲስ አበባ ፖሊስ መልእክቱን አስተላልፏል፡፡

Source: Link to the Post

Leave a Reply