You are currently viewing የዩኒቨርስቲ ትምህርቱን አቋርጦ አሸባሪውንና ወራሪውን ትሕነግ ሲፋለም የተሰዋው የፋኖ ኮቢያ ጌታሁን ቤተሰቦች እንዲታገዙ ጥሪ ቀርቧል።    ባህርዳር:-የካቲት 17/ 2014 ዓ.ም…

የዩኒቨርስቲ ትምህርቱን አቋርጦ አሸባሪውንና ወራሪውን ትሕነግ ሲፋለም የተሰዋው የፋኖ ኮቢያ ጌታሁን ቤተሰቦች እንዲታገዙ ጥሪ ቀርቧል። ባህርዳር:-የካቲት 17/ 2014 ዓ.ም…

የዩኒቨርስቲ ትምህርቱን አቋርጦ አሸባሪውንና ወራሪውን ትሕነግ ሲፋለም የተሰዋው የፋኖ ኮቢያ ጌታሁን ቤተሰቦች እንዲታገዙ ጥሪ ቀርቧል። ባህርዳር:-የካቲት 17/ 2014 ዓ.ም አሻራ ሚዲያ የዩኒቨርስቲ ትምህርቱን አቋርጦ አሸባሪውንና ወራሪውን ትሕነግ በአዳርቃይ ማይጠብሪ ግንባር የበር ማርያምን ምሽግ ሲሰብሩ የተሰዋው የፋኖ ኮቢያ ጌታሁን ቤተሰቦች እንዲታገዙ ጥሪ ቀርቧል። በአሰላ ዩኒቨርስቲ ተማሪ የሆነው ኮቢያ ጌታሁን ከእነ ፍትጉ ካሴ እና ከጓዶቻቸው ጋር በመሆን ታህሳስ 19 ቀን 2014 በአዳርቃይ ማይጠብሪ ግንባር የበር ማርያምን ምሽግ ሲሰብሩ የተሰዋ ጀግና ሲሆን በእለቱም ሌላኛው ጀግና ፋኖ ፍትጉ ካሴም መሰዋቱና ሻለቃ ስጦታው ዳኘው (ባሻ) መቁሰሉም ይታወሳል። አማራ ሚዲያ ማዕከል (አሚማ) የሰማዕቱ ፋኖ ኮቢያ ጌታሁን ቤተሰቦች ስላሉበት ሁኔታና ከትግል ጓዶቹ ጋር በመሆን ስለፈጸሙት ተጋድሎ:_ 1) ከእናቱ ከወ/ሮ እቴአንጀት ቢምረው፣ 2) ከጸዳ ፋኖ አመራሮች ከሻለቃ መዝናቸው ዘውዱ እና በትግሉ ከቆሰለው ከፋኖ አሸናፊ ሞገስ ጋር ቆይታ አድርጓል። በጎንደር የጸዳ አካባቢ ነዋሪ የሆነው ፋኖ ኮቢያ ጌታሁን በ2012 የትምህርት ዘመን የ12ኛ ክፍል ሀገር አቀፍ ፈተና ተፈታኝ የነበረ ሲሆን በነበረው Covid19 ወረርሸኝ ምክንያት 2013 ዓ/ም ተፈትኖ የዩኒቨርስቲ መግቢያ ፈተና በማምጣት ወደ ዩኒቨርስቲ ትምህርቱ መቀላቀሉ ተገልጧል። ይሁን እንጅ አሸባሪው ህወሀት የአማራን ህዝብ በማጥፋት ኢትዮጵያን እበትናለሁ በሚል አስተሳሰብ የደገሰውን ጦርነት በማውገዝ ስለአማራ ህዝብ እና ስለሀገር ሲል ትምህርቱን ትቶ ከቤተሰብ ተደብቆ ፋኖን በመቀላቀል ትግሉን ገፋበት። ከኔ ትምህርት ይልቅ ሀገር ይቀድማል በማለት ለሀገር ክብር የቆመው የጸዳ ፋኖ አባል ፋኖ ኮቢያ ከትግል ጓዶቹ ጋር በመሆን ከእነ ፋኖ ባሻ/ስጦታው/ ጦር ጋር አብረው በመሠለፍ የጨው በርን ምሽግ ከባልደረቦቹ ጋር ጠላትን ተፋለመ፤ ጠላትን አይቀጡ ቅጣት ቀጡ፤ እስከ በር ማርያም ምሽግ ሰበራ ድረስ የተፋለ ጀግና ነበር፡፡ የፋኖ ኮቢያ እናት ወ/ሮ እቴአንጀት ቢምረው ነዋሪነታቸው በጎንደር ጸዳ ሲሆን ሁለት ልጆችን ይዘው በኪራይ ቤት ጎስቋላ ኑሮ እየመሩ ነው። “ልጄን አስተምሬ እጦራለሁ ብዬ ነበር” ሲሉ መስማት በእጅጉ ያሳዝናል። እነ የፋኖ ሻለቃ መዝናቸው ዘውዱ እና ፋኖ አሸናፊ ሞገስ ስለ ፋኖ ኮቢያ፣ስለቤተሰቡና የጸዳ ፋኖ ስላደረገው ተጋድሎና ስለመዘንጋቱ ገለጻ አድርገዋል። የፋኖ ኮቢያን እናት ወ/ሮ እቴአንጀት ቢምረውን መደገፍ ለምትፈልጉ:_ የሞባይል ስልክ 093 143 0530፣ በኢትዮጵያ ንግድ ባንክ የተከፈተ አካውንት 1000209888878 ለፈጣንና አዳዲስ መረጃዎች የአይበገሬዎቹ ልሳን:- https://www.facebook.com/asharamedia24 ቴሌግራም :- https://t.me/asharamedia24 ዩትዩብ:- https://bit.ly/33XmKro ለፈጣንና አዳዲስ መረጃዎች የአይበገሬዎቹ ልሳን:- https://t.me/asharamedia24 Facebook :- https://www.facebook.com/asharamedia24 ዩትዩብ:- https://bit.ly/33XmKro

Source: Link to the Post

Leave a Reply