የደቡብ ምዕራብ ኢትዮጵያ 11ኛ ክልል ሆኖ እንዲደራጅ ተወሰነ የፌዴሬሽን ምክር ቤት ወሰነ።ምክር ቤቱ ዛሬ ባካሄደው 6ኛ የፓርላማ ዘመን 1ኛ ዓመት የስራ ጊዜ 1ኛ አስቸኳይ ስብሰባ የደቡብ…

የደቡብ ምዕራብ ኢትዮጵያ 11ኛ ክልል ሆኖ እንዲደራጅ ተወሰነ የፌዴሬሽን ምክር ቤት ወሰነ።

ምክር ቤቱ ዛሬ ባካሄደው 6ኛ የፓርላማ ዘመን 1ኛ ዓመት የስራ ጊዜ 1ኛ አስቸኳይ ስብሰባ የደቡብ ምዕራብ ኢትዮጵያ ህዝበ ውሳኔ ውጤትን መርምሮ አጽድቋል።

ምክር ቤቱ ህዝበ ውሳኔውን ያጸደቀው የብሄራዊ ምርጫ ቦርድ ሰበሳቢ ብርቱካን ሚደቅሳ ሪፖርት ካቀረቡ እና የማንነት፣ የአስተዳደር ወሰንና የሰላም ግንባታ ቋሚ ኮሚቴ ለምክር ቤቱ የውሳኔ ሃሳብ ካቀረበ በኋላ ነው።

ምክር ቤቱ በቀረበው የውሳኔ ሀሳብ ላይ ከተወያየ በኋላ የደቡብ ምዕራብ ኢትዮጵያ 11ኛ ክልል ሆኖ እንዲደራጅ በሙሉ ድመፅ አጽድቋል።

በደቡብ ምዕራብ ኢትዮጵያ የሚገኙ አምስት ዞኖችና አንድ ወረዳ ራሳቸውን ችለው በክልልነት ለመደራጀት መስከረም 20 ቀን 2014 ሕዝበ ውሳኔ ማካሄዳቸው ይታወሳል።
የተካሄደውን የህዝበ ውሳኔ ውጤት ብሄራዊ ምርጫ ቦርድ ለፌዴሬሽን ምክር ቤት በደብዳቤ ማሳወቁም ይታወሳል።

በውጤቱ መሠረት የፌዴሬሽን ምክር ቤት ዛሬ ባካሄደው አስቸኳይ ስብሰባ ፤የደቡብ ምዕራብ ኢትዮጵያ ባካሄደው ህዝበ ውሳኔ ውጤት መሰረት በ11ኛ ክልልነት እንዲደራጅ መወሰኑን ኢዜአ ዘግቧል ።

Source: Link to the Post

Leave a Reply