You are currently viewing የዘንድሮ የአድዋ ድል በአል የት ይከበራል?

የዘንድሮ የአድዋ ድል በአል የት ይከበራል?

የዘንድሮ የአድዋ ድል በአል አዲስ በተገነባው በዓድዋ ድል መታሰቢያ ይከበራል ተብሏል፡፡

128ኛው የአድዋ ድል በአል ፒያሳ ላይ በተገነባው የአድዋ ድል ሙዚየም እንደሚከበር የመንግስት ኮሚኒኬሽን አገልግሎት አስታውቋል፡፡

የመንግስት የኮሚኒኬሽን አግልግሎት በወቅታዊ ሀጋራዊ ጉዳዮች ዙርያ በሰጠው መግለጫ የዘንድሮው 128ኛ የዓድዋ ድል በዓል በዓድዋ ድል መታሰቢያ ይከበራል ብሏል፡፡

መግለጫውን የሰጡት የመንግሥት ኮሙኒኬሽን አገልግሎት ሚኒስትር ዴዔታ ሰላማዊት ካሳ፥ 128ኛውን የዓድዋ ድል በዓል ካለፈው ዓመት በርካታ ልምዶችን በመውሰድ በተለየ ሁኔታ ለማክበር ባለፉት ወራት አስፈላጊው ቅድመ ዝግጅት መደረጉን ተናገረዋል።

ዓድዋ የሁሉም ኢትዮጵያውያን የጋራ ድል ነው ያሉት ሚኒስትር ዴዔታዋ፤ ለአፍሪካውያን ጭምር ትልቅ ድል መሆኑን ማሳየት ይገባል ብለዋል።

የዓድዋ ድልን በተለየ ሁኔታ ለመዘከር የዘንድሮው በዓል አዲስ በተገነባው በግዙፉ የዓድዋ ድል መታሰቢያ ውስጥ የሚከበር ይሆናል ሲሉም ገልጸዋል።

በዓሉ በሁሉም ክልሎች እና የከተማ መስተዳደሮች ተቋማት እንዲሁም በመላው ዓለም በሚገኙ ኤምባሲዎች እና ቆንስላዎች እንደሚከበርም ነው ያስታወቁት።

በመጪው ቅዳሜ በዓድዋ ድል መታሰቢያ በሚከበረው የዓድዋ ድል በዓል ላይ ታሪካዊ እና ወታደራዊ ትዕይንቶችም ይከናወናሉ ሲሉም አስታውቀዋል

በሔኖክ ወ/ገብርኤል

የካቲት 20 ቀን 2016 ዓ.ም

Facebooktwitterredditpinterestlinkedinmail

Source: Link to the Post

Leave a Reply