You are currently viewing የደቡብ ክልል ምክር ቤት የጉራጌ ዞን ተመራጭ ላይ፤ ፍርድ ቤት ለሶስተኛ ጊዜ የምርመራ ቀናትን ፈቀደ። አማራ ሚዲያ ማዕከል/አሚማ    ታህሳስ 13 ቀን 2015 ዓ/ም          አዲስ አበ…

የደቡብ ክልል ምክር ቤት የጉራጌ ዞን ተመራጭ ላይ፤ ፍርድ ቤት ለሶስተኛ ጊዜ የምርመራ ቀናትን ፈቀደ። አማራ ሚዲያ ማዕከል/አሚማ ታህሳስ 13 ቀን 2015 ዓ/ም አዲስ አበ…

የደቡብ ክልል ምክር ቤት የጉራጌ ዞን ተመራጭ ላይ፤ ፍርድ ቤት ለሶስተኛ ጊዜ የምርመራ ቀናትን ፈቀደ። አማራ ሚዲያ ማዕከል/አሚማ ታህሳስ 13 ቀን 2015 ዓ/ም አዲስ አበባ ሸዋ በደቡብ ክልል ምክር ቤት የጉራጌ ዞን ተመራጭ በሆኑት አቶ ታረቀኝ ደግፌ ላይ ለሶስተኛ ጊዜ አስር የምርመራ ቀናት ተፈቅዷል። የምርመራ ጊዜውን የፈቀደው የደቡብ ክልል የሀዋሳ ማዕከል የመጀመሪያ ደረጃ ፍርድ ቤት፤ የፖሊስን የምርመራ ውጤት ለመጠባበቅ ለታህሳስ 21 ተለዋጭ ቀጠሮ ሰጥቷል። የምክር ቤት አባሉ ጉዳይ ለዛሬ ታህሳስ 12፤ 2015 የተቀጠረው፤ የደቡብ ክልል ፖሊስ ኮሚሽንን የምርመራ መዝገብ አይቶ ውሳኔ ለመስጠት ነበር። ፖሊስ ትላንት ለችሎቱ ባስገባው የጊዜ ቀጠሮ መጠየቂያ ላይ “ምርመራ ለማድረግ” በሚል ተጨማሪ 14 ቀናት መጠየቁን የተጠርጣሪው ጠበቃ አቶ አብዱረዛቅ ነስሩ ተናግረዋል። የታረቀኝ ጠበቃ በበኩላቸው፤ ፍርድ ቤቱ ፖሊስ የጠየቀውን የምርመራ ቀናት ውድቅ በማድረግ፤ የደንበኛቸውን የዋስትና መብቱን እንዲያከብርለት ተከራክረዋል። የግራ ቀኙን ክርክር ያደመጠው ችሎቱ፤ የፖሊስ የምርመራ መዝገብ እንዲቀርብለት በትላንትናው የችሎት ውሎ ትዕዛዝ አስተላልፎ እንደነበር አቶ አብዱረዛቅ ገልጸዋል። የምርመራ መዝገቡ ታህሳስ 13/2015 የቀረበለት የደቡብ ክልል የመጀመሪያ ደረጃ ፍርድ ቤት፤ “ለምርመራ ጊዜው ተጨማሪ ጊዜ መስጠት አስፈላጊ መሆኑን በማመን” ፖሊስ ከጠየቀው 14 ቀናት ውስጥ አስሩን ፈቅዷል። ፖሊስ ተጨማሪ የምርመራ ቀናትን የጠየቀው የተጠርጣሪውን የገንዘብ ዝውውር ከንግድ ባንኮች ለማጣራት እንዲሁም ከብሔራዊ መረጃ እና ደህንነት አገልግሎት ተጨማሪ ማስረጃዎችን ለማምጣት በሚል መሆኑን አቶ አብዱረዛቅ ተናግረዋል ሲል ኢትዮጵያ ኢንሳይደር ዘግቧል።

Source: Link to the Post

Leave a Reply