You are currently viewing የወልቃይት-ጠገዴ ዐማራ ለደረሰበት ማህበራዊ፣ ፖለቲካዊ እና ሥነ-ልቦናዊ ጉዳት እና ለተፈፅመበት የዘር ማጥፋት ወንጀል በደረሰው ጉዳት እና በተፈፀመው ጥፋት ልክ ካሳ እንዲከፈል ተጠየቀ።  አ…

የወልቃይት-ጠገዴ ዐማራ ለደረሰበት ማህበራዊ፣ ፖለቲካዊ እና ሥነ-ልቦናዊ ጉዳት እና ለተፈፅመበት የዘር ማጥፋት ወንጀል በደረሰው ጉዳት እና በተፈፀመው ጥፋት ልክ ካሳ እንዲከፈል ተጠየቀ። አ…

የወልቃይት-ጠገዴ ዐማራ ለደረሰበት ማህበራዊ፣ ፖለቲካዊ እና ሥነ-ልቦናዊ ጉዳት እና ለተፈፅመበት የዘር ማጥፋት ወንጀል በደረሰው ጉዳት እና በተፈፀመው ጥፋት ልክ ካሳ እንዲከፈል ተጠየቀ። አማራ ሚዲያ ማዕከል/አሚማ ህዳር 1 ቀን 2015 ዓ.ም አዲስ አበባ ሸዋ “ወያኔ ከፍጥረቱ ጀምሮ ፀረ-ዐማራ እና ፀረ-ኢትዮጵያ ሆኖ የተነሳ ድርጅት ነው፡፡ የዐማራን ህዝብ እንደ ቀዳሚ ጠላት ፈርጆ መነሳቱ በታሪክ የተመዘገበ እውነታ ነው፡፡” የሚለው የወልቃይት ጠገዴ ሰቲት ሁመራ ብልጽግና ጥላቻውንም በፖለቲካ ዓላማ ማብራሪያው ማኒፌስቶ ላይ በግልፅ ያሰፈረ፣ በሐሰት ትርክት ለበቀል የተነሳ የጥላቻ መንጋ ነው ብሎታል፡፡ “የጥቅምት 30 የማይካድራ ጭፍጨፋ ሰለባዎችን መቼም አንረሳም፤ የሰማዕታት አደራ አይታጠፍም!” በሚል ርዕስ መልዕክት ተላልፏል። ሴረኝነት፣ ተስፋፊና ተገንጣይነት የዚህ ድርጅት መገለጫ ባህሪያት ናቸው፤ ወያኔ ገዳይ ነው፣ አፋኝ ነው፣ አሳዳጅ ነው፣ የግዛት ተስፋፊ ነው፣… ስንል ለሁሉም ድርጅታዊ ክፋቱ ከወልቃይት ጠገዴ ዐማራ በላይ የተሻለ አስረጅ ምሳሌ የለም ሲልም አጋርቷል፡፡ በዐማራ ደምና ሀብት ታላቋን ትግራይ የመመስረት እቅዱን ለማሳካት ሲል፤ ዐማራን ገድሏል፤ አንኮላሽቷል፤ ሀብቱን ዘርፏል፤ መሬቱንም ወርሯል፡፡ ለዚህ ምስክር የወልቃይት-ጠገዴ የሰላሳ ዓመታት መዋቅራዊ ግፍና መከራ ቀዳሚ ተጠቃሽም ነው ብሏል፡፡ የወያኔ፣ አፓርታይዳዊ አገዛዝ ከተዘረጋ ጀምሮ በወልቃይት ጠገዴ የዐማራ ሕዝብ ላይ የዘር ማጥፋት ወንጀል ታውጆ ተፈጻሚ መደረጉን በመግለጽ ለዚህም የሰውና የጅምላ መቃብር ምስክሮችን አስረጅ መሆናቸውን በሚከተለው መልኩ አጋርቷል:_ 1) ከሁመራ ኤርፖርት ግቢ የጅምላ መቃብር እስከ ማይካድራው ጭፍጨፋ፤ እንዲሁም በየዋሻውና የምድር ውስጥ እስር ቤቶች በጅምላ ያለቀው ወገናችን ስፍር ቁጥር የለውም፡፡ 2) ባለፉት ሠላሳ ዓመታት ዓለም ጆሮ የነፈገው የዘር ማጥፋት ወንጀል በወልቃይት ጠገዴ የዐማራ ሕዝብ ላይ ተፈጽሟል፡፡ ምናልባትም በብዙሃኑ ኢትዮጵያውያንና በተወሰኑ የዓለማቀፉ ማህበረሰብ አባላት ዘንድ የተሰማው ጥቅምት 24/2013 ዓ.ም. የሕግ ማስከበር ዘመቻው ከተጀመረ በኋላ ጥቅምት 30/2013 ዓ.ም. በማይካድራ የተፈጸመውን የዘር ማጥፋት ወንጀል ብቻ ነው፡፡ የወልቃይት ጠገዴ ዐማራ ግን ባለፉት ሰላሳ ዓመታት በርካታ ማይካድራዎችን አይቷል ነው ያለው፡፡ 3) በየትኛውም የዓለም ክፍል የተፈጸሙ የዘር ማጥፋት ወንጀሎች አንዴ ተጀምረው በተወሰነ የጊዜ ገደብ የተጠናቀቁ ቢሆንም፣ ወልቃይት ጠገዴ ላይ የተፈጸመው የዘር ማጥፋት ወንጀል ግን በአይነትም ሆነ በድርጊት የተለየ ነው፡፡ ለሠላሳ ዓመታት ያለማቋራጥ መዋቅራዊ በሆነ መንገድ ነባሩን ሕዝብ የማጥፋት ስራ ተሰርቷል፡፡ በዚህም ባለፉት ሰላሳ ዓመታት በአስር ሺህዎች የሚቆጠሩ ዐማራዎች በማንነታቸው ተገድለዋል፡፡ ቁጥራቸው በውል ያልታወቁ ወገኖቻችን ወደ መቀሌና ወዳልታወቁ ስፍራዎች ታፍነው ተወስደው በእስር ሲማቅቁ ኑረዋል፤ ብዙዎችም ባሉበት አልፈዋል፡፡ በሠላሳ ዓመቱ የወያኔ አፓርታይዳዊ ዘመን ከቆላ እስከ ደጋ አምስት መቶ ሺህ የሚደርስ የወልቃይት ጠገዴ ዐማራ ከእርስቱ ተፈናቅሎ፣ ወደጎረቤት ሀገራትና ወደጎንደር አልፎም ወደ መሀል ሀገር እንዲሰደድ ተደርጓል ብሏል ፓርቲው ጥቅም 30/2013 ባስታወሰበት መልዕክቱ፡፡ ወያኔ በግዛት ተስፋፊነቱ ተከዜን ሲሻገር በእብሪት መንፈስ “እኛ ከወልቃይት የምንፈልገው ሴቶቹን እና መሬቱ ነው” በሚል ኢሞራላዊ ቅስቀሳው፣ በትግረኛ ቋንቋ ተከታዮቹን ለመቀስቀስ ከኢትዮጵያዊ ጨዋነት የወጣ የጥላቻ ንግግር ገና ከመነሻው ሲናገረው ነበር፡፡ ይህ ንግግርም አስቀድሞ የነበረ ከመሆኑ አኳያ፣ በሕግ ቋንቋ የዘር ማጥፋት የሀሳብ ክፍልን የሚያስረዳ የጥላቻ አባባል ነው፡፡ ከጥላቻ ማኒፌስቶው ጀምሮ መሰል የጥላቻ ንግግሮችን በማሳደግ የወልቃይት ጠገዴን ህዝብ ላለፉት ሦስት አስርት አመታት በስውርና በግልፅ የዘር ማጥፋት ወንጀል ሲፈፅምበት ኑሯል። ማይካድራ አንዱ ማሳያ እንጂ፣ በዐማራ ላይ የተፈፀመ ብቸኛው የዘር ማጥፋት ወንጀል አይደለም ሲልም አክሏል፡፡ የማይካድራን ጭፍጨፋ ስናስብ ጭፍጨፋው የፀረ-ዐማራ ትርክት ውጤት ስለመሆኑ ልብ ልንለው ይገባል፡፡ ጥቅምት 30/2013 ዓ.ም በማይካድራ ከተማ የተፈፀመው የጅምላ ጭፍጨፋ በ1968 ዓ.ም ወያኔ ያዘጋጀው ዐማራን የማጥፋት ፍኖተ መርሁ አካል ነው። የጅምላ ጭፍጨፋው የተፈፀመው ‹ሳምረ› የሚባለው የሰፋሪ ትግሬ ወጣቶች ቡድን ከትግራይ ወራሪ ልዩ ኃይል ፖሊስና ሚሊሻ ጋር በመሆን ነበር፡፡ አፈፃፀሙም በየጎዳናውና ከቤት ቤት በመዘዋወር አስቀድመው የለዩዋቸን ወገኖቻችንን በከፍተኛ ግፍና ጭካኔ በዱላ በመደብደብ፣ በጩቤ በመውጋት፣ በገጀራና በፈራድ (ወይም ፋስ መጥረቢያ) በመምታት፣ በገመድ በማነቅና በጥይት ተኩሶ በመምታት በጅምላ ጨፍጭፈዋቸዋል፡፡ በዚህ የጅምላ ጭፍጨፋ የወልቃይት ጠገዴ ዐማራን መሬት በመውረር ሀብት ንብረት ያፈሩ የትግራይ ባለሃብቶች በአካል፣ በሀሳብና በገንዘብ ድጋፍ አድርገዋል፡፡ ጥቅምት 30/2013 የጅምላ ጭፍጨፋው ከመጀመሩ ቀደም ብሎ፣ የዘር ማጥፋት ወንጀል ፈፃሚዎቹ የትግራይ ተወላጅ የሆኑና ዐማራ የሆኑትን ለመለየት መታወቂያ ካርድ እየተመለከቱ ማጣራት አድርገዋል። የትግራይ ተወላጅ የሆኑ ሴቶች እና ህፃናት ጥቃቱ ከመጀመሩ በፊት አካባቢውን ለቀው እንዲወጡ ተነግሯቸው ሊወጡ ችለዋል። ጭፍጨፋው ሲጀመር በልዩ ሁኔታ የዐማራ ብሔር ተወላጆች በብዛት በሚኖሩበት ልዩ ስሙ ‹‹ግንብ ሠፈር›› በሚባለው መንደር እስከወልቃይት ቦሌ ሠፈር ድረስ የሚገኙ ወገኖቻችን፣ ግፍና ጭካኔ በተሞላበት መንገድ ተገድለዋል ነው ያለው። ጭፍጨፋው የተጀመረው ዓብይ ፀጋዬ የተባለን ዐማራ ከቤቱ ፊት ለፊት በጥይት በመግደል፣ ቤቱንና አስከሬኑን በእሳት በማቃጠል ነው። በሰማዕቱ ዓብይ ፀጋዬ የተጀመረው ጭፍጨፋ እስከ ለሊቱ 9:00 ድረስ በወገኖቻችን ላይ አሰቃቂ የጅምላ ጭፍጨፋው ተጠናክሮ በመቀጠሉ 1,644 ዐማራዎች የጉዳት ሰለባ ሁነዋል። የተገደሉ1,563 ሲሆኑ፤ የአካል ጉዳት የደረሰባቸው ደግሞ 81 ናቸው፡፡ በዚህ ጭፍጨፋ የተነሳ በርካታ ሕጻናት ያለ ወላጅ ቀርተዋል። የማይካድራ የዘር ማጥፋት ድርጊት ፈፃሚዎች የዘር ማጥፋት ድርጊቱን የፈፅሙት በጀኔቫ ቃልኪዳን አንቀፅ ቁጥር 2 እና በሮም ድንጋጌ አንቀፅ ቁጥር 6 እና 7 ከዘር ማጥፋት ወንጀል ጥበቃ የሚደረግለት አንድ የሆነን የብሔር፣ የዘር… ቡድን የሆነውን (የወልቃይት ዐማራ) ዘር በመላ ወይም በከፊል ለማጥፋት በማሰብ ነው፡፡ ይህ ግፍና በደል መቼውንም ቢሆን የማይረሳ ነው። የወልቃይት-ጠገዴ ዐማራ ሕዝብ ይህን ሁሉ ግፍና መከራ ተቀብሎ ከጀግናው የሀገር መከላከያ ሠራዊትና ጥምር ጦሩ ጋር በመቆም የኢትዮጵያ ዳርድንበርን አስጠብቆ ዘልቋል፡፡ ባለፉት ሁለት ዓመታት በዓይነቱ ለየት ያለ ዋጋ ከመክፈሉም በላይ ዛሬም ፍትሕን እንደውሃ ተጠምቷል በማለት የሚከተሉትን መልዕክቶች አስተላልፏል:_ 1) የጥቅምት 30/2013 የማይካድራ የዘር ማጥፋት ጥቃት ሰለባ የሆኑ ወገኖቻችንን መቼም ቢሆን አንረሳቸውም፡፡ የሰማዕትነት አደራቸውን ሳንዘነጋ በኢትዮጵያ የተከፈተው የሰላም ዕድል ዘላቂ ፍሬ አፍርቶ በኢትዮጵያ ሰማይ ስር ፅኑ ወንድማማችነት እንዲሰፍን የበኩላችንን አዎንታዊ ሚና እንወጣለን፡፡ 2) የፌደራል መንግሥት የወልቃይት-ጠገዴ ዐማራ ሕዝብ ለዘር ማጥፋት ወንጀል የተዳረገው የማንነት ጥያቄ በማንሳቱ ምክንያት ስለሆነ በሕግና በሥርዓት ላቀረበው ጥያቄው ምላሽ በመስጠት ህጋዊ መልክ እንዲያሲዝ በሰማዕታት ስም እንጠይቃለን፡፡ 3) የወልቃይት-ጠገዴ ዐማራ ለደረሰበት ማህበራዊ፣ ፖለቲካዊ እና ሥነ-ልቦናዊ ጉዳት እና ለተፈፅመበት የዘር ማጥፋት ወንጀል በደረሰው ጉዳት እና በተፈፀመው ጥፋት ልክ ካሳ እንዲከፈል እንጠይቃለን፡፡ 4) ወያኔ የኢትዮጵያ ብቻ ሳይሆን የአካባቢው ሀገራት የደህንነት ስጋት ስለመሆኑ ባለፉት ሁለት ዓመታት በተጨባጭ የተረጋገጠ በመሆኑ፣ ከዚህ ኃይል ጋር የሚካሄዱ ማናቸውም ስምምነቶች በከፍተኛ ጥንቃቄ እንዲያዙ፣ በታሪኩ በሰጥቶ መቀበል መርህ የማይገዛ እኩልነትን የማይቀበል ለበላይነቱ ግጭት ጠማቂ ኃይል በመሆኑ ሕዝባችንንና ሀገራችን ኢትዮጵያን ለአራተኛ ጊዜ ወደጦርነት እንዳያስገባ የወያኔ ጉዳይ በከፍተኛ ጥንቃቄ እንዲያዝ ጥሪ እናቀርባለን፡፡ በመጨረሻም ‹ማንነታችን ዐማራ፤ ድንበራችን ተከዜ ነው!› በሚል ለቃላቸው ታምነው ሰማዕት የሆኑ የወገኖቻችንን ዓላማ ከግብ ሳናደርስ የሚዘል ክንድም ሆነ ሸብረክ የሚል ጉልበት እንደማይኖረን በተግባር ማረጋገጣችንን እንቀጥላለን፡፡ ተከዜ በትላንት፣ በዛሬና በነገ ሰማዕታት የሚጸና የዐማራ ወሰን ነው!! የህልውና ትግላችን በዘላቂና አስተማማኝ ድል በመቋጨት የሰማዕታቱን አደራ እንወጣለን!! ይህ ትውልድ በወያኔ ቀንበር ስር በዳግም ባርነት ከሚያልፍ፣ በመስዋዕትነቱ የደም ባህር ፈጥሮ መጭውን ትውልድ ወደነፃነት ማሻገርን ይመርጣል፡፡ የጥቅምት 30 የማይካድራ ጭፍጨፋ ሰለባዎችን መቼም አንረሳም፤ የሰማዕታት አደራ አይታጠፍም!

Source: Link to the Post

Leave a Reply