የክልል ርዕሳነ መስተዳድሮች ለ1 ሺህ 495ኛው የመውሊድ በዓል የእንኳን አደረሳችሁ መልዕክት አስተላለፉ

የክልል ርዕሳነ መስተዳድሮች ለ1 ሺህ 495ኛው የመውሊድ በዓል የእንኳን አደረሳችሁ መልዕክት አስተላለፉ

አዲስ አበባ ፣ ጥቅምት 18 ፣ 2013 (ኤፍ ቢ ሲ) የክልል ርዕሳነ መስተዳድሮች ለ1 ሺህ 495ኛው የነቢዩ መሐመድ የልደት በዓል (መውሊድ) የእንኳን አደረሳችሁ መልዕክት አስተላለፉ፡፡
 
የኦሮሚያ ክልል ርዕሰ መስተዳድሩ አቶ ሽመልስ አብዲሳ የእንኳን አደረሳችሁ መልዕክት በማስተላለፍ ሙስሊሞች በዓሉን በተፈጥሮና ሰው ሰራሽ ችግሮች ለተጎዱና ለተፈናቀሉ የህብረተሰብ ክፍሎች ድጋፍ በማድረግ እንዲያከብሩት ጥሪ አቅርበዋል፡፡
 
የአማራ ክልል ርዕሰ መስተዳድሩ አቶ ተመስገን ጥሩነህ በበኩላቸው የዘንድሮ የመውሊድ በዓል መልካም የሆነ ነገሮች በተመዘገበቡበት ወቅት የሚከበር ቢሆንም ሰው ሰራሽ እና ተፈጥሯዊ ችግሮች የተከሰቱበት ወቅት መሆኑን ገልፀዋል።
 
በመሆኑም ከወቅታዊ ሁኔታዎች ጋር ተያይዞ ህዝበ ሙስሊሙ የሚጠበቅበትን ታሪካዊ ኃላፊነት እንዲወጣ የጠበቀ አደራዬን ማስተላለፍ እፈልጋለሁ ብለዋል::
 
መላው የእስልምና ሀይማኖት ተከታዮች የመውሊድ በዓል አከባበር ስርዓቶችን ስትከውኑ ራሳችሁን ከኮሮና ቫይረስ ወረርሽኝ በመጠበቅ እና በተፈጥሮ እና ሰው ሰራሽ ምክንያቶች ለተጎዱ እና ለተፈናቀሉ የህብረተሰብ ክፍሎች ድጋፍ በማድረግ ጭምር እንዲሆን ጥሪ አቅርበዋል።
 
የደቡብ ክልል ርዕሰ መስተዳር የደቡብ ክልል ምክትል ርዕሰ መስተዳድር አቶ እርስቱ ይርዳ 1 ሺህ 495ኛውን የነብዩ መሀመድ የልደት በዓል በማስመልከት ባስተላለፉት መልዕክት መላው የሀገሪቱ እና የክልሉ የእስልምና እምነት ተከታዮች ይህንን ታላቅ በዓል ሲያከብሩ እንደ ከዚህ ቀደሙ የመረዳዳት እና የመደጋገፍ እሴቶችን በማጎልበት ሊሆን እንደሚገባ ተናግረዋል፡፡
 
ህዝበ ሙስሊሙ ታላቁን የመውሊድ በዓል ሲያከብር በሀይማኖት አባቶች የተላለፈውን የጥንቃቄ መልዕክት መተግበር ይገባልም ብለዋል፡፡

The post የክልል ርዕሳነ መስተዳድሮች ለ1 ሺህ 495ኛው የመውሊድ በዓል የእንኳን አደረሳችሁ መልዕክት አስተላለፉ appeared first on Welcome to Fana Broadcasting Corporate S.C.

Source: Link to the Post

Leave a Reply