You are currently viewing የዘርዕያቆብ አዝመራው ሻለቃ አዛዥና የጎንደር ከተማ ፋኖ ሰብሳቢ ፋኖ ሰለሞን አጠናዉ በሌለበት ቤቱ ፍተሻ ተካሄደበት። አማራ ሚዲያ ማዕከል/አሚማ   ሚያዝያ 25 ቀን 2014 ዓ.ም…

የዘርዕያቆብ አዝመራው ሻለቃ አዛዥና የጎንደር ከተማ ፋኖ ሰብሳቢ ፋኖ ሰለሞን አጠናዉ በሌለበት ቤቱ ፍተሻ ተካሄደበት። አማራ ሚዲያ ማዕከል/አሚማ ሚያዝያ 25 ቀን 2014 ዓ.ም…

የዘርዕያቆብ አዝመራው ሻለቃ አዛዥና የጎንደር ከተማ ፋኖ ሰብሳቢ ፋኖ ሰለሞን አጠናዉ በሌለበት ቤቱ ፍተሻ ተካሄደበት። አማራ ሚዲያ ማዕከል/አሚማ ሚያዝያ 25 ቀን 2014 ዓ.ም አዲስ አበባ ሸዋ የዘርዕያቆብ አዝመራው ሻለቃ አዛዥና የጎንደር ከተማ ፋኖ ሰብሳቢ ፋኖ ሰለሞን አጠናዉ በሌለበት ቤቱ የቡድን መሳሪያ ጭምር በታጠቁ በመከላከያ እና የልዩ ኃይል ልብስ የለሱ አካላት ከበባ አድርገው ካደሩ በኋላ ንጋት ላይ ገብተው ፍተሻ ማድረጋቸውን የገለጸው የሻለቃው የህዝብ ግንኙነት ኃላፊ ማቲዎስ መንግስቱ ነው። ፋኖ ማቲዎስ እንዳለው ሰለሞን አጠናው በሌለበት ቤቱ ተፈትሾ አንድ ህጋዊ የክላሽን ኮፕ መሳሪያተወስዶበታል። በዚህ ሚያዝያ 24/2014 ንጋት ላይ በተደረገው ፍተሻም የፋኖ ሰለሞን አጠናው ባለቤት የመፈተሻ ወረቀት የጠየቀች ቢሆንም ፍቃደኛ አለመሆናቸውን ነው የተጠቆመው። በተመሳሳይ በጎንደር ከተማ አራዳ አካባቢ በአንድ ቀደም ሲል በራያ ግንባር የተሰዋ እና ቤተሰቦቹ ከ6 ወራት ቆይታ በኋላ ሂደቱን ጠብቀው ሀዘኑን የተረዱ የመከላከያ ሰራዊት አባል የነበረ ውባንተ ጌታሁን በወንድሙ በፋኖ ገብርዬ ጌታሁን ቤት የለቅሶ ስነ ስርዓት እየተደረገ ነበር። በወቅቱም የቡድን መሳሪያ በታጠቁ የመንግስት አካላት ጫና ለቅሶው መቋረጡ ተገልጧል። የፋኖ አባላትም “ጎንደርን የብጥብጥ ማዕከል ማድረግ የለብንም” በሚል እሳቤ በትዕግስት ለቅሶውን አቋርጠው ወደየቤታቸው መመከሳቸውን አስታውቋል። መሳሪያ እንዲያወርዱ ፍላጎትና እንቅስቃሴም ጭምር መጀመሩን አውቀናል ብሏል ፋኖ ማቲዎስ። በተያያዘ ፋኖ በሰለሞን አጠናው አካውንት ገንዘብ በመላክ ለመወንጀል እየተሰራ ነው በሚል አካውንቱን ማዘጋት እንደተቻለ ተገልጧል። ፋኖ ሰለሞን ሚያዝያ 18/2014 በጎንደር ከተማ የሀይማኖት ግጭት ለማስመሰል ታቅዶ የተፈጸመውን ጥቃት በማውገዝና በማረጋጋት በኩል ትልቅ ሚና እንደነበረው ለአሚማ ማረጋገጡ ይታወሳል። አሚማ ተጨማሪ መረጃ እንዳገኘ የሚመለስ ይሆናል።

Source: Link to the Post

Leave a Reply