You are currently viewing የዩኒቨርሲቲ መምህራን የመብት ጥያቄ የኔም ጥያቄ ነው! ሰ.ሜሪካ :- ሐምሌ 16/2014 ዓ.ም                    አሻራ ሚዲያ “ያለመምህራን አይደለም የትምህርት ጥራትን ሀገርን ማ…

የዩኒቨርሲቲ መምህራን የመብት ጥያቄ የኔም ጥያቄ ነው! ሰ.ሜሪካ :- ሐምሌ 16/2014 ዓ.ም አሻራ ሚዲያ “ያለመምህራን አይደለም የትምህርት ጥራትን ሀገርን ማ…

የዩኒቨርሲቲ መምህራን የመብት ጥያቄ የኔም ጥያቄ ነው! ሰ.ሜሪካ :- ሐምሌ 16/2014 ዓ.ም አሻራ ሚዲያ “ያለመምህራን አይደለም የትምህርት ጥራትን ሀገርን ማሰብም ቅዠት ነው!” የህወሓት/ኢህአዲግ ስርአት በታሪክ አጋጣሚ እግሩን አራት ኪሎ በተከለ ማግስት ፥ የሀገሪቱን የትምህርት ስርአት ወደቁልቁለት ማውረዱን የተያያዘው ክቡር የሆነውን የመምህርነት ሙያ ክብር በማሳጣትና በተለያዩ መንገዶች መምህራን በሙያቸው ከመኩራት ይልቅ አንገት እንዲደፉ በማድረግ ጭምር ነው፡፡ ለዚህ ዋነኛ ማሳያው ደግሞ መምህራን የድካማቸውንና የልፋታቸውን ያህል የሚመጥን ክፍያን በመንፈግ ሞራላቸው እንዲላሽቅ ፣ በኑሮ ጫና እንዲሽመደመዱ እልፍ ሲልም ለመኖርና ቁራሽ ዳቦ ለማግኘት ሲሉ ሙያዊ ክብራቸውን ለሚፈታተኑ ለሌሎች ምስቅልቅል የህይወት ስንክሳሮች እንዲጋለጡ በማድረግ ነው፡፡ በማህበረሰቡ ውስጥ “መምህር” ሲባል “ችጋራም” ተደርጎ የሚወሰድበት ሁኔታም መኖሩን እኔም መምህር ሆኜ የተመለከትኩት እውነታ በመሆኑ አስረጂ አያሻውም፡፡ በርግጥ በአሁኑ ሠአት ከዩኒቨርስቲ መምህራኑ ባሻገር ሁሉም የመንግሥት ሰራተኛ በቀን 1 ጊዜ ለመመገብ እንኳ የተቸገረና በአስከፊ የኑሮ ብስቁልና ውስጥ የሚገኝ መሆኑ የአደባባይ ሀቅ ነው፡፡ ነገርግን በዩኒቨርሲቲ መምህራን ላይ የአመታት የኑሮ ብስቁልናቸውና ጥያቄአቸው ታውቆ ፥ ከልፋታቸው ጋር የሚመጥን የደመወዝ ማሻሻያ መደረግ እንደሚገባው ተጠንቶና ታምኖበት ፥ አዲሱ የብልጽግና የትምህርት ሚኒስቴር ሆነው የተሾሙት ግለሰብም በሹመታቸው ማግስት ይህን አንገብጋቢ የመምህራን ችግር በአመርቂ ሁኔታ ለመፍታት ቃል ከገቡ በኃላ የተፈፀመ ክህደት መሆኑ ሁኔታውን ለየት ያደርገዋል፡፡ የትምህርት ሚኒስቴር “የአመታት ጥዬቄአችን መልስ ሊያገኝ ነው!” ብለው ፥ በተስፋ የሚጠብቁትን የዩኒቨርስቲ መምህራን ለታክሲ አይሉት ለቁርስ ከ200-700 ብር የማይበልጥ ገንዘብ ጨምሮ በተስፋቸው ላይ ቀልዷል ፣ በኑሯቸው ላይ አላግጧል ብሎም “ባለቤት አልባው የኢኮኖሚ ሁኔታና የዋጋ ግሽበት” በ700 ብር ጭማሬ የሰባት ሺህ ብር የኑሮ ጫና እንዲያሸክማቸው አድርጓቸዋል፡፡ በመሆኑም የዩኒቨርስቲ መምህራን ወደተደራጀ ሰላማዊ ትግልና የመብት ጥያቄ ለመግባት የጀመሩት እንቅስቃሴ የእነሱን ብቻ ሳይሆን የሀገርን ጥያቄ ያነገበ በመሆኑ ተጠናክሮ ሊቀጥል ይገባል! መላው የኢትዮጵያ መምህራንና ሲቪል ሰረቫንቶችም ከጎናቸው ሊሰለፉ ይገባል! ያለመምህራን አይደለም የትምህርት ጥራትን ሀገርን ማሰብም ቅዠት ነው! እየዞራችሁ የምታስቀምጡት የት/ቤቶች ግንባታ የመሠረት ድንጋይም ውጤቱ ራሱ ድንጋይ መሆኑ ሳይታለም የተፈታ ነው! የዩኒቨርሲቲ መምህራኖች ላቀረቡት የመብት ጥያቄ አስቸኳይ መልስ ይሠጥ! #ሼር በማድረግ የዩኒቨርስቲ መምህራኑ የመብት ጥያቄ አካል ይሁኑ! © ዘሪሁን ገሠሠ ለፈጣንና አዳዲስ መረጃዎች የአይበገሬዎቹ ልሳን:- Youtube:- https://www.youtube.com/channel/UCPmgFzP2ZPmdGjHxXjigJaw Facebook:- https://www.facebook.com/asharamedia24 ቴሌግራም:- https://t.me/asharamedia24

Source: Link to the Post

Leave a Reply